एक्स्प्रेस हायवेवर पुणेकरांना जास्त दंड भरावा लागतोय की मुंबईकरांना ?, पाहा कोण आहे दंड भरण्यात आघाडीवर?

मुंबई :  मुंबई-पुणे नवीन आणि जुन्या अशा ( Mumbai-pune ) दोन्ही महामार्गावर अतिवेगाने वाहन चालविल्यामुळे मोठ्या प्रमाणात जिवीतहानी होत आहे. त्यामुळे परीवहन विभागाने (Transport department ) मुंबई-पुणे एक्सप्रेस वे (Mumbai-pune e-way) आणि जुना हायवे दोन्ही ठिकाणी बेशिस्त वाहनचालकांचे प्रबोधन करण्यासाठी तसेच त्यांना शिस्त लावण्यासाठी 1 ते 7 डिसेंबरपर्यंत प्रबाेधन केले. तर  आता 8 डिसेंबरपासून दंडात्मक कारवाई सुरू केली आहे. सहा महिने ही मोहीम चालणार आहे. या कारवाईत पुणेकरांनी मुंबई-पुणे एक्सप्रेस वेवर लेनची शिस्त न पाळता सर्वाधिक लेन कटींग केल्याची आकडेवारी बाहेर आली आहे. तर सिट बेल्ट न घातल्याप्रकरणी पिंपरीकरांवर सर्वाधिक 262 गुन्हे दाखल करण्यात आले आहेत.

मुंबई-पुणे एक्सप्रेस वेवर लेन कटींग प्रकरणात सर्वात जास्त 34 टक्के तर सिट बेल्ट प्रकरणात 28 टक्के, ओव्हरस्पीडींगचे 21 टक्के, राँग पार्कींगचे 17 टक्के गुन्हे दाखल झाले आहे. तर  मुंबई-पुणे जुना हायवे ( एनएच – 48) वर या मोहीमेत सिट बेल्ट न घातल्या प्रकरणी एकूण 45 टक्के तर ओव्हरस्पीडींगचे 26 टक्के, लेन कटींगचे 16 टक्के गुन्हे दाखल झाले आहेत. सिट बेल्ट परिधान न करणाऱ्यांकडून 500 रूपये, लेन कटींग प्रकरणात 1000 रू. ,ओव्हरस्पीडींगबाबत कारला 2000 तर दुचाकीला 1000 रू. तर राँग साईड पार्कींग 500 रू. दंड आकारण्यात आला असल्याचे या मोहिमेचे प्रमुख परिवहन उपायुक्त रस्ता (सुरक्षा कक्ष ) भरत कळसकर यांनी सांगितले.

मुंबई-पुणे एक्सप्रेस वेवर पिंपरी – 1 पथकाने अनुक्रमे ओव्हरस्पीडींग –  231, लेन कटींग – 112, विना सिटबेल्ट – 262, राँग साईड पार्कींग – 106 गुन्हे दाखल केले आहेत.  तर पुणे – 1 पथकाने अनुक्रमे ओव्हरस्पीडींग – 0, लेन कटींग – 248, विना सिटबेल्ट -15 , राँग साईड पार्कींग – 84 गुन्हे दाखल केले आहेत. ठाणे – 2 पथकाने अनुक्रमे ओव्हरस्पीडींग – 12 , लेन कटींग – 26 , विना सिटबेल्ट -16 , राँग साईड पार्कींग – 0 गुन्हे दाखल केले आहेत. पनवेल पथकाने अनुक्रमे ओव्हरस्पीडींग – 23 , लेन कटींग – 22 , विना सिटबेल्ट -39 , राँग साईड पार्कींग -12 गुन्हे दाखल  केले आहेत. मुंबई ( मध्य ) पथकाने अनुक्रमे ओव्हरस्पीडींग –  02 , लेन कटींग -15, विना सिटबेल्ट – 02, राँग साईड पार्कींग – 0 गुन्हे दाखल केले आहेत. तर मुंबई (पश्चिम ) पथकाने अनुक्रमे ओव्हरस्पीडींग –  0 , लेन कटींग – 25, विना सिटबेल्ट – 31 , राँग साईड पार्कींग – 16  गुन्हे दाखल केले. अशाप्रकारे मुंबई-पुणे एक्सप्रेस वेवर एकूण ओव्हरस्पीडींगचे ( 268 ), लेन कटींग (448 ), विना सिटबेल्ट (365 ), राँग साईड पार्कींग (218 )  अशी दंडात्मक कारवाई केल्याची आकडेवारी आरटीओने जारी केली आहे.

मुंबई-पुणे जुना हायवेवर ( NH – 48 ) झालेल्या कारवाईत पुणे – 2 पथकाने अनुक्रमे ओव्हरस्पीडींग – 0, लेन कटींग – 15 , विना सिटबेल्ट -34  , राँग साईड पार्कींग – 7 गुन्हे दाखल केले,  तर ठाणे – 1 पथकाने अनुक्रमे ओव्हरस्पीडींग –  52, लेन कटींग – 02 , विना सिटबेल्ट – 06, राँग साईड पार्कींग – 5 गुन्हे दाखल केले. तर नवीमुंबई पथकाने अनुक्रमे ओव्हरस्पीडींग – 39, लेन कटींग – 33 , विना सिटबेल्ट – 50, राँग साईड पार्कींग – 04 गुन्हे दाखल केले आहेत. तर  मुंबई ( पूर्व ) पथकाने अनुक्रमे ओव्हरस्पीडींग –  04 , लेन कटींग – 05, विना सिटबेल्ट – 25 , राँग साईड पार्कींग – 21  गुन्हे दाखल केले. तर मुंबई-पुणे जुना हायवेवर एकूण कारवाईत ओव्हरस्पीडींग ( 95 ) लेन कटींग ( 57 ) विना सिटबेल्ट (162 ), राँग साईड पार्कींग (47)  गुन्हे दाखल होऊन दंडात्मक कारवाई झाली आहे.

अपघातप्रवण क्षेत्रांचे ( ब्लॅक स्पॉट ) सर्व्हेक्षण करणे, उपाय योजना करणे, चालकांसाठी तेथे घडलेल्या अपघातांची माहिती तसेच आकडेवारी दर्शविणारे फलकही लावण्यात आले आहेत. त्यामुळे ही आकडेवारी पाहून तरी वाहन चालकांना शिस्त लागावी असा हेतू आहे. या उपक्रमासाठी मुंबई, पुणे, पिंपरी- चिंचवड, या प्रादेशिक परिवहन कार्यालयातील अधिकाऱ्यांची 12 पथकांची निर्मिती केली आहे. या पथकात 30 अधिकाऱ्यांची नियुक्ती केली आहे. यातील सहा पथके आणि 15 अधिकारी या दोन्ही महामार्गावर 24 तास कार्यरत राहणार आहेत.