वासनांधतेचा कळस, कॉन्स्टेबलचा टॅक्सीचालकावर अनैसर्गिक अत्याचार, टॅक्सी वेश्या वस्तीत न नेल्याने कृत्य

आरपीएफ कॉन्स्टेबलने चक्क टॅक्सीचालकावर जबरदस्ती करत, अनैसर्गिक कृत्य केल्याचा (constable rape on taxi driver) आरोप आहे.

वासनांधतेचा कळस, कॉन्स्टेबलचा टॅक्सीचालकावर अनैसर्गिक अत्याचार, टॅक्सी वेश्या वस्तीत न नेल्याने कृत्य

मुंबई : महिलांवरील बलात्काराच्या घटनांनी खळबळ उडवली असताना, इकडे मुंबईत हादरवून सोडणारी घटना समोर आली आहे. आरपीएफ कॉन्स्टेबलने चक्क टॅक्सीचालकावर जबरदस्ती करत, अनैसर्गिक कृत्य केल्याचा (constable RAPE With Taxi Driver) आरोप आहे. धक्कादायक म्हणजे वेश्या वस्तीत टॅक्सी नेण्यास विरोध केल्याने, कॉन्स्टेबलने थेट टॅक्सीचालकावरच अनैसर्गिक कृत्य केलं. याप्रकरणी आरोपी कॉन्टेबलविरोधात गुन्हा दाखल झाला आहे. शनिवारी रात्री ही घटना घडली. (constable RAPE With Taxi Driver)

आरोपी कॉन्टेबल हा शनिवारी रात्री पीडित चालकाच्या टॅक्सीत बसला होता. त्यावेळी कॉन्स्टेबलने टॅक्सी ग्रॅण्ट रोड इथल्या वेश्या वस्तीत नेण्यास बजावलं. मात्र टॅक्सी तिकडे नेण्यास चालकाने नकार दिला. त्यावेळी कॉन्स्टेबलने थेट चालकाला मारहाण करुन त्याच्यासोबतच अनैसर्गिक कृत्य केल्याचा आरोप आहे.

या घटनेनंतर पीडित टॅक्सी चालकाने पोलीस स्टेशन गाठून घडलेला प्रसंग सांगितला. पोलिसांनी तात्काळ गुन्हा दाखल करुन आरोपी कॉन्स्टेबलला अटक केली. याप्रकरणी आता पोलीस अधिक तपास करत आहेत.

एकीकडे महिलांवरील अत्याचाराच्या घटना थांबता थांबत नाहीत. कायदे कडक करुनही महिला अत्याचाराच्या घटना वाढतच आहेत. अशी परिस्थिती असताना आता पुरुषांवरही अत्याचार होऊ लागल्याने, वासनांध नराधमांना रोखायचं कसं हा प्रश्न आहे.

आरोपी कॉन्स्टेबल 11 जानेवारीला दुपारी 4 ते रात्री 11 अशी ड्युटी करुन आला होता. त्यावेळी त्याने टॅक्सीचालकाला टॅक्सी डिमेलो रोडकडे नेण्यास सांगितलं. त्यानंतर त्याने टॅक्सी ग्रॅण्टरोडवरील वेश्या वस्तीत नेण्यास बजावलं. मात्र टॅक्सीचालकाने त्याला नकार दिल्याने, कॉन्स्टेबलने त्याला मारहाण केली. आरोपी कॉन्स्टेबलने टॅक्सी चालकाला रेल्वेच्या हद्दीत नेऊन, अनैसर्गिक कृत्य करत बलात्कार केला. याशिवाय कॉन्स्टेबलने त्याचे पैसे आणि चावीही काढून घेतल्याचा आरोप आहे.

या घटनेची माहिती मिळताच पोलिसांनी घटनास्थळी धाव घेऊन तपास केला. त्यानंतर एमआरए मार्ग पोलिसांनी आरोपी कॉन्स्टेबलला अटक केली. त्याच्याविरोधात कलम 377 अनैसर्गिक कृत्य, कलम 394 लूट यासह कलम 387,341,324,504 आणि 506 (2 ) अंतर्गत गुन्हा दाखल केला आहे.

Published On - 12:49 pm, Mon, 13 January 20

Click on your DTH Provider to Add TV9 MARATHI