AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Sharad Pawar : खरी राष्ट्रवादी कुणाची? 8 विरूध्द 1, मोठ्या पवारांनी दिले असे खणखणीत उत्तर

Sharad Pawar On NCP : राज्यातील सत्ता समीकरणात राष्ट्रवादी नेमकी कुणाची? हा प्रश्न खरंच अनुत्तरीत राहिला आहे का? तर याचे उत्तर मोठ्या पवार साहेबांनी मोठ्या खुबीने दिले बरं का मंडळी. कोल्हापुरात पत्रकार परिषदेत त्यांनी गणितच मांडून दाखवले.

Sharad Pawar : खरी राष्ट्रवादी कुणाची? 8 विरूध्द 1, मोठ्या पवारांनी दिले असे खणखणीत उत्तर
शरद पवार आणि अजित पवार
| Updated on: Jun 29, 2024 | 10:41 AM
Share

गेल्या तीन वर्षांत राज्यातील सत्ता समीकरण अत्यंत वळणदार रस्त्यावर येऊन ठेपले आहे. दोन मोठ्या पक्षाला फुटीच्या राजकारणाने पोखरलं. या वळणदार राजकारणाची सवय नसलेल्या जनतेला लोकसभेच्या मतदानातून प्रतिक्रिया दिली. ती कुणासाठी अपेक्षित तर कुणासाठी अनपेक्षित होती. पण पारडे कुणाचे जड याचा फैसला जनतेने दिला. ‘कट्टप्पाने बाहुबली को क्यों मारा’ या प्रश्नागत खरी शिवसेना कुणाची? खरी राष्ट्रवादी कुणाची? विचारणा राज्यात अजूनही सुरुच आहे. जो तो त्याच्या चष्म्यातून त्याच्यावर तिरकस कटाक्ष टाकतोच म्हणा. पण मोठ्या पवार साहेबांनी त्याचे उत्तर मोठ्या खुबीने दिले आहे. कोल्हापुरात आज सकाळी सकाळीच साहेबांनी पत्रकार परिषद घेतली आणि खरी राष्ट्रवादी कुणाची याचं गणित मांडलं. अर्थात हे गणित आपल्याला आता नवीन नाही, पण मोठ्या पवारांचा आत्मविश्वास या आकड्यांनी दुणावला आहे आणि विधानसभेसाठी त्यांनी जी आकडेवारी मांडली ती महायुतीसाठी धोक्याचा इशारा तर नाही ना? याची राज्यात चर्चा रंगली.

मिशन 8 विरूध्द 1

तर राष्ट्रवादीच्या अजित पवार गटाचे प्रदेशाध्यक्ष सुनील तटकरे यांच्या एका विधानाने काल परवा लोकसभेत गदारोळ झाला. अर्थात त्याचे पडसाद राज्यात दिसले. तटकरे यांनी संसदेत बोलताना अजित पवार गटाची ओरिजिनल राष्ट्रवादी असा उल्लेख केला. त्यावर शरद पवार गोटातून तात्काळ प्रतिक्रिया देण्यात आल्या. तर आज कोल्हापुरात शरद पवार यांनी त्याला खणखणीत उत्तर दिले.

‘ते कळलं ना आता, लोकांनी सांगितले ते, एक माणूस तिकडे निवडून आला. आणि आम्ही 10 पैकी 8 निवडून आलो. तर एक जागा तुतारी आणि पिपाणी या संभ्रमामुळे गेली. नाहीतर 10 पैकी 9 जागा आल्या असत्या.’ असे उत्तर शरद पवार यांनी दिले. पवारांनी राष्ट्रवादी नेमकी कुणाचे याचे उत्तर जनतेने त्यांच्या मतदानातून दिल्याचेच जणू सुचविले. विधानसभेतील स्ट्राईक रेटचा उल्लेख करत त्यांनी हाच फॉर्म्युला कायम राहण्याचे संकेत दिले.

अजित पवार यांची कोंडी?

अजित पवार यांच्या नेतृत्वात राष्ट्रवादीचे अनेक आमदार महायुतीत सामील झाले. मोदी यांच्या नेतृत्वाखालील डबल इंजिन सरकार राज्याचा मोठा विकास करणार असल्याने विकासाच्या राजकारणासाठी जात असल्याचा दावा त्यावेळी करण्यात आला होता. पण लोकसभेच्या निवडणुकीत झालेल्या हाराकिरीचा सर्वात मोठा फटका राष्ट्रवादीच्या अजित पवार गटाला बसला आहे. एका खासदारावर त्यांना समाधान मानावं लागलं आहे. त्यातच आता भाजप आणि शिंदे सेनेतील अनेक आमदारांनी-खासदारांनी अजित पवारांना महायुती बाहेर काढण्याची मागणी केली आहे. तर दुसरीकडे काँग्रेसच्या आमदारांनी पण आता महाविकास आघाडीत अजित पवार नको, अशी भूमिका घेतली आहे. लोकसभेत कमाल कामगिरी करता न आल्याने पवार गटाची महायुतीत बार्गेनिंग पॉवर कमी झाली आहे. आता अजित पवार ही कोंडी कशी फोडतात? याकडे सर्वांचेच लक्ष लागले आहे.

Follow Us
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे...
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे महाराष्ट्राचे लक्ष!
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत