रामदास कदमांना विधान परिषदेची उमेदवारी नाहीच, ऑडिओ क्लिप प्रकरण भोवलं?; नवा उमेदवार कोण?
शिवसेनेचे नेते रामदास कदम यांना ऑडिओ क्लिप प्रकरण चांगलंच भोवलं आहे. रामदास कदम यांचा विधान परिषदेच्या उमेदवारीतून पत्ता कट करण्यात आला आहे. (Shiv Sena dropped Ramdas Kadam as MLC election over his ‘rift’ with minister Anil Parab)
मुंबई: शिवसेनेचे नेते रामदास कदम यांना ऑडिओ क्लिप प्रकरण चांगलंच भोवलं आहे. रामदास कदम यांचा विधान परिषदेच्या उमेदवारीतून पत्ता कट करण्यात आला आहे. त्यामुळे कदम यांच्या जागी कोण? असा सवाल केला जात आहे.
रामदास कदम यांची मध्यंतरी एक ऑडिओ क्लिप व्हायरल झाली होती. त्यामुळे कदम यांनीच भाजप नेते किरीट सोमय्या यांना परिवहन मंत्री अनिल परब यांच्याविरोधात पुरावे दिल्याचं बोललं जात आहे. या पार्श्वभूमीवर कदम यांचा विधानपरिषदेतून पत्ता कट करण्यात आल्याचं सूत्रांनी सांगितलं. तसेच शिवसेनेतून तरुण नेत्याला विधान परिषदेवर संधी दिली जाणार असल्याचं सांगितलं जात आहे.
सहा सदस्य निवृत्त होणार
महाराष्ट्र विधानपरिषदेच्या 5 स्थानिक प्राधिकारी मतदारसंघातून निवडून आलेले 6 सदस्य रामदास कदम (मुंबई मतदारसंघ), अशोक अर्जुनराव उर्फ भाई जगताप (मुंबई), सतेज पाटील (कोल्हापूर), अमरीशभाई रसिकलाल पटेल (धुळे तथा नंदूरबार), गोपीकिसन राधाकिसन बाजोरिया (अकोला तथा बुलढाणा तथा वाशिम) आणि गिरीषचंद्र बच्छराज व्यास (नागपूर मतदारसंघ) यांची दिनांक 1 जानेवारी 2022 रोजी मुदत समाप्त होत आहे. त्यामुळे शिवसेनेतून केवळ रामदास कदम यांचा विधान परिषदेचा कार्यकाळ संपत आहे. त्यामुळे कदम यांची विधान परिषदेवर वर्णी लागणार का? याकडे सर्वांचं लक्ष लागलं होतं. मात्र, कदम यांना विधान परिषदेवर पाठवण्यात येणार नसल्याचं शिवसेना सूत्रांनी सांगितलं.
काय आहे प्रकरण?
काही दिवसांपूर्वी रामदास कदम यांची एक ऑडिओ क्लिप व्हायरल झाली होती. परिवहन मंत्री अनिल परब यांच्याविरोधात सर्व मटेरीयल हे शिवसेनेचेच नेते रामदास कदम यांनीच पुरवल्याचा आरोप मनसेचे स्थानिक नेते वैभव खेडेकर यांनी केला होता. त्यावर शिक्कामोर्तब होईल अशा पद्धतीची ऑडिओ क्लिप व्हायरल झालीय. टीव्ही 9 मराठी या क्लिपची पुष्टी करत नाही. पण ज्या दोन ते तीन ऑडिओ क्लिप व्हायरल झाल्यात त्यात, परबांच्याविरोधात जी ईडीनं कारवाई केली त्यावर कदम वाह वाह म्हणताना दिसत आहेत. एवढंच नाही तर प्रसाद कर्वे हा रामदास कदमांचा कार्यकर्ता एकाच वेळेस कदम आणि सोमय्यांच्या संपर्कात होता असंही दिसतं होतं. मात्र, या ऑडिओ क्लिपशी आपला संबंध नसल्याचं कदम यांनी स्पष्ट केलं होतं.
निवडणूक न लढण्याची घोषणा
रामदास कदम यांनी 2018मध्ये शिवसेनेच्या दसऱ्या मेळाव्याच्या आधी यापुढे कुठली निवडणुक लढवणार नाही असं जाहीर केलं होतं. मंत्री असतानाच पत्रकार परिषद घेत जाहीरपणे या संदर्भातील खुलासा त्यांनी केला होता. मी कुठलीही निवडणूक लढवणार नाही आणि पद घेणार नाही, असं ते म्हणाले होते याची आठवण योगेश कदम यांनी करुन दिली. माझ्याकडची पद तरुणांना दिली जावीत तसेच निवडणुकीत तरूणांना संधी देण्यात यावी असं रामदास कदम म्हणाले होते. त्यामुळे या संदर्भात पक्ष प्रमुख उद्धव ठाकरे जो निर्णय़ घेतील तो आम्हाला मान्य असेल, असं आमदार योगेश कदम यांनी सष्ट केलं होतं. आमच्यासाठी शिवसैनिक हेच महत्वाचे पद आहे. शिवसेना पक्ष प्रमुख उद्धव ठाकरे हे आमच्याकडे पाहताना रामदास कदम यांचे चिरंजीव म्हणूनच पाहतात, असंही योगेश कदम म्हणाले होते. कदम यांनी निवडणूक न लढण्याची घोषणा केली होती. त्यामुळेही त्यांना तिकीट देण्यात येणार नसल्याचं सांगितलं जातं.
असा आहे निवडणूक कार्यक्रम
निवडणुकीची अधिसूचना प्रसिद्ध करण्याचा दिनांक – 16 नोव्हेंबर 2021 (मंगळवार)
नामनिर्देशन पत्रे सादर करण्याचा अखेरचा दिनांक – 23 नोव्हेंबर 2021 (मंगळवार)
नामनिर्देशन पत्रांची छाननी – 24 नोव्हेंबर 2021 (बुधवार), उमेदवारी अर्ज मागे घेण्याचा अंतिम दिनांक 26 नोव्हेंबर 2021 (शुक्रवार)
मतदानाचा दिनांक – 10 डिसेंबर 2021 (शुक्रवार), मतदानाची वेळ – सकाळी 8 ते सायंकाळी 4 वाजेपर्यंत
मतमोजणीचा दिनांक – 14 डिसेंबर 2021 (मंगळवार) आणि निवडणूक प्रक्रिया पूर्ण करण्याचा दिनांक – 16 डिसेंबर 2021 (गुरूवार).
Video | कुविख्यात गुंड मुन्ना यादवशी तुमचा संबंध काय?; Nawab Malik यांचा देवेंद्र फडणवीसांना सवाल@nawabmalikncp #NawabMalik #DevendraFadnavis #NCP #BJP #Maharashtra #Politics pic.twitter.com/4DIMtS0022
— TV9 Marathi (@TV9Marathi) November 10, 2021
संबंधित बातम्या:
RIYAZ BHATI: दाऊद ते परमवीर सिंग, वाझेपर्यंत कनेक्शन, कोण आहे रियाझ भाटी?
(Shiv Sena dropped Ramdas Kadam as MLC election over his ‘rift’ with minister Anil Parab)
