रामभक्तांना भिकारी म्हणता, शिवसेनेचं हे कसलं हिंदुत्व: राम कदम

मुंबई: अयोध्येतील राम मंदिरासाठी वर्गणी गोळा करणाऱ्या रामभक्तांना शिवसेनेचे मंत्री अब्दुल सत्तार (Abdul Sattar) यांनी भिकारी म्हटले. हे शिवसेनेचं कसलं हिंदुत्व आहे, असा सवाल भाजप आमदार राम कदम (Ram Kadam) यांनी उपस्थित केला आहे. अब्दुल सत्तार यांच्या वक्तव्यामुळे रामभक्तांचा अपमान झाला आहे. त्यामुळे शिवसेनेने सर्व रामभक्तांची तातडीने माफी मागितली पाहिजे, अशी मागणी राम कदम यांनी ट्विटवरुन केली. राम मंदिराच्या उभारणीत प्रत्येक रामभक्ताला योगदान द्यायचे आहे. राम मंदिरासाठी आपण किमान एकतरी वीट द्यावी, अशी भावना प्रत्येक हिंदुच्या मनात आहे. पण शिवसेनेचे मंत्री त्यांना भिकारी म्हणतात. शिवसेनेचं हे कोणत्या प्रकारचं हिंदुत्व आहे, असा सवाल राम कदम यांनी विचारला. (BJP MLA Ram Kadam slams Shivsena leader Abdul sattar)

काय म्हणाले होते अब्दुल सत्तार?

अयोध्येतील राम मंदिराच्या निर्माणासाठी भाजपकडून राज्यात राबवण्यात येत असलेल्या निधी संकलन मोहीमेवरून शिवसेना आमदार अब्दुल सत्तार (Abdul Sattar) यांनी विरोधकांना लक्ष्य केले. भाजपचे नेते राम मंदिराच्या निधी संकलनाच्या माध्यमातून राजकारण करण्याचा प्रयत्न करत आहेत. मात्र, मुख्यमंत्री उद्धव ठाकरे हे दानशूर व्यक्ती आहेत. इतरांसारखे भिकारी नाहीत, अशा शब्दांत अब्दुल सत्तार यांनी भाजपवर निशाणा साधला होता.

#राममंदिराच्या निर्माणमध्ये प्रत्येक हिंदू बांधवांची आणि रामभक्तची मनापासून इच्छा आहे की निर्माणमध्ये मंदिराची एक विट का होईना आपली असावी असे असताना देखील,, मंदिर निर्माण मध्ये भाग घेणाऱ्या हिंदू बांधव रामभक्तांना भिकारी संबोधने ? हे शिवसेनेचे कोणते हिंदुत्व ?

— Ram Kadam – राम कदम (@ramkadam) January 24, 2021

यह राम भक्तो का अपमान है क्या शिवसेना का यही हिन्दुत्व है? सभी राम भक्तों की शिवसेना माफी मांगे

— Ram Kadam – राम कदम (@ramkadam) January 24, 2021

‘सत्ता पडण्याची वाट पाहणारे हँग झाले’

महाविकासाघाडीचे सरकार पडण्याची वाट पाहणारे हँग झाले आहेत. गेल्या 16 महिन्यांपासून सरकार आहे तिथेच आहे, असे सांगत अब्दुल सत्तार यांनी रावसाहेब दानवे यांना लक्ष्य केले. माझं नाव सत्तार आहे, मी सत्तेतच राहणार, अशी शाब्दिक कोटीही त्यांनी केली. तसेच आगामी काळात ग्रामपंचायतींच्या विकासासाठी निधी कमी पडू देणार नाही, असे आश्वासनही त्यांनी दिले.

संबंधित बातम्या:

भाजपनं प्रभू रामाची मूर्ती उभारली, शिवसेना नेत्या म्हणतात यांनी तर सीतेला वेगळं केलं!

मालवणीत भाजपाने लावलेले प्रभू रामाचे पोस्टर्स पोलीसांनी फाडल्याचा आरोप, प्रकरण चिघळणार?

उद्धव ठाकरे हा दानशूर व्यक्ती, तुमच्यासारखा भिकारी नाही; अब्दुल सत्तारांचा भाजपवर घणाघात

(BJP MLA Ram Kadam slams Shivsena leader Abdul sattar)