AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

EXCLUSIVE | शरद पवार हेच राष्ट्रवादीचे अध्यक्ष, पण…, सूत्रांकडून सर्वात मोठी बातमी

शरद पवारच राष्ट्रवादी काँग्रेसचे अध्यक्ष राहणार, अशी मोठी बातमी सूत्रांकडून मिळाली आहे. शरद पवार यांनी दोन दिवसांपूर्वीच पक्षाध्यक्ष पदाच्या राजीनाम्याची घोषणा केली. त्यांच्या या घोषणेमुळे राष्ट्रवादी काँग्रेस पक्षात खळबळ उडाली आहे.

EXCLUSIVE | शरद पवार हेच राष्ट्रवादीचे अध्यक्ष, पण..., सूत्रांकडून सर्वात मोठी बातमी
फाईल फोटो
| Edited By: Chetan Patil | Updated on: May 04, 2023 | 10:04 PM
Share

मुंबई : शरद पवारच राष्ट्रवादी काँग्रेसचे अध्यक्ष राहणार, अशी मोठी बातमी सूत्रांकडून मिळाली आहे. शरद पवार यांनी दोन दिवसांपूर्वीच पक्षाध्यक्ष पदाच्या राजीनाम्याची घोषणा केली. पण राष्ट्रवादी काँग्रसचे नेते अजित पवार वगळता सर्व नेत्यांनी शरद पवार यांच्या या निर्णयाला विरोध केला. राष्ट्रवादीचे अजित पवार वगळता जवळपास सर्वच नेत्यांनी शरद पवार यांच्या निर्णयाला विरोध केला. तर कार्यकर्त्यांनी भर सभागृहात शरद पवार यांनी निर्णय मागे घ्यावा यासाठी ठिय्या मांडला. शरद पवारांच्या राजीनाम्याच्या निर्णयाविरोधात राज्यभरातील राष्ट्रवादीचे आमदार, पदाधिकारी आणि कार्यकर्त्यांकडून राजीनामे दिले जात आहेत. त्यामुळे शरद पवार हेच पक्षाच्या अध्यक्षपदी असणार असल्याची माहिती मिळत आहे.

शरद पवार यांनी आपल्या कार्यकर्ते आणि पदाधिकाऱ्यांकडे विचार करण्यासाठी दोन दिवसांचा वेळ मागितला आहे. विशेष म्हणजे मुंबईतील वाय. बी. चव्हाण सेंटर बाहेर आंदोलनाला बसलेल्या कार्यकर्त्यांची समजूत काढण्यासाठी आज शरद पवार यांनी त्यांच्यासोबत बातचित केली. यावेळी तुमच्या मनासारखा निर्णय होईल. तुमच्या भावनांचा अनादर करणार नाही. तुम्हाला दोन दिवसांनी पुन्हा असं बसावं लागणार नाही, असं आश्वासन शरद पवार यांच्याकडून देण्यात आलं. त्यामुळे शरद पवार हेच अध्यक्ष असल्याचं निश्चित मानलं जात होतं. पण सूत्रांकडून या वृत्ताला दुजोरा मिळाला आहे.

पक्षात नेमके बदल काय होणार?

या सगळ्या घडामोडींनंतर आता आणखी एक महत्त्वाची बातमी सूत्रांकडून मिळत आहे. पक्षाच्या कार्यकर्ते आणि पदाधिकाऱ्यांचा विरोध पाहता शरद पवार हेच अध्यक्षपदी असणार आहेत. तर दैनंदिन कामकाजासाठी कार्याध्यक्ष बनवण्यात येण्याची शक्यता आहे. राष्ट्रवादी काँग्रेसच्या नेत्या सुप्रिया सुळे या राष्ट्रवादीच्या कार्याध्यक्षा होण्याची शक्यता आहे, अशी माहिती सूत्रांकडून मिळत आहे.

शरद पवार यांनी नव्या पक्षाध्यक्षाच्या निवडीसाठी एक कमिटीच नेमली आहे. या कमिटीची उद्या बैठक होणार आहे. या बैठकीत शरद पवार हेच येत्या लोकसभेच्या निवडणुकीपर्यंत अध्यक्ष राहतील, असा प्रस्ताव मांडण्यात येईल. या प्रस्तावाला अनौपचारिकरित्या तत्वत: मान्यता मिळाली आहे. त्यामुळे शरद पवार हे अध्यक्ष असतील. तर कार्याध्यक्ष आणि तहहयात अध्यक्ष अध्यावर चर्चा होणार असल्याची माहिती सूत्रांकडून मिळत आहे.

राष्ट्रवादी काँग्रेसच्या अध्यक्षपदासाठी दोन दिवसांपासून सुप्रिया सुळे आणि अजित पवार या दोन नावांची चर्चा आहे. सुप्रिया सुळे यांच्या नावाला सर्वाधिक पसंती असल्याची देखील चर्चा आहे. आगामी काळात सुप्रिया सुळे हे पक्षाच्या अध्यक्षा असाव्यात तर अजित पवार हे राज्याच्या मुख्यमंत्री पदासाठीचा चेहरा असावा असं मत पक्षातील नेत्याचं असल्याची चर्चा राजकीय वर्तुळात सुरु आहे. पण या चर्चा कितपत खऱ्या ठरतात ते आगामी काळात स्पष्ट होईल. राष्ट्रवादीच्या नेत्यांच्या बैठकीनंतर उद्या संध्याकाळपर्यंत जवळपास चित्र स्पष्ट होण्याची शक्यता आहे.

Follow Us
मुंबई जिल्हा बँकेत शिवसेना अतिरिक्त एका जागेसाठी आग्रही? अहिर म्हणाले?
Sachin Ahir : मुंबई जिल्हा बँकेत शिवसेना अतिरिक्त एका जागेसाठी आग्रही? सचिन अहिर काय म्हणाले?
मविआच्या कार्यकाळात पोलिसांच्या सुविधा मागे पडल्याचा देवेन भारतींचा...
Deven Bharati : डायल 112 पासून GPS ट्रॅकिंगपर्यंत…; मविआच्या कार्यकाळात पोलिसांच्या सुविधा मागे पडल्याचा देवेन भारतींचा दावा
चारा नसलेल्याने जनावरे डोंगरात सोडून देण्याची शेतकऱ्यांवर वेळ
Dharashiv Farmer : चारा नसलेल्याने जनावरे डोंगरात सोडून देण्याची शेतकऱ्यांवर वेळ
बाभळीच्या काट्यांच्या ढिगाऱ्यात भाविकांच्या उड्या; पुरंदरमधील गुळुंचे
Pune : बाभळीच्या काट्यांच्या ढिगाऱ्यात भाविकांच्या उड्या; पुरंदरमधील गुळुंचे गावची अनोखी काटेबारस यात्रा, व्हिडिओ बघाच
एकजूट नसल्यामुळेच यश...; EVM हटावच्या मागणीवर चंदनशिवे स्पष्टच बोलले
Nitin ChandanShive : एकजूट नसल्यामुळेच यश...; EVM हटावच्या मागणीवर नितीन चंदनशिवे स्पष्टच बोलले
माझ्याबाबत पवारांच्या मनात संशयाचं...; नरहरी झिरवाळांचं मोठं विधान
Narhari Zirwal on Sharad Pawar : माझ्याबाबत पवारांच्या मनात संशयाचं...; नरहरी झिरवाळांचं मोठं विधान
उसाला प्रतिटन 4200 रुपये भाव द्या; साडेतीन तासांचा रास्ता रोको अखेर...
Sugarcane Rate Protest : उसाला प्रतिटन 4200 रुपये भाव द्या; साडेतीन तासांचा रास्ता रोको अखेर स्थगित
गोशाळांसाठी फडणवीस सरकारचा मोठा निर्णय; व्यावसायिक दराऐवजी....
CM Devendra Fadnavis : गोशाळांसाठी फडणवीस सरकारचा मोठा निर्णय; व्यावसायिक दराऐवजी....
एका खासदाराचा भाव 150 कोटी; डिलिमिटेशनसाठी शाह खासदार विकत घेत आहेत...
Sanjay Raut : एका खासदाराचा भाव 150 कोटी; डिलिमिटेशनसाठी अमित शाह खासदार विकत घेत असल्याचा संजय राऊतांचा दावा
माळशेज घाटातील रिसॉर्टमध्ये भुजबळांसोबत काय चर्चा? अमोल कोल्हे...
Amol Kolhe : माळशेज घाटातील रिसॉर्टमध्ये भुजबळांसोबत काय चर्चा? अमोल कोल्हे स्पष्टच म्हणाले...