“तुम्ही हे सगळे पराक्रम करून ठेवलेत, मग आता त्याचे परिणाम भोगावे लागतील”; राऊतांच्या आरोपांवर ‘या’ मंत्र्यांचा एकाच वाक्यात पलटवार…

नागपूरः हिवाळी अधिवेशन सुरू झाल्यापासून सत्ताधारी आणि विरोधकामंध्ये जोरदार खडाजंगी होताना दिसून येत आहे. एकीकडे जमीन घोटाळ्याच्या आरोपावरून मुख्यमंत्र्यांना लक्ष्य केले जात आहे तर दुसरीकडे माजी मुख्यमंत्री उद्धव ठाकरे, आदित्य ठाकरे यांना दिशा सालियान प्रकरणावरून त्यांच्यावर गंभीर आरोप केले जात आहेत. त्याच बरोबर खासदार संजय खासदार यांच्यावर कारवाई होऊन त्यांना जामीन मंजूर होऊन ते आता जामिनावर सुटले आहेत.

त्यामुळे सरकारवर त्यांच्याकडून वारंवार सुडाच्या भावनाने महाविकास आघाडीतील नेत्यांवर कारवाई होत असल्याचा आरोप त्यांच्याकडून केला जात आहे. त्यांच्या या आरोपांवर बोलताना मंत्री गिरीश महाजन सांगितले की, त्यांच्याविरोधात न्यायालयात पुरावे सादर केले गेले आहेत.

संजय राऊत, नवाब मलिक, अनिल देशमुख यांच्यावर झालेल्या आरोपांमध्ये तथ्य असल्यामुळे उच्च न्यायालय, सर्वोच्च न्यायालय त्यांना सोडत नसल्याचा पलटवार संजय राऊत यांच्यावर करण्यात आला आहे.खास

दार संजय राऊत यांच्यावर कारवाई झाल्यानंतर आणि ते तुरुंगातून जामिनावर सुटून आल्यानंतर त्यांनी राज्य सरकारवर जोरदार हल्लाबोल केला होता. संजय राऊत म्हणाले की, महाविकास आघाडीती नेत्यांवर फक्त सुडाच्या भावनेने ही कारवाई केली गेली आहे.

मंत्री गिरीश महाजन यांनी मात्र पलटवार करत त्यांनी संजय राऊत यांचा आरोप खोडून काढला आहे. त्यांच्यावर झालेले आरोपामध्ये काही तरी तथ्य आहे. त्यामुळेच कोणत्याही न्यायालयाकडून त्यांना जामीन मंजूर होत नाही.

खासदार संजय राऊत, आमदार नवाब मलिक, माजी मंत्री आणि आमदार अनिल देशमुख हे सुद्धा अजून तुरुंगामध्येच आहेत. त्यामुळे त्यांच्या पराक्रमामुळेच ते अजून आता आहेत असा टोला गिरीश महाजन यांनी लगावला आहे.