Delta Plus Update: नागपूरवर डेल्टा प्लसचं संकट? एकाच कुटुंबातील 10 जणांना कोरोना, प्रशासन ॲलर्ट
महाराष्ट्रावरील कोरोनाच्या डेल्टा प्लस वेरिएंटचं संकट वाढताना दिसत आहे. नागपूर जिल्ह्यात एकाच कुंटुंबातील दहा जणांना कोरोना विषाणू संसर्ग झाल्यानं जिल्हा प्रशासन अॅलर्ट झालं आहे.
नागपूर: महाराष्ट्रावरील कोरोनाच्या डेल्टा प्लस वेरिएंटचं संकट वाढताना दिसत आहे. नागपूर जिल्ह्यात एकाच कुंटुंबातील दहा जणांना कोरोना विषाणू संसर्ग झाल्यानं जिल्हा प्रशासन अॅलर्ट झालं आहे. नागपूरातील डेल्टा प्लसच्या संशयित म्हणून त्या दहा रुग्णांचे अहवाल तपासणीसाठी निरीनं हैदराबाद येथील प्रयोगशाळेत पाठवले आहेत. आता या अहवालामध्ये काय होतंय, याकडे नागपूरकरांचं लक्ष लागलं आहे. (Nagpur Corona Update 10 people corona positive from one family sample sent Hyderabad for checking of Delta Plus Variant)
संशयित रुग्ण उमरेडच्या कोविड सेंटरमध्ये
डेल्टा प्लसचे 10 संशयित रुग्ण उमरेडच्या कोविड केअर सेंटरमध्ये उपचार घेत आहेत. हैदराबाद येथील प्रयोगशाळेकडून अहवाल पॅाझिटीव्ह आल्यास मेडीकल, मेयो मध्ये उपचारासांठी दाखल करण्याचा निर्णय घेण्यात आला आहे. उमरेडच्या एकाच घरातील 10 जणांना झपाट्यानं कोरोनाची लागण झाल्यानं हा निर्णय घेण्यात आला आहे. निरीने नमुने हैदराबाद येथील प्रयोगशाळेत पाठवले आहेत.
रत्नागिरीतीतून 117 नमुने तपासणीसाठी दिल्लीच्या प्रयोगशाळेत
रत्नागिरी जिल्ह्यातून दिल्लीच्या प्रयोगशाळेत डेल्टा प्लसच्या तपासणीसाठी 117 नमुने पाठवण्यात आले आहेत. 117 स्बॅब दिल्लीच्या प्रयोग शाळेत पोहोचले आहेत, जिल्हा प्रशासनाला अहवालाची प्रतीक्षा आहे. कोरोनाचा हॉटस्पॉट ठरत असलेल्या रत्नागिरीमध्ये यापूर्वी 9 जणांना कोरोनाच्या डेल्टा प्लस वेरिएंटचा संसर्ग झाला होता. डेल्टा प्लसचे सर्वाधिक रुग्ण पाडललेल्या रत्नागिरीत आरोग्य यंत्रणा अॅलर्ट झाली आहे.
डेल्टा प्लसपासून बचाव कसा करायचा?
व्हायरस काहीही असो, तो नेहमी त्याची अनुवांशिक रचना बदलत राहतो. विषाणू जेव्हा त्याची रचना बदलते, तेव्हा त्याला शास्त्रज्ञ एक नवीन नाव देतात. कोणताही विषाणू त्याचं रुप बदलत असतो. ज्यावेळी लोक विषाणूचा प्रभाव नष्ट करण्यासाठी लस किंवा औषधं घेतात त्यापासून वाचण्यासाठी विषाणूकडून रुप बदलं जातं. मात्र, आपण कायम मास्क वापरणे, हात स्वच्छ ठेवणे, सुरक्षित अंतर ठेवणे या गोष्टी आपल्या हातात आहेत, या गोष्टी केल्यास आपण डेल्टा प्लसपासून बचाव करु शकतो, असं तज्ज्ञांचं मत आहे.
नाशिककरांवर पाणी कपातीचं सावट, शेती कामं मंदावली, पावसाने दडी मारल्यानं चिंता वाढलीhttps://t.co/SgkptJDN8R#Nashik | #NashikRainUpdate | #Rain | #WaterCrisis
— TV9 Marathi (@TV9Marathi) June 30, 2021
संबंधित बातम्या:
लोकांना जराही धीर नाही, कोरोनाकाळात राजकारण करणाऱ्या पुढाऱ्यांनी विचार करायला हवा- हायकोर्ट
(Nagpur Corona Update 10 people corona positive from one family sample sent Hyderabad for checking of Delta Plus Variant)
