नाशिकमध्ये राष्ट्रीय मतदान जागृती स्पर्धेचे आयोजन; निवडणूक विभागाकडून मिळणार रोख बक्षीस, कसे व्हाल सहभागी?
नाशिकमध्ये राष्ट्रीय मतदान जागृती स्पर्धेचे आयोजन करण्यात आले आहे. स्पर्धेत प्रत्येक श्रेणीतील पहिल्या तीन विजेत्यांना रोख पारितोषिके देवून गौरविण्यात येणार असून, प्रत्येक श्रेणीत विशेष उल्लेखनीय रोख पारितोषिके असणार आहेत. स्पर्धकांनी तपशिलवार मार्गदर्शक तत्वे, नियम व अटी यांच्या माहितीसाठी...
नाशिकः एका मताने सरकार पडू शकते, याचा इतिहास भारतीय लोकशाही पाहिला आहे. अनेक छोट्या-छोट्या निवडणुकांमध्ये तर ईश्वरी चिठ्ठीमुळे अनेकांच्या विजयाचे भाग्य फळफळते. एक मत लाख मोलाचे असते म्हणतात. आता येणाऱ्या काळात महापालिका आणि जिल्हा परिषद, पंचायत समित्यांच्या निवडणुका आहेत. हेच ध्यानात घेत नाशिकमध्ये (Nashik) निवडणूक (Election) विभागातर्फे राष्ट्रीय मतदान जागृती स्पर्धेचे आयोजन करण्यात आले आहे. दरवर्षी 25 जानेवारी रोजी राष्ट्रीय मतदान दिन (National Polling Day) साजरा केला जातो. या दिनाचे औचित्य साधून ‘माझे मत माझे भविष्य – एका मताचे सामर्थ्य’ येत्या 15 मार्च 2022 पर्यंत विविध स्पर्धांचे आयोजन करण्यात आले आहे. विशेष म्हणजे सर्व वयोगटातील जास्तीत जास्त मतदारांनी या स्पर्धेमध्ये सहभाग नोंदवावा, असे आवाहन उपजिल्हाधिकारी तथा उप जिल्हा निवडणूक अधिकारी स्वाती थविल यांनी केले आहे.
कसे व्हाल सहभागी?
स्पर्धेत प्रत्येक श्रेणीतील पहिल्या तीन विजेत्यांना रोख पारितोषिके देवून गौरविण्यात येणार असून, प्रत्येक श्रेणीत विशेष उल्लेखनीय रोख पारितोषिके असणार आहेत. स्पर्धकांनी तपशिलवार मार्गदर्शक तत्वे, नियम व अटी यांच्या माहितीसाठी https://ecisveep.nic.in/contest या संकेतस्थळाला भेट द्यावी. स्पर्धकांनी त्यांच्या प्रवेशिका सर्व तपशिलासह voter-contest@eci.gov.in यावर मेले कराव्यात. प्रवेशिका ऑनलाईन सादर करण्याची अंतिम मुदत 15 मार्च 2022 आहे
स्पर्धा कोणत्या?
12 व्या राष्ट्रीय मतदार दिनानिमित्त सर्जनशील अभिव्यक्तिद्वारे देशातील प्रत्येक मताचे महत्व पटवून देणे हा स्पर्धेचा उद्देश आहे. SVEEP (Systematic Voteres Education and Electrol Participation) या कार्यक्रमांतर्गत मतदाराचे पद्धतशीर शिक्षण व निवडणूक सहभाग कार्यक्रमांतर्गत राष्ट्रीय मतदार जागृती करणे यासाठी प्रश्नमंजूषा स्पर्धा, व्हिडीओ चित्रण स्पर्धा, भित्तीचित्र (पोस्टर) स्पर्धा, गायन स्पर्धा आणि घोषवाक्य स्पर्धा अशा विविध स्पर्धां आयोजित केल्या आहेत. सर्व वयोगटातील मतदरांसाठी या स्पर्धा खुल्या असणार आहेत.असेही, उपजिल्हाधिकारी तथा उप जिल्हा निवडणूक अधिकारी नाशिक स्वाती थविल यांनी कळविले आहे.
दरवर्षी 25 जानेवारी रोजी राष्ट्रीय मतदान दिन (National Polling Day) साजरा केला जातो. या दिनाचे औचित्य साधून ‘माझे मत माझे भविष्य – एका मताचे सामर्थ्य’ येत्या 15 मार्च 2022 पर्यंत विविध स्पर्धांचे आयोजन करण्यात आले आहे. विशेष म्हणजे सर्व वयोगटातील जास्तीत जास्त मतदारांनी या स्पर्धेमध्ये सहभाग नोंदवावा. – स्वाती थविल, उप जिल्हा निवडणूक अधिकारी, नाशिक
सर्व स्पर्धा खुल्या
– प्रश्नमंजूषा स्पर्धा
– व्हिडीओ चित्रण स्पर्धा
– भित्तीचित्र (पोस्टर) स्पर्धा
– गायन स्पर्धा
– घोषवाक्य स्पर्धा
इतर बातम्याः
युक्रेनमधील भारतीयांसाठी हेल्पलाइन क्रमांक घोषित; एका फोनवर मिळेल मदत, जाणून घ्या सर्व नंबर!
युक्रेनमध्ये अडकलेल्यांसाठी नाशिक जिल्हा प्रशासनाकडून हेल्पलाइन सुरू; कुठे मिळेल मदत?
उपमहापौरासह भाजपचे 4 नगरसेवक शिवसेनेच्या गळाला; नाशिकमध्ये फोडाफोडीला वेग!
