नैसर्गिक नाले बुजवल्यावरुन मनसेचे माजी आमदार आक्रमक, नाशिक महापालिकेत धरणे आंदोलन

नाशिक: शहरातील पावसाच्या काळात वाहून जाणाऱ्या पाण्याच्या मुद्यावरुन नाशिकमध्ये मनसेचे माजी आमदार आक्रमक झालेले पाहायला मिळाले. मनसेचे माजी आमदार नितीन भोसले यांनी नाशिक मनपा आयुक्त कार्यालयासमोर धरणे आंदोलन केले. नाशिक महापालिकेने प्रश्न सोडवले नाहीत, तर पुढील काळात तीव्र आंदोलन करु, असा इशारा नितीन भोसले यांनी दिला. (Nashik ex MLA MNS leader Nitin Bhosale protest at Nahsik Municipal Corporation Commissioner office for rain water during rain)

पावसाचं पाणी वाहून जाणारे नाले बुजवाल्याच्या निषेधार्थ आंदोलन

नाशिक शहरातील कर्मयोगी नगर भागात अनेक पावसाळी पाणी वाहून जाणारे नैसर्गिक नाले बुजवाल्याच्या निषेधार्थ मनसे नेते नितीन भोसले यांच्याकडून आंदोलन करण्यात आलं आहे. नैसर्गिक नाले बुजवल्याने पावसाचे पाणी थेट नागरिकांच्या घरात शिरत असल्याने माजी आमदार नितीन भोसले आक्रमक झाले होते. महापालिका अधिकारी आणि बांधकाम व्यावसायिक यांच्या संगनमताने नाले बुजवल्याचा आरोप नितीन भोसले यांनी आरोप केला आहे. नितीन भोसले यांनी बुजवलेल्या नाल्याचा प्रश्न त्वरित मार्गी न लावल्यास आणखी तीव्र आंदोलनाचा इशारा दिला आहे.

कोरोनामुळे स्मार्ट सिटीला प्रकल्पाला मुदतवाढ

सीताराम कुंटे यांनी नाशिक स्मार्ट सिटी प्रकल्पाला मुदतवाढ 2 वर्ष मिळणार असल्याची माहिती यावेळी दिली. कोविड मुळे हा कालावधी वाढवून देण्यात येत आहे. शहराच्या विकासासाठी पालिका प्रशासन, पदाधिकारी यासोबत समन्वय आवश्यक आहे, असं सीताराम कुंटे म्हणाले. ग्रीन फिल्ड प्रस्ताव नगरविकास विभागाकडे, मात्र हा विषय सध्या न्यायप्रविष्ट आहे. ABD प्रोजेक्ट मध्ये शहरात अतिरिक्त रस्ते निर्मिती केली जाते. कोरोना मुळं स्मार्ट सिटी कामातील गती कमी झाली. या प्रकल्पात आता विभागीय आयुक्त, जिल्हाधिकारी समन्वयक असतील.

स्मार्ट सिटीचा कारभार सुमंत मोरे यांच्याकडं

नाशिक स्मार्ट सिटीचे सीईओ प्रकाश थविल आणि लोक प्रतिनिधी यांच्यामध्ये संघर्ष होत होता. त्यामुळे नाशिकच्या नगरसेवकांनी प्रकाश थविल यांची बदली करावी, अशी मागणी केली होती. राज्याचे सचिव सीतारम कुंटे यांच्या उपस्थित झालेल्या बैठकीत प्रकाश थविल यांची बदली करण्यात आली आहे. आता सुमंत मोरे नाशिक स्मार्ट सिटीचे नवीन सीईओ असतील. थविल यांची बदली प्रशासकीय बाब असल्याचं सांगण्यात आलं असलं तरी नगरसेवकांच्या रेट्या पुढे स्मार्ट सिटी प्रशासन झुकलं असल्याची चर्चा आहे.

इतर बातम्या:

ईडी म्हटलं की लोक घाबरतात, तुमचा भुजबळ करु असं सांगतात, छगन भुजबळ यांचं वक्तव्य

तिसरी लाट तिशीच्या आतील तरुणांसाठी धोकादायक; टास्क फोर्सच्या हवाल्याने अजित पवारांचा इशारा

(Nashik ex MLA MNS leader Nitin Bhosale protest at Nahsik Municipal Corporation Commissioner office for rain water during rain)