Cricket Betting : क्रिकेटच्या सट्टेबाजांवर पोलिसांची कारवाई, लॉज आणि मैदानातून 12 जणांना अटक

नवी मुंबई / रवी खरात (प्रतिनिधी) : गेल्या दीड महिन्यांपासून क्रिकेटच्या मॅचेस सुरू आहेत. याच पार्श्वभूमीवर एपीएमसी पोलिस ठाण्याच्या हद्दीतील साईदीप लॉजवर छापा (Raid) मारुन 5 सट्टेबाजांना तर मैदानात बसून सट्टेबाजी (Betting) करणाऱ्या 8 जणांना पोलिसांनी अटक केली आहे. काही जण स्टेडियममधून पळून जाण्यास यशस्वी झाले. स्टेडियममध्ये व लॉजमध्ये अशा एकूण 12 सट्टेबाजांना पोलिसांनी अटक केले आहेत. त्यांच्याकडून 7 लाखांचा मुद्देमाल आणि 10 ते 12 मोबाईल व डोंगल जप्त करण्यात आले असल्याची माहिती नवी मुंबईचे गुन्हे शाखेचे पोलीस उपायुक्त सुरेश मेंगडे यांनी दिली. (Police crack down on cricket bookies in Navi mumbai, arrest 12 from lodge and ground)

लॉज आणि मैदानातून 12 सट्टेबाजांना अटक

सध्या क्रिकेट सामने सुरु असल्याने मोठ्या प्रमाणात सट्टेबाजी सुरु आहे. गुन्हे शाखेच्या माध्यमातून सट्टे बाजांवर कारवाई करण्यासाठी चार-पाच टीम तयार करण्यात आल्या होत्या. या टीम सट्टेबाजांच्या हालचालींवर लक्ष ठेवून होत्या. त्याच अनुषंगाने एपीएमसी पोलीस ठाण्याच्या हद्दीतील साईदीप लॉजवर पोलिसांनी छापा टाकला. या कारवाईत लॉजवरील 5 सट्टेबाजांना पोलिसांनी अटक केली. तसेच मैदानात बसून सट्टेबाजी करणाऱ्या 8 लोकांना अटक करण्यातही पोलिसांना यश आले आहे. चौकार षटकार तसेच विकेट यावर देखील हे सट्टेबाज सट्टा लावत होते. यापूर्वी मॅच हरणार की जिंकणार यावर सट्टा लावला जात होता. ऑनलाइन मॅच पाहून आरोपी सट्टा लावत होते. (Police crack down on cricket bookies in Navi mumbai, arrest 12 from lodge and ground)