VIDEO : अहमदनगरमध्ये सरफेस कोटिंग ऑइल कंपनीला भीषण आग, लाखो रुपयांचे नुकसान
शॉर्टसर्किटने आग लागल्याची प्राथमिक माहिती असून काही क्षणात होत्याचं नव्हतं झालं आणि कंपनीतील सर्व साहित्य जळून खाक झालं आहे. कंपनीला आग लागल्याची माहिती परिसरात वार्यासारखी पसरली. घटनास्थळी नागरिकांनी मोठी गर्दी केली होती.
अहमदनगर : अहमदनगर जिल्ह्यातील श्रीरामपूर येथील दत्तनगर एमआयडीसी परिसरातील सरफेस कोटिंग (Surface Coating) ऑईल कंपनीला दुपारी 12 वाजण्याच्या सुमारास भीषण आग (Fire) लागली. कंपनीमध्ये मोठ्या प्रमाणात ऑइलचा साठा असल्याने आगीने रौद्ररूप धारण केले. परिसरात धुराचे लोळ मोठ्या प्रमाणात पसरले होते. घटनेची माहिती मिळताच श्रीरामपूर, लोणी, राहाता, अशोक नगर भागातील अग्निशामक दल घटनास्थळी दाखल होत आग आटोक्यात आणण्याचा प्रयत्न सुरू केले. कंपनीमध्ये मोठ्या प्रमाणात केमिकल असल्याने आग विझविण्याचे शर्थीचे प्रयत्न करत फोमचा वापर करून आग आटोक्यात आणण्यात अग्निशामक दलाला यश आलं आहे.
शार्टसर्किटमुळे आग लागल्याची प्राथमिक माहिती
शॉर्टसर्किटने आग लागल्याची प्राथमिक माहिती असून काही क्षणात होत्याचं नव्हतं झालं आणि कंपनीतील सर्व साहित्य जळून खाक झालं आहे. कंपनीला आग लागल्याची माहिती परिसरात वार्यासारखी पसरली. घटनास्थळी नागरिकांनी मोठी गर्दी केली होती. सुदैवाने कोणतीही जीवितहानी झाली नसली तरी कंपनीचे लाखो रुपयांचे नुकसान झाले असून राज्यांमध्ये उन्हाची तीव्रता वाढत असल्याने आगीच्या घटना मोठ्या प्रमाणात घडत आहेत.
अहमदनगरमध्ये सरफेस कोटिंग ऑइल कंपनीला भीषण आग#Ahmednagar #Fire #OilCompany #SurfaceCoating pic.twitter.com/klrQ8C8bsX
— TV9 Marathi (@TV9Marathi) March 28, 2022
इतर बातम्या
अल्पवयीन गतीमंद मुलीला चॉकलेटचे आमिष दाखवून अतिप्रसंग करणाऱ्या आरोपीला बेड्या
दिल्ली पोलिसांची नाशिकमध्ये पुन्हा कारवाई; पिस्तुल, काडतूस विक्री करणाऱ्या दोघांना बेड्या
