सांगलीत पूरस्थिती, 1 लाख 96 हजार 957 व्यक्तींचे स्थलांतर, कोणकोणती गावं बाधित?
सांगली जिल्ह्यात अतिवृष्टीमुळे पुरपट्ट्यातील नागरिकांचे सुरक्षित ठिकाणी स्थलांतर करण्यात येत आहे. आतापर्यंत 41 हजार 84 कुटुंबातील 1 लाख 96 हजार 957 व्यक्तींचे स्थलांतर करण्यात आले आहे.
सांगली : सांगली जिल्ह्यात अतिवृष्टीमुळे पुरपट्ट्यातील नागरिकांचे सुरक्षित ठिकाणी स्थलांतर करण्यात येत आहे. आतापर्यंत 41 हजार 84 कुटुंबातील 1 लाख 96 हजार 957 व्यक्तींचे स्थलांतर करण्यात आले आहे. तसेच लहान आणि मोठी अशा एकूण 32 हजार 3 जनावरांचेही स्थलांतर करण्यात आले आहे, अशी माहिती जिल्हाधिकारी डॉ. अभिजीत चौधरी यांनी दिली.
आतापर्यंत किती गाव अंशत आणि पूर्णत: बाधित?
सांगली जिल्ह्यात पूरस्थितीमुळे पूर्णत: बाधित 13, अंशत: बाधित 90 अशी एकूण 103 गावे बाधित आहेत. यामध्ये मिरज तालुक्यात महानगरपालिका क्षेत्र (शहरी) अंशत: 1 गाव बाधित आहे. मिरज ग्रामीणमध्ये 3 गावे पूर्णत: तर 2 गावे अंशत: अशी 5 गावे बाधित आहेत. अप्पर सांगली (ग्रामीण) मध्ये 15 गावे अंशत: बाधित आहेत. वाळवा तालुक्यात वाळवा क्षेत्रातील 2 गावे पूर्णत: आणि 29 गावे अंशत: अशी एकूण 31 गावे बाधित आहेत. अपर आष्टा क्षेत्रातील 1 गाव पूर्णत: आणि 8 गावे अंशत: अशी एकूण 9 गावे बाधित आहेत. शिराळा तालुक्यात 1 गाव पूर्णत: तर 18 गावे अंशत: अशी एकूण 19 गावे बाधित आहेत. तर पलूस तालुक्यातील 6 गावे पूर्णत: आणि 17 गावे अंशत: अशी एकूण 23 गावे बाधित आहेत.
किती नागरिकांचे स्थलांतरण?
स्थलांतरीत व्यक्तींमध्ये मिरज तालुक्यातील महानगरपालिका क्षेत्र (शहरी) 13 हजार 449 कुटुंबामधील 65 हजार 135 व्यक्ती, मिरज ग्रामीण क्षेत्रातील 1 हजार 55 कुटुंबातील 4 हजार 451 व्यक्तींचे स्थलांतरण करण्यात आले आहे. तर अपर सांगली ग्रामीण मधील 6 हजार 67 कुटुंबातील 24 हजार 806 व्यक्तींचे स्थलांतरण करण्यात आले आहे. वाळवा तालुक्यातील वाळवा क्षेत्रातील 7 हजार 918 कुटुंबातील 39 हजार 590 व्यक्तींचे तर अपर आष्टा क्षेत्रातील 3 हजार 724 कुटुंबातील 19 हजार 60 व्यक्तींचे स्थलांतरण करण्यात आले आहे.
शिराळा तालुक्यातील 1 हजार 286 कुटुंबातील 6 हजार 565 व्यक्तींचे स्थलांतरण करण्यात आले आहे. तर पलूस तालुक्यातील 7 हजार 585 कुटुंबातील 37 हजार 350 व्यक्तींचे स्थलांतरण करण्यात आले आहे.
अनेक जनावरांचे स्थलांतरण
यामध्ये जनावरांचे मिरज तालुक्यातील महानगरपालिका क्षेत्र (शहरी) 296, मिरज ग्रामीण क्षेत्रातील 4 हजार 952, अपर सांगली ग्रामीण क्षेत्रातील 4 हजार 129, वाळवा क्षेत्रातील 8 हजार 145, अपर आष्टा क्षेत्रातील 1 हजार 677, शिराळा तालुक्यातील 3 हजार 814, पलूस तालुक्यातील 8 हजार 990 जनावरांचे स्थलांतरण करण्यात आले आहे.
मदतीचे निकष काय?
तर सांगलीतील पुरामुळे जिल्ह्यात 13 लहान/मोठी जनावरे, 3 शेळ्या, 19 हजार 360 कोंबड्यांची जीवितहानी झाली आहे. त्यांना निकषानुसार देय मदत 3 लाख 87 हजार रूपये इतकी आहे. यामध्ये गाय/म्हैस 30 हजार रूपये, लहान रेडके/वासरे 16 हजार रूपये, शेळी/मेंढी 3 हजार रूपये व कोंबड्या 50 रूपये प्रति कोंबडी परंतु 5 हजार रूपये प्रति कुटुंब मर्यादा असा निकष आहे.
(Sangli flood migration of 1 lakh 96 thousand 957 affected persons)
संबंधित बातम्या :
पुण्यात अतिवृष्टीचा फटका, 12 गावं अंधारात, 7 गावांचा संपर्क तुटला, संपूर्ण कोंढरी गाव स्थलांतरीत
पूरग्रस्तांच्या जखमेवर मीठ चोळण्याचे काम करु नये, राणेंच्या ‘त्या’ वक्तव्यानंतर काँग्रेसचा टोला
