गडचिरोलीत मुलाने केला बापाचा खून; कुऱ्हाडीने सपासप वार करण्याचे कारण काय?

गडचिरोली : शहरापासून अवघ्या 4 किलोमीटर अंतर असलेल्या विसापूर खुनाची घटना (Visapur murder case) उघडकीस आली. या गावात घडलेल्या खुनाच्या घटनेत मुलाने बापाचा कुऱ्हाडीने खून (The boy killed his father with an axe) केला. ही घटना काल संध्याकाळी घडली. मृत पावलेल्या इसमाचे नाव दामोदर भिकाजी तांगडे (वय 55) आहे. खून करणाऱ्या आरोपी मुलाचे नाव तेजस दामोदर तांगडे (वय 24) आहे. आरोपी हा खून करून पळून जाणांच्या प्रयत्नात होता. गडचिरोली पोलिसांना (Gadchiroli Police) आरोपीला पकडण्यात यश आले. सदर घटनेची माहिती मिळताच पोलीस स्टेशन गडचिरोलीची टीम घटना स्थळावर दाखल झाली. पंचनामा करून मृत शव हा जिल्हा सामान्य रुग्णालय गडचिरोली येथे शवविच्छेदनासाठी पाठवण्यात आला.

मोठा मुलगा पोलिसांच्यात पथकात

मृतक दामोदर यांना दोन मुले आहेत. मोठा मुलगा सुरजागड येथील पोलिसांच्या सी 60 या पथकात कार्यरत आहे. लहान मुलगा आरोपी तेजस हा बेरोजगार होता. तो घरीच राहत होता. त्यामुळं त्याचे वडिलांशी कधीकधी भांडण होत असतं. या वादातून त्याने रागाच्या भरात वडिलांचा खून केला. त्यानंतर तो पळून जाण्याच्या बेतात होता. अशात पोलिसांनी त्याला अटक केली. आरोपीने गुन्ह्याची कबुली दिली असल्याची माहिती पोलिसांनी दिली.

दोन तासांत आरोपी ताब्यात

दारूच्या नशेत असलेल्या वडिलांसोबत मुलाचा वाद झाला. नेहमींच दारू पिल्यानंतर वडील अभ्रद्र वागतात याचा त्याला अनुभव होता. बरेच वेळा त्याने वडिलांना समजावून सांगितलं होतं. पण, वडील दारू पिल्यानंतर त्याला उलटसुलट बोलायचे. याचा राग मनात धरून लहान मुलाने कुऱ्हाडीने हत्या केल्याची माहिती पोलीस तपास अधिकाऱ्यांनी दिली. पोलीस अधीक्षक अंकित गोयल यांच्या मार्गदर्शनात स्थानिक गुन्हे शाखेचे पोलीस निरीक्षक गावंडे, सहाय्यक पोलीस निरीक्षक चेतन चव्हाण यांच्या मार्गदर्शनात कारवाई करण्यात आली. योग्य तपासामुळे आरोपीस अवघ्या दोन तासांत ताब्यात घेण्यात आहे. तपास गडचिरोली पोलिस करीत आहेत.

Nagpur | ताडोबा प्रकल्प आंतरराष्ट्रीय दर्जाचा होणार; विजय वडेट्टीवार म्हणतात, मुख्यमंत्र्यांची भूमिका सकारात्मक

नागपुरात सात वर्षे कॅन्सरची भीती घेऊन जगली महिला; शस्त्रक्रिया केल्यावर निघाले भलतेय काही!

Nagpur Crime | नागपूरच्या अल्पवयीन मुलीची गुजरातमध्ये विक्री, तिच्यासोबत तिथं नेमकं काय घडलं?