जनतेने खेटर हातात घेऊन जागा दाखवली, धस यांचा धनंजय मुंडेंवर हल्लाबोल

बीड : भाजपच्या बीडच्या उमेदवार डॉ. प्रीतम मुंडे यांनी 1 लाख 69 हजार 67 मतांनी राष्ट्रवादीचे उमेदवार बजरंग सोनवणे यांचा पराभव केला. प्रीतम मुंडेंना एकूण 6 लाख 78 हजार 175 मते मिळाली. बीडमध्ये तब्बल 36 उमेदवार रिंगणात होते. चुरशीची लढत होईल अशी शक्यता असताना प्रीतम मुंडेंनी सुरुवातीपासून आघाडी घेतली आणि पावणे दोन लाखांनी विजय मिळवला. …

suresh dhas on dhananjay munde, जनतेने खेटर हातात घेऊन जागा दाखवली, धस यांचा धनंजय मुंडेंवर हल्लाबोल

बीड : भाजपच्या बीडच्या उमेदवार डॉ. प्रीतम मुंडे यांनी 1 लाख 69 हजार 67 मतांनी राष्ट्रवादीचे उमेदवार बजरंग सोनवणे यांचा पराभव केला. प्रीतम मुंडेंना एकूण 6 लाख 78 हजार 175 मते मिळाली. बीडमध्ये तब्बल 36 उमेदवार रिंगणात होते. चुरशीची लढत होईल अशी शक्यता असताना प्रीतम मुंडेंनी सुरुवातीपासून आघाडी घेतली आणि पावणे दोन लाखांनी विजय मिळवला. त्यांच्या मताधिक्यामध्ये सर्वाधिक वाटा हा भाजपचे विधानसभा आमदार सुरेश धस यांच्या आष्टी-पाटोदा-शिरुर मतदारसंघाचा आहे. या मतदारसंघात सध्या भाजपचे भिमराव धोंडे विधानसभेवर आमदार आहेत. या विजयानंतर सुरेश धस यांनी राष्ट्रवादीचे नेते धनंजय मुंडेंवर निशाणा साधलाय.

या जिल्ह्यातल्या काही नेत्यांना गुलालाची एलर्जी आहे. त्यांना अगोदरच बुक्का आणायचा सल्ला दिला होता. जिल्ह्यात पालकमंत्री पंकजा मुंडेंनी केलेल्या कामावर लोकांनी विश्वास ठेवला आणि हा विजय मिळवलाय. राष्ट्रवादीच्या पक्षविरोधी नेत्याने पोरकटपणाचं लक्षण या जिल्ह्यात केलंय. सोशल मीडियावर फक्त जातीवादाचं विष कालवायचं काम केलं. याला चपराक हा शब्दही कमी पडणार आहे. बीड जिल्ह्याने कोणत्याही जातीपातीचा विचार न करता खेटर हातात घेऊन त्यांना त्यांची जागा दाखवली आहे, असं म्हणत सुरेश धस यांनी धनंजय मुंडेंवर हल्लाबोल केला.

ज्येष्ठ नेते जयदत्त क्षीरसागर यांच्या शिवसेना प्रवेशावरही सुरेश धस यांनी प्रतिक्रिया दिली. राष्ट्रवादीत कानफुके आहेत, त्यांनी या जिल्ह्यात ज्येष्ठ माणसं ठेवायची नाही हे ठरवलंय. जयदत्त अण्णा नको, सुरेश धस नको हे ठरलंय त्यांचं. पण मुंडे साहेबांना मानणारा मोठा मतदार आहे, तो मतदार कुठेही हरत नाही. मुंडे साहेबांचंही रेकॉर्डही त्यांच्या मुलीने मोडलंय. साहेब 1 लाख 36 हजार मतांनी जिंकले होते, ताई पावणे दोन लाखांनी जिंकल्या, अशी प्रतिक्रिया त्यांनी दिली.

विधानसभा मतदारसंघ निहाय मिळालेले मतदान

बीड विधानसभा

भाजप : 96388

राष्ट्रवादी : 92565

मताधिक्य : 5823

केज विधानसभा

भाजप : 116229

राष्ट्रवादी : 95293

मताधिक्य : 20936

माजलगाव विधानसभा

भाजप : 100166

राष्ट्रवादी : 83293

मताधिक्य : 16907

परळी विधानसभा

भाजप : 96049

राष्ट्रवादी : 77269

मताधिक्य : 18980

आष्टी विधानसभा

भाजप : 148110

राष्ट्रवादी : 77797

मताधिक्य : 70313

गेवराई विधानसभा

भाजप : 119169

राष्ट्रवादी : 84704

मताधिक्य : 34465

नोटा : 2490

पोस्टल मतदान

भाजप : 2334

राष्ट्रवादी : 699

एकूण मतदान (पोस्टलसह)

भाजप : 6 लाख 78 हजार 175

राष्ट्रवादी : 5 लाख 9 हजार 807

एकूण मताधिक्य : 1 लाख 68 हजार 368

व्हिडीओ :

कमेंट करा

कमेंट करा

Your email address will not be published. Required fields are marked *