… तर मागच्या सारखा कडक लॉकडाऊन लावावा लागेल : अजित पवार

लोकांनी सहकार्य न केल्यास नाईलाजास्तव मागच्यावेळी लावला तसा कडक लॉकडाऊनचा निर्णय घ्यावा लागेल असा सज्जड दम अजित पवार यांनी दिलाय.

... तर मागच्या सारखा कडक लॉकडाऊन लावावा लागेल : अजित पवार
अजित पवार, उपमुख्यमंत्री, महाराष्ट्र राज्य
प्रविण शिंदे, टीव्ही 9 मराठी डिजीटल टीम

|

Apr 16, 2021 | 8:43 PM

पुणे : राज्याचे उपमुख्यमंत्री अजित पवार आणि पुण्याचे पालकमंत्री अजित पवार यांनी नागरिकांना सहकार्य करत नियमांचं पालन करण्याचं आवाहन केलंय. लोकांनी सहकार्य न केल्यास नाईलाजास्तव मागच्यावेळी लावला तसा कडक लॉकडाऊनचा निर्णय घ्यावा लागेल असा सज्जड दमही त्यांनी दिलाय. पहिल्या लाटेपेक्षा कोरोनाच्या दुसऱ्या लाटेत अधिक लोकांना कोरोनाची बाधा होत आहे, असंही त्यांनी यावेळी नमूद केलं. ते पुण्यात कोरोनाच्या जिल्हा प्रशासनासोबतच्या आढावा बैठकीनंतर माध्यमांशी बोलत होते (Ajit Pawar warn people about strict lockdown in future if not follow rules).

अजित पवार म्हणाले, “पुणेकरांनी मागच्यावेळी शनिवार रविवारच्या लॉकडाऊनला चांगला प्रतिसाद दिला होता. तेव्हा मी पण त्यांचं कौतुक केलं. आता यावेळीही शनिवार रविवार दोन दिवस पुणेकर हीच गोष्ट दाखवतील. एकंदरित मागच्यावेळी लॉकडाऊन होतं तेव्हा बऱ्याच लोकांना बऱ्याच अडचणींना सामोरं जावं लागलं. त्यावेळी आपण खूप मोठा काळ थांबलो. मात्र, दुसऱ्या लाटेत पहिल्या लाटेपेक्षा कोरोना बाधितांची संख्या वाढलीय. त्यामुळे कठोर वाटतील असे निर्णय घेण्याची वेळ आली. म्हणूनच नागरिकांना सहकार्याची भूमिका घ्यावी. गुरुवारी (15 एप्रिल) माझ्या मंत्रिमंडळातील सहकाऱ्यांनीही सांगितलंय की दोन दिवसांचा लॉकडाऊन पाळला नाही तर मागच्या सारखा कडक लॉकडाऊन आणावा लागेल, तशी वेळ येऊ नये अशी विनंती आहे.”

“इलेक्ट्रॉनिक मीडियाने देखील नागरिकांना कोरोनाची संख्या किती वाढतेय हे सांगावं. लाखो रुग्ण असले तरी त्यातील 75 टक्के रुग्ण आपआपल्या घरीच आहेत. 25 टक्के रुग्ण रुग्णालयात आहेत. तरीही रुग्णालयांमध्ये बेडची किती मागणी आहे हे सर्वांना माहिती आहे. बहुतेकांना ठराविक रुग्णालयातच बेड हवे आहेत,” असंही अजित पवार यांनी नमूद केलं.

“आरोग्य व्यवस्था कोलमडलेली नाही”

अजित पवार म्हणाले, “आरोग्य व्यवस्था कोलमडलेली आहे हे म्हणणं चूक. तसं काहीही घडलेलं नाही. आरोग्य यंत्रणा मागील वर्षभरापेक्षा अधिक काळ जीवाचं रान करतेय. पोलीस राबतायेत, डॉक्टर्स राबतायेत. नव्याने पुण्यात 900 वैद्यकीय कर्मचाऱ्यांची भरती करण्यात आलीय. त्यांना भरती करण्याचे अधिकार देण्यात आलेत. प्रातांना चतुर्थ आणि तृतीय श्रेणी स्टाफ भरण्याची परवानगी दिलीय. एमबीबीएस डॉक्टर जेवढे मिळायला पाहिजे तेवढे मिळत नाहीये. त्याबद्दलचं कारण मी वैद्यकीय तज्ज्ञांना विचारलं. त्यांनी सांगितलेली कारणं योग्य असतील तर सरकार त्यात जरुर काही मार्ग काढण्याचा प्रयत्न करेल.”

“कुंभमेळा, निवडणुका यामुळे देशभरातच कोरोना वाढताना दिसतोय. कोरोना रुग्णांची संख्या मोठ्या प्रमाणात वाढतेय. कर्नाटक, उत्तर प्रदेशच्या मुख्यमंत्र्यांना कोरोनाचा संसर्ग झालाय. अनेक वरिष्ठांना कोरोना झालाय. यावेळचा कोरोना आजूबाजूच्या लोकांना लवकर बाधित करतोय. त्यामुळे कुटुंबंच्या कुटुंब बाधित होत आहेत,” असं अजित पवार यांनी सांगितलं.

हेही वाचा :

Maharashtra health department recruitment 2021 : महाराष्ट्रात 10 हजार आरोग्य कर्मचाऱ्यांची तातडीने भरती

चंद्रकांतदादांची सूचना अजित पवारांना मान्य, आमदार निधीतून कोरोना खर्चासाठी 350 कोटी

चंद्रकांत पाटलांनी कधी शेती केली का? अजित पवारांनी पाटलांना पुन्हा डिवचलं

व्हिडीओ पाहा :

Ajit Pawar warn people about strict lockdown in future if not follow rules

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें