Pune crime |आधी गोड आवाजात बोलून व्हिडीओ कॉलवर नग्न व्हायला लावले अन… ; पुणे पोलिसांनी उघड केले धक्कादायक वास्तव

टीव्ही 9 मराठी डिजीटल टीम

टीव्ही 9 मराठी डिजीटल टीम | Edited By: प्राजक्ता ढेकळे

Updated on: Jan 30, 2022 | 3:57 PM

अश्लील बोलायला उद्युक्त करायचे आणि नंतर सोशल मीडिया आणि कुटुंबाला हे पाठवून खंडणी उकळण्याचा धंदा राजस्थानातील अनेक गावात सुरु असल्याचे अनेकदा ऐकले होते. मात्र चक्क पुणे राज्याच्या इतर भागातही या घटना घडत असल्याची माहिती पुणे पोलिसांनी दिली आहे.

Pune crime |आधी गोड आवाजात बोलून व्हिडीओ कॉलवर नग्न व्हायला लावले अन... ; पुणे पोलिसांनी उघड केले धक्कादायक वास्तव
Cyber Crime

पुणे – शहरात गुन्हेगारीच्या घटनांमध्ये वाढ होत असताना दुसरीकडं तरुणांना ब्लॅकमेल करुन त्यांच्याकडून पैसे उकळण्याचा धक्कादायक प्रकार उघड झाला आहे. इतकच नव्हेतर यासाठी चक्क टोळीच सक्रिय असल्याची माहिती मिळाली आहे. शहरातील एका तरुणाला एका तरुणीने व्हिडिओ काॅल केला. त्याच्याशी बोलून संपर्क वाढविला. आपण प्रेमात पडल्याचे भासवून त्याला कपडे उतरविण्यास भाग पाडले. या व्हिडिओ कॉलचे रेकॉर्डिंग या टाेळीने केले. त्यानंतर या तरुणाला खंडणीसाठी फोन यायला सुरुवात झाली. तुझ्या सगळ्या मित्रांच्या सोशल मीडियावर (Social media) हे व्हिडिओ टाकू, अशी धमकीही दिल्याचे उघड झाले आहे. सायबर पोलीस (cyber Police )ठाण्याचे वरिष्ठ पोलीस निरीक्षक डी. एस. हाके यांनी सांगितले की, सेक्सटॉर्शनच्या ( sextortion)तक्रारी वाढू लागल्यानंतर त्याचा तपास करीत असताना राजस्थानमधील गावांची नावे अधिक आढळून आली.

राजस्थानात गेल्यावर ही बाब आली समोर पुणे पोलीस दलाचे पथक तपासासाठी राजस्थानात गेल्यावर हा धक्कादायक प्रकार समोर आला आहे. गोड आवाजात बोलून व्हिडीओ कॉलवर नग्न व्हायला लावणे, अश्लील बोलायला उद्युक्त करायचे आणि नंतर सोशल मीडिया आणि कुटुंबाला हे व्हिडिओ काॅल पाठवून खंडणी उकळण्याचा धंदा राजस्थानातील अनेक गावात सुरु असल्याचे अनेकदा ऐकले होते. मात्र चक्क पुणे राज्याच्या इतर भागातही या घटना घडत असल्याची माहिती पुणे पोलिसांनी दिली आहे. पुणे पोलिसांप्रमाणे अन्य राज्यातील पोलीस पथके या ठिकाणी तपासासाठी येऊन गेल्याची माहिती पुणे पोलीस पथकाला मिळाली होती. स्थानिक नागरिकांचा असहकार, स्थानिक पोलिसांचे मिळत नसलेले सहकार्य यामुळे या आरोपींना शोधून त्यांना ताब्यात घेणे अवघड जाते. त्याचबरोबर अनेक तक्रारदार सुरुवातीला तक्रार देतात. पण, पुढे त्यांचा त्रास बंद झाला की ते प्रत्यक्ष फिर्याद देत नाही. त्यामुळे अशा सायबर चोरट्यांचे फावते आहे.

नातेवाईक, परिचितांची  माहिती गोळा

एखाद्याची फसवणू करणयासाठी या टोळीकडून आधी संबंधित पीडित व्यक्तीची माहिती मिळवली जाते. शिकार बनविण्याच्या अगोदर सोशल मीडियावरून या व्यक्तीची आणि त्याच्या नातेवाईक, मित्र परिवाराची सगळी माहिती ही टोळी गोळा करते. त्यांचे नाव घेऊन त्यांना हा व्हिडिओ पाठवू का, अशी धमकी दिली जाते. अनेक मान्यवर, राजकीय कार्यकर्ते यांनाही अशा प्रकारे जाळ्यात अडकविण्याचा प्रयत्न अनेकदा झाले आहेत. या टोळीकडून होतोय जमताराच्याच मॉडेलचा वापर केला जात आहे.

‘इरफान भाई मला नेहमी सांगायचे, अपना टाइम आयेगा’, टीम इंडियात निवड झालेला ‘तो’ 26 वर्षाचा मुलगा झाला भावूक

नोकरीच्या शोधात असलेल्या विपुलसारख्या पदवीधारकांच्या बजेटकडून कोणत्या अपेक्षा आहेत ?

थंडीनं कुडकुडत होती चिमुरडी, देवदूत बनून एकानं केली मदत; हृदयस्पर्शी Video Viral

Non Stop LIVE Update

Follow us on

Related Stories

Most Read Stories

Click on your DTH Provider to Add TV9 MARATHI