PCMC Encroachment : अनधिकृत पत्राशेड अन् बांधकामं हटवली; …तर कारवाई अधिक तीव्र करणार पिंपरी चिंचवड महापालिका

PCMC Encroachment : अनधिकृत पत्राशेड अन् बांधकामं हटवली; ...तर कारवाई अधिक तीव्र करणार पिंपरी चिंचवड महापालिका
पिंपरी चिंचवड महापालिकेतर्फे अनधिकृत बांधकामांवर कारवाई
Image Credit source: tv9

या कारवाईला अनेक व्यापाऱ्यांनी विरोध सुरू केला आहे, तर ही कारवाई आणखी तीव्र करण्यात येणार असल्याचे महापालिकेकडून स्पष्ट करण्यात आले आहे. तर मागील अनेक दिवसांपासून अनधिकृत बांधकामांचा प्रश्न प्रलंबित आहे.

रणजीत जाधव

| Edited By: प्रदीप गरड

May 13, 2022 | 10:30 AM

पिंपरी चिंचवड : रस्त्यालगतच्या अनधिकृत बांधकामांवर पिंपरी चिंचवड महानगरपालिकेकडून (Pimpri Chinchwad municipal corporation) कारवाई करण्यात येत आहे. पिंपरी चिंचवडमध्ये महापालिकेकडून रस्त्यालगत उभारण्यात आलेल्या अनधिकृत टपऱ्या, बांधकामांवर धडक कारवाई सुरू करण्यात आली आहे. पिंपळे गुरव (Pimple Gurav) परिसरात सध्या मोठ्या प्रमाणात कारवाई करण्यात आली. नाशिक फाटा ते पांजररपोळ, रावेत यादरम्यान ही रस्त्यांवरच्या अनधिकृत (Illegal) शेड, टपऱ्या आणि बांधकामांच्या उभारणीवर कारवाई करण्यात आली आहे. “ड” क्षेत्रीय कार्यालयाअंतर्गत पहिल्या टप्प्यातील पिंपळे गुरव प्रभाग क्र. 29 येथे काल (12मे) महानगरपालिकेची बांधकाम परवानगी आणि अनधिकृत बांधकाम विरोधी कारवाई करण्यात आली. या कारवाईमध्ये 42 पत्राशेड तसेच बांधकामे अंदाजे क्षेत्रफळ 67 हजार चौ. फूट अनधिकृत पत्राशेडवर कारवाई करण्यात आली आहे.

पत्राशेड आणि अनधिकृत बांधकामे पाडली

पिंपरी चिंचवड पालिका अतिरिक्त आयुक्त (2) यांच्या मार्गदर्शनाखाली सहशहर अभियंता (बांधकाम परवानगी) क्षेत्रीय अधिकारी, कार्यकारी अभियंता (बांधकाम परवानगी) यांच्या नियंत्रणाखाली ही कारवाई करण्यात आली. तर यानुसार ब क्षेत्रीय कार्यालयांतर्गत पनवी नदीपात्रातील जाधवघाट रावेत येथील जवळपास 4119 चौरस मीटर अनधिकृत पत्राशेड पाडण्यात आले. अशी 19 पत्राशेडवर कारवाई करण्यात आली. तर क क्षेत्रीय कार्यालयांतर्गत पुणे-नाशिक महामार्गावरील भोसरी ते पांजरपोळपर्यंत 61 मीटर रस्ता रुंदीतील दुतर्फा अतिक्रमणे काढली. कारवाईदरम्यान अनुचित प्रकार घडू नये, म्हणून राज्य सुरक्षा महामंडळाचे 48 सुरक्षारक्षक, पोलीस कर्मचारी, अग्निशामक दल कर्मचारी, रुग्णवाहिका तसेच विद्युत विभागाचे कर्मचारी उपस्थित होते.

व्यापाऱ्यांनी सुरू केला विरोध

या कारवाईला अनेक व्यापाऱ्यांनी विरोध सुरू केला आहे, तर ही कारवाई आणखी तीव्र करण्यात येणार असल्याचे महापालिकेकडून स्पष्ट करण्यात आले आहे. मागील अनेक दिवसांपासून अनधिकृत बांधकामांचा प्रश्न प्रलंबित आहे. शहरातील अनधिकृत बांधकामांमध्ये प्रचंड वाढ झाली आहे. याच्या नोंदीही महापालिकेकडे होत्या. कोरोनाच्या कालावधीत या अनधिकृत बांधकामांवरील कारवाई थंडावली होती. आता पुन्हा महापालिकेने कारवाईची मोहीम हाती घेतली आहे. त्यामुळे विरोध झाला तरी ही कारवाई सुरूच राहणार आहे, हे स्पष्ट झाले आहे.

हे सुद्धा वाचा


Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें