Pune Byelection : पुणे पोटनिवडणुकीत सर्वात मोठा उलटफेर, आता येणार खरी मजा, नेमकं झालंय तरी काय?

पुणे : चिंचवडच्या पोटनिवडणुकीत (Pune By-election) राष्ट्रवादीसमोर आला दुहेरी आव्हान असेल अर्ज मागे घेण्याची मुदत संपलीय पण बंडखोर उमेदवार राहुल कलाटेंनी आपला उमेदवारी अर्ज मागे घेतलेला नाही तर कसब्यात आनंद दवेंनीही उमेदवारी मागे न घेतल्यानं, भाजपचंही टेन्शन वाढवलंय. पाहुयात त्यावरचा हा रिपोर्ट.

चिंचवड, कसब्याच्या पोटनिवडणुकीत (Pune By-election) आता फायनल लढत निश्चित झालीय आणि चिंचवडमधून राष्ट्रवादीचं टेन्शन कायम राहिलं. कारण बंडखोर उमेदवार राहुल कलाटेंनी आपला उमेदवारी अर्ज मागे घेतला नाही. तर इकडे कब्यसात आनंद दवेंनीही भाजपची विनंती फेटाळलीय. चिंचवड आणि कसब्यातही आता तिरंगी लढत होणार आहे.

चिंचवडमध्ये भाजपच्या अश्विनी जगताप राष्ट्रवादीचे अधिकृत उमेदवार नाना काटे आणि बंडखोर उमेदवार राहुल कलाटेंमध्ये लढत होणार आहे. कसब्यात भाजपचे उमेदवार हेमंत रासने, काँग्रेसचे उमेदवार रवींद्र धंगेकर आणि हिंदू महासभेचे अपक्ष उमेदवार आनंद दवेंमध्ये लढत असेल चिंचवडमधून राहुल कलाटेंनी माघार घ्यावी, यासाठी अनेक प्रयत्न झाले.

अजित पवारांनी विनंती केली, उद्धव ठाकरेंचाही कलाटेंना फोन गेला चिंचवडमध्ये ठाकरे गटाचे नेते सचिन अहीर कलाटेंना भेटले..मात्र कलाटे ठाम राहिले. राहुल कलाटे आधी शिवसेनेत होते त्यांनी शिवसेनेकडूनही निवडणूक लढवलीय. 2019 मध्ये राष्ट्रवादीनं त्यांना चिंचवडमधून पुरस्कृत केलं होतं. त्यावेळी लक्ष्मण जगतापांना 1 लाख 50 हजार 23 मतं तर कलाटेंना 1 लाख 12 हजार 225 मतं मिळाली. 37 हजार 798 मतांनी विजय मिळवत जगतापांनी आमदारकीची हॅटट्रिक केली होती. मात्र 1 लाख 12 हजार मतं लक्षवेधी ठरली होती.

आता तर कलाटेंनी एकतर्फी विजयाचा दावा केलाय. चिंचवडमध्ये कलाटेंनी राष्ट्रवादीची धाकधूक वाढवलीय..तर कसब्यात आनंद दवेंनीही भाजपला आव्हान दिलंय…दवेंनी अर्ज मागे घ्यावा यासाठी भाजपनं प्रयत्न केले. मात्र दवेंनीही आपला अर्ज मागे घेतला नाही. कसब्यात मुक्ता टिळकांच्या निधनानंतर, त्यांच्या घरी किंवा दुसरा ब्राह्मण उमेदवार न दिल्यानं दवेंनी अपक्ष अर्ज भरलाय.

भाजपनं कसब्यातून हेमंत रासनेंना तिकीट दिलंय. त्यामुळं कसब्यात ब्राह्मण उमेदवार का नाही, असा सवाल करणारे पोस्टरही लागले होते…आता दवेंच्या उमेदवारीनं मतांमध्ये फूट पडून भाजपला फटका बसेल अशी चर्चा आहे. अर्थात मतदारांच्या मनात काय हे EVM मशिनमध्येच फिट होईल.