Pune water cut postponed | पुणेकरांना दिलासा ; पुण्याच्या पाणी कपातीस तूर्तास स्थगिती

पुणे शहरात पाणीकपात केल्यास सद्यस्थितीला शहराच्या सर्व भागात पाणीपुरवठा करणे अशक्य असल्याची माहिती यावेळी जलसंपदा विभागाच्या अधिकाऱ्यांना देण्यात आली होती . शहराची वाढती लोकसंख्या त्याचबरोबर नव्यानं समाविष्ट होणाऱ्या २३ गावे यासगळ्याच विचार करता शहरातील पाणी पुरवठ्यात कपात करणे योग्य होणार नाही.

TV9 मराठी डिजीटल टीम | Edited By: प्राजक्ता ढेकळे | Updated on: Dec 04, 2021 | 4:03 PM

पुणे – पुणे शहरातील पाणी पुरवठ्यामध्ये कपात करण्याच्या जलसंपदा विभागाच्या निर्णयानंतर पुणेकर नागरिकांमध्ये संतापाची लाट उसळली होती. पुण्याच पाणी कमी करण्याचा हा डाव असल्याचा आरोपही महापौर मुरलीधर मोहळ यांनी केला होता. त्यानंतर जलसंपदा विभागाने तातडीने बैठक घे पुण्याचा पाणी पुरवठा कमी करण्याच्या निर्णयाला स्थगिती दिली आहे.

पाणी कपातीस स्थगिती महापालिकेच्या अतिरिक्त आयुक्त रवींद्र बिनवडे यांच्याशी पाटबंधारे विभागाच्या अधिकाऱ्यांनी नुकतीच पाणीकपातीच्य संदर्भात चर्चा केली होती. पुणे शहरात पाणीकपात केल्यास सद्यस्थितीला शहराच्या सर्व भागात पाणीपुरवठा करणे अशक्य असल्याची माहिती यावेळी जलसंपदा विभागाच्या अधिकाऱ्यांना देण्यात आली होती . शहराची वाढती लोकसंख्या त्याचबरोबर नव्यानं समाविष्ट होणाऱ्या २३ गावे यासगळ्याच विचार करता शहरातील पाणी पुरवठ्यात कपात करणे योग्य होणार नाही. त्यामुळं पोलीस बंदोबस्तात होणारी पाणी कपात तूर्तास थांबविण्याचा निर्णय घेण्यात आल्याचे पाटबंधारे विभागाने स्पष्ट केले आहे.

पुणेकर पाणी पाजल्या शिवाय राहणार नाही नुकतेच पुणे दौऱ्यावर येऊन गेलेल्या देवेंद्र फडणवीस यांनी पाण्याच्या प्रश्नावरून सरकाराला फटकारले होते. पुणेकरांच्या पाणी कपातीच्या प्रश्नावर बोलताना , “पुण्याचं पाणी कमी करण्याचा प्रयत्न कोणीही करू नये. जो पुण्याचं पाणी कमी करेल, पुणेकर त्याला पाणी पाजल्याशिवाय राहणार नाही.” अशी टीका विरोधी पक्षनेते देवेंद्र फडणवीस यांनी केले होते.