वकिलाने शीतपेयातून महिलेला दिले मादक पदार्थ, मग जावे लागेल कोठडीत

पुणे : पुणे शहरात दिवसेंदिवस गुन्हेगारीच्या घटनांमध्ये वाढ होत आहे. कोयता गँगचा उद्रेक सुरु असताना बलात्कार, हनीट्रॅपसारख्या घटनाही वाढत आहे. आता पुणे परिसरातील वाघोलीमधून एक हृदयद्रावक घटना समोर आली आहे. महिलेला शीतपेयातून मादक पदार्थ पाजला. त्यानंतर अत्याचार केला. पुण्यातील लोणीकंद पोलीस ठाण्यात या प्रकरणी गुन्हा दाखल करण्यात आला. वकिलासह दोघ जणांना पोलीस कोठडीची हवा खावी लागलीय.

काय केले त्या वकिलाने

याप्रकरणी 32 वर्षीय तरुणीने लोणीकंद पोलीस ठाण्यात फिर्याद दिली आहे. त्यानुसार पीडीत तरुणी आणि ॲड. विक्रम भाटे, शिंदे यांची ओळख होती. ॲड. भाटे आणि शिंदे तरुणीच्या घरी गेले होते. त्या वेळी त्यांनी तिला शीतपेयात मिसळून गुंगीचे ओैषध दिले. तरुणीला शीतपेय पिण्यासाठी आग्रह केला. तरुणी बेशुद्ध पडल्यानंतर दोघांनी तिच्यावर अत्याचार केला. पोलिसांनी वकील विक्रम भाटे (वय ३४, रा. हडपसर) आणि वैभव शिंदे (वय ३४) यांच्यावर गुन्हा दाखल करण्यात आला आहे. ही सर्व धक्कादायक घटना जून 2021 ते जानेवारी 2023 दरम्यान वाघोली परिसरात घडली. याप्रकरणी आणखी धक्कादायक माहिती समोर येत आहे.

व्हिडिओ बनवला

आरोपींनी या सर्व प्रकाराचा व्हिडिओ बनवला. त्यानंतर त्यांनी तिला धमकावण्यास सुरुवात केली. हे फुटेज त्या महिलेला दाखवून तिला दुसऱ्यासोबत शारीरिक संबंध ठेवण्यास भाग पाडले. त्याचे चित्रण करून ठेवले. त्यांच्या धमक्यांमुळे तरुणीने पोलिसांकडे फिर्याद दिली. बलात्कार, धमकावणे तसेच अनैसर्गिक कृत्य केल्या प्रकरणी ॲड. भाटेसह शिंदेच्या विरुद्ध गुन्हा दाखल करण्यात आला.

हे वाचा

पुणे शहरात वाहने वाढली अन् अपघातही, अपघातात दुचाकीस्वारांच्या मृत्यूची संख्या मोठी

पुणे शहरात वाहन खरेदीत मोठी वाढ, कोणत्या वाहनांना आहे पुणेकरांची पसंती?