Satara District Central Cooperative Bank Ltd election Result Update : राष्ट्रवादी-भाजपच्या उमेदवाराला 44-44 मतं, दोघांमध्ये टाय, एक चिठ्ठी फाटली, आता पुढे काय? मोठा टि्वस्ट

सातारा जिल्हा मध्यवर्ती सहकारी बँकांच्या संचालक मंडळाच्या निवडणुकीची मतमोजणी सुरु आहे. एकूण 21 जागा आहेत. त्यात नऊ जागा बिनविरोध निवडून आल्या आहेत. 12 जागांसाठी निवडणूक झाली. दरम्यान या निवडणुकीत एक टि्वस्ट निर्माण झाला आहे. राष्ट्रवादी काँग्रेसचे उमेदवार सुनील माने यांना 44 मतं मिळाली आणि भाजपचे सुनील खत्री यांना 44 मतं मिळाली. दोघांमध्ये टाय झाली. मतमोजणी दरम्यान एक फाटलेली चिठ्ठी आल्याने ट्विस्ट निर्माण झाला. ही फाटलेली चिठ्ठी बाजूला ठेवली आहे. एक मतपत्रिका बाद झाल्याने दोघांचे भवितव्य आता ईश्वर चिट्टीवर ठरणार आहे.

जिल्ह्यात राजकारणात सहकारी बँकेची निवडणूक प्रतिष्ठेचा विषय असते. कारण जिल्ह्याच्या राजकारणावर वर्चस्व राखण्यामध्ये या बँकांची भूमिका महत्वाची असते. म्हणून जिल्हा बँकेत सत्ता मिळवण्याचा प्रत्येक पक्षाचा प्रयत्न असतो. आधी पश्चिम महाराष्ट्रात काँग्रेस-राष्ट्रवादी काँग्रेसचा प्रभाव होता. जिल्हा बँकेच्या माध्यमातून अनेक राजकीय नेते राज्याच्या राजकारणात आले. पण आता भाजपने सुद्धा इथे पकड बनवली आहे. त्यामुळे जिल्हा बँकेच्या निवडणुका सुद्धा चुरशीच्या होऊ लागल्या आहेत. सातारा जिल्हा मध्यवर्ती सहकारी बँक संचालक मंडळाचा आतापर्यंतचा निकाल जाणून घ्या.

सातारा जिल्हा मध्यवर्ती सहकारी बँक आतापर्यंतचा निकाल

जावळी सोसायटी मतदारसंघ

विठ्ठल गोळे 8 मते राष्ट्रवादी

ज्ञानेश्वर रांजणे 38 मते विजयी भाजप

खंडाळा सोसायटी मतदारसंघ

अजय भोसले राष्ट्रवादी 28 मते

संजीव गाढवे भाजप 21 मते

शामराव गाढवे अपक्ष शून्य मते

महाबळेश्वर सोसायटी मतदार संघ

रुपाली राजपुरे राष्ट्रवादी 8 मते विजयी

संजय मोरे शिवसेना चार मते

पाटण सोसायटी मतदारसंघ

शंभूराज देसाई शिवसेना 58 मते विजयी

सत्यजीत पाटणकर भाजप 46 मते

मान सोसायटी मतदारसंघ

१) जयकुमार गोरे भाजप ५३ मते

२) मनोज पोळ राष्ट्रवादी १४ मते

३) शेखर गोरे शिवसेना ७ मते