सातारा प्रकरणात नवा ट्विस्ट! एसपी तुषार दोशी सक्तीच्या रजेवर? खुलासा काय?

सातारा जिल्हा परिषदेमध्ये अध्यक्ष पदाच्या निवडी वेळी झालेल्या राड्या मध्ये पालकमंत्री शंभूराज देसाई यांना धक्काबुक्की झाली होती. याबाबत विधान परिषदेमध्ये आवाज उठवला गेला होता. त्यानंतर विधान परिषदेच्या उपसभापती नीलम गोरे यांनी पोलीस अधीक्षक यांच्या निलंबनाचे आदेश दिले होते. मात्र, आदेश सभापती राम शिंदे यांनी राखून ठेवले होते. यावर आता नवीन अपडेट समोर आली आहे. साताराचे SP तुषार दोशी यांना सक्तीच्या रजेवर पाठवण्यात आल्याचे म्हटले जात होते. पण आता या प्रकरणी मोठी अपडेट समोर आली आहे.

सक्तीच्या रजेवर नसुन…

सातारा जिल्हा परिषद प्रकरणी पोलीस अधीक्षक तुषार दोषी यांना सक्तीच्या रजेवर पाठवण्यात आला आहे. त्यानंतर एक अर्जित रजेचे पत्र देखील व्हायरल होत आहे. दरम्यान, तुषार दोषी यांनी ‘मी सक्तीच्या रजेवर नसुन, अर्जित रजेवर आहे’ अशी माहिती दिली. आता या पदाचा तात्पुरता अतिरिक्त कार्यभार या प्रकरणाची सखोल चौकशी होईपर्यंत सातारा जिल्ह्याच्या एडिशनल एसपि वैशाली कडुकर सांभाळणार आहेत.

नेमकं प्रकरण काय?

सातारा जिल्हा मध्यवर्ती सहकारी बँकेच्या निवडणुकांमध्ये हायव्होल्टेज ड्राम्या पाहायला मिळाला. राज्याचे उत्पादन शुल्क मंत्री आणि साताऱ्याचे पालकमंत्री शंभूराज देसाई यांना पोलिसांनी धक्काबुक्की केली. “मी गेली ४० वर्षे राजकारणात आहे, पण इतका भयानक अनुभव मला कधीही आला नव्हता. जिल्हा बँकेच्या निवडणुकीत राष्ट्रवादी काँग्रेससोबत (NCP) आमची युती झालेली असताना, आम्ही ३३ सदस्यांसह मतदानासाठी निघालो होतो. मात्र, या सदस्यांचे अपहरण झाल्याची खोटी तक्रार करण्यात आली. मतदान कक्षापासून अवघ्या १० मीटर अंतरावर असताना साध्या वेशातील १०० हून अधिक पोलिसांनी आम्हाला रोखले. मी राज्याचा मंत्री असूनही मला पोलिसांनी अक्षरशः फरफटत नेले. यामध्ये माझ्या हाताला गंभीर दुखापत झाली आहे. जर मंत्र्यांवर अशी वेळ येत असेल, तर सभागृहात आणि राज्यात आम्ही सुरक्षित आहोत की नाही” असे शंभूराज देसाई विधानपरिषदेच्या सभागृहात म्हणाले होते. सातारा SP तुषार दोशी आणि संबंधित पोलीस अधिकाऱ्यांचे तात्काळ निलंबन करावे अशी मागणी पसभापती नीलम गोऱ्हे यांनी केली होती. आता या प्रकरणी मोठी अपडेट समोर आली आहे.