महाराष्ट्राचे दिवंगत माजी मुख्यमंत्री ए आर अंतुले यांचं स्वप्न साकार करणार, शरद पवारांचं आश्वासन

रायगड : महाराष्ट्राचे दिवंगत माजी मुख्यमंत्री बॅरिस्ट अब्दुल रहमान अंतुले यांनी सुरु केलेल्या वसंतराव नाईक महाविद्यालयाच्या बॅ ऐ आर अतुंले विज्ञान शाखेचे उद्घाटन राष्ट्रवादी काँग्रेसचे अध्यक्ष शरद पवार यांच्या हस्ते आज (21 फेब्रुवारी) पार पडलं. याशिवाय म्हसळा येथील पचांयत समितीच्या नव्या वास्तूचे ‘बॅ ऐ आर अंतुले’ असं नामकरण करण्यात आलं. विज्ञान शाखेच्या उद्घाटनानंतर शरद पवार यांनी भाषण केलं. यावेळी त्यांनी अंतुले यांच्या आठवणींना उजाळा दिला. त्याचबरोबर अंतुले यांचे विकासकामांचे राहिलेले स्वप्न पूर्ण करणार, असं आश्वासन त्यांनी यावेळी दिलं. या कार्यक्रमात खासदार सुनील तटकरे, राज्यमंत्री अदिती तटकरे आणि मुश्ताक अंतुले यांच्यासह इतर मान्यवर उपस्थित होते (Sharad Pawar share memory of Maharashtra former CM A R Antule).

शरद पवार नेमकं काय म्हणाले?

“सागरी महामार्ग व्हावं हे महाराष्ट्राचे माजी मुख्यमंत्री अब्दुल रहमान अंतुल यांचं एक स्वप्न होतं. त्यामुळे या मार्गाला बॅरिस्टर ए आर अंतुले यांच नाव द्यावे. अंतुले हे अतिशय सामान्य घरातून पुढे आले. माजी मुख्यमंत्री वसंतराव नाईक यांच्या मंत्रीमडंळामध्ये अंतुले कॅबिनेक मंत्री होते. तेव्हा मी राज्यमंत्री होतो. नतंर ते मुख्यमंत्री आणि मी विरोधीपक्ष नेता म्हणून जबाबदारी सांभाळली. माजी पंतप्रधान नरसिंह रावांच्या मंत्रिमंडळात आम्ही दोघेही कॅबिनेट मंत्री होतो”, अशी आठवण शरद पवार यांनी सांगितली.

“अंतुलेनी रायगडात दळणवळण संबंधित उपाययोजनांसाठी लक्ष घातले. कोकणमध्ये फलोद्यानचा कार्यक्रम राज्य सरकार आणि केंद्र सरकारने घेतला. त्याचा प्रत्यय हेलिकॉप्टरने जाताना येतो. न्हावा शेवा बाधंले. बंदराबाबत तेव्हा आम्ही मागणी केली होती. आज ते मोठ बदंर झाले”, असं पवार म्हणाले.

‘रायगड आणि ठाण्यात मोठ्या बंदराला मान्यता मिळेल’

“रायगड आणि ठाणेमध्ये मोठ्या बंदराची मागणी होत आहे. त्याला लवकरच मान्यता मिळेल. राज्य सरकार सर्वोतोपरी मदत करेल. दिघी बंदराजवळ लवकरच कागदाची सर्वात मोठी कंपनी येईल. त्यामुळे पाच हजार कोटीची गुतंवणुक होणार आहे. पण अल्पसख्यांक समाजाचा महाराष्टाचा पहिला मुख्यमंत्री म्हणून अंतुले साहेबांना जनतेने संधी दिली. अंतुले यांचं सर्व स्वप्न आम्ही पूर्ण करणार”, असंदेखील शरद पवार यावेळी म्हणाले.

शरद पवारांकडून वसंतराव नाईक महाविद्यालयाला पाच लाखांची मदत

शरद पवार यांनी भाषणात वसंतराव नाईक महाविद्यालयाला पाच लाखांची मदत जाहीर केली. ही रक्कम बँकेत एफडी करण्यात यावी. या रकमेच्या व्याजातून मिळणाऱ्या रकमेतून दरवर्षी ए आर अंतुले आणि त्यांच्या पत्नी नर्गिस अंतुले यांच्या नावाने शिष्यवृत्ती देण्यात यावी, असं शरद पवार यांनी जाहीर केलं (Sharad Pawar share memory of Maharashtra former CM A R Antule).

म्हसळा तालुक्यात आंबेत हे अंतुले यांचं गाव

म्हसळा तालुक्यात आंबेत हे अंतुले यांचं गाव आहे. त्यांचा हा मतदारसंघ होता. आता हा मतदारसंघ तटकरे कुटुबियांचा विधानसभा मतदारसंघ आहे. राष्ट्रवादीचे नेते सुनिल तटकरे आणि राज्यमंत्री अदिती तटकरे याच मतदारसंघातून विधानसभेला विजयी झालेत.

हेही वाचा : पुण्यात कोरोनाची वाढती रुग्णसंख्या, अजित पवारांनी अधिकाऱ्यांना बजावलं, म्हणाले, ‘या सूचनांचं पालन झालंच पाहिजे!’