भुजबळांपासून एकनाथ शिंदेंपर्यंत… शिवसेनेत किती वेळा फूट, सर्वात मोठी फूट कोणती? जाणून घ्या A टू Z

उद्धव ठाकरेंची शिवसेना पुन्हा एकदा फुटीच्या उंबरठ्यावर आहे. यावेळी ठाकरेंचे खासदार फुटताना दिसत आहेत. 9 पैकी 6 खासदार एकनाथ शिंदे यांच्या गळाला लागले आहेत. आमदार मात्र अजूनही ठाकरेंकडे शाबूत आहे. मात्र, गेल्या चार वर्षातील ठाकरे गटातील ही दुसरी फूट आहे. यापूर्वीही अनेकदा ठाकरे गटात फूट पडली. पहिली फूट ही छगन भुजबळ यांच्या रुपाने पडली. छगन भुजबळ शिवसेनेतून बाहेर पडणं हा शिवसेनेसाठी सर्वात मोठा धक्का होता. त्या काळातील ती सर्वात मोठी फूट होती. त्यानंतर मधल्या काळात राज ठाकरे शिवसेनेतून बाहेर पडली. हाही शिवसेनेसाठी अनपेक्षित आणि मोठा धक्का होता. त्यानंतर चार वर्षापूर्वी एकनाथ शिंदे यांनी शिवसेनेला जय महाराष्ट्र केला. शिवसेनेतील आजवरची ही सर्वात मोठी फूट होती. या फुटीने केवळ आमदार बाहेर पडले नाहीत, तर उद्धव ठाकरे यांच्या हातात मूळ पक्ष आणि शिवसेनेचं चिन्हही राहिलं नाही. त्यामुळे शिवसेनेच्या इतिहासातील ही सर्वात मोठी फूट होती. आजवर कधी कधी शिवसेनेत फूट पडली? याचा घेतलेला हा आढावा. ...