Solapur Crime : सोलापुरात कुर्डूवाडी पोलिस ठाण्यातून आरोपीचे पलायन; टॉयलेटचा बहाणा करुन पोलिसांच्या हातावर तुरी
कुर्डूवाडी पोलिसांत 408 कलमानुसार आरोपी राहुल ज्ञानेश्वर माळीवर गुन्हा दाखल झाला होता. गुरुवारी दुपारी कुर्डूवाडी पोलिसांनी आरोपीस अटक करुन ताब्यात घेतले होते. दरम्यान काही वेळातच त्याला रिमांडसाठी माढा न्यायालयात नेण्यात होते. त्यानंतर उप कारागृहात त्याची रवानगी करण्यात येणार होती.
माढा : टॉयलेटचा बहाणा करुन एका आरोपी (Accused) कुर्डूवाडी पोलीस ठाण्यातून पळून (Escapes) गेल्याची घटना सोलापुरमध्ये माढा तालुक्यात घडली आहे. विशेष म्हणजे हातात बेड्या असतानाही तो पळून गेल्याची माहिती समोर आली आहे. राहुल ज्ञानेश्वर माळी असे या पलायन केलेल्या आरोपीचे नाव आहे. कुर्डूवाडी पोलिस (Kurduwadi Police) ठाण्यात दुपारी 2.30 वाजण्याच्या सुमारास ही घटना घडली आहे. टॉयलेटचा बहाणा करुन पोलीस ठाण्यातील टॉयलेटच्या कठड्यावरून उडी मारुन आरोपी पळून गेला. हातात बेड्या असतानाही आरोपी चक्क पोलीस ठाण्यातूनच पोलिसांच्या हातावर तुरी देऊन फरार झाल्याने कुर्डूवाडी पोलिसांच्या कार्यक्षमतेवर प्रश्नचिन्ह निर्माण झाले आहे.
रिमांडला नेण्याआधीच आरोपीचे पलायन
कुर्डूवाडी पोलिसांत 408 कलमानुसार आरोपी राहुल ज्ञानेश्वर माळीवर गुन्हा दाखल झाला होता. गुरुवारी दुपारी कुर्डूवाडी पोलिसांनी आरोपीस अटक करुन ताब्यात घेतले होते. दरम्यान काही वेळातच त्याला रिमांडसाठी माढा न्यायालयात नेण्यात होते. त्यानंतर उप कारागृहात त्याची रवानगी करण्यात येणार होती. मात्र रिमांडला उभा करायच्या अगोदरच हातात बेड्या असतानाही आरोपी संबंधित हवालदाराला टॉयलेटचा बहाणा सांगितला. टॉयलेटला जायचा बहाणा करुन कठड्यावरुन उडी मारुन पळून गेला. पोलीस ठाण्यातूनच पळून गेला आहे. आरोपीचा शोध घेण्यासाठी पोलीस पथके रवाना झाली आहेत. आरोपी संदर्भात किती निष्काळजीपणाने पोलीस वागतात, याचे उत्तम उदाहरण कुर्डूवाडी पोलीस ठाण्यातील घटनेवरुन स्पष्ट झाले आहे. (Accused escapes from Kurduwadi police station under the pretext of toilet in Solapur)
