Video | Solapur Accident | काम आटोपून घरी निघाले होते, पण वाटेतच काळानं गाठलं, तिघांचा दुर्दैवी अंत
Solapur Accident : या अपघातात किशोर भोसले, नितीन भांगे, व्यंकटेश म्हेत्रे या तिघांचा मृत्यू झाला असून राकेश हच्चे हा गंभीर जखमी झाला आहे. राकेश यांच्यावर सोलापुरातील शासकीय रुग्णालयामध्ये उपचार सुरु आहेत.
सोलापूर : सोलापूर-विजयपूर राष्ट्रीय महामार्गावरील अपघांतांची मालिका थांबायचं नाव घेत नाही आहे. रविवारी या मार्गावर पुन्हा एक भीषण अपघात झाला असून या अपघातात तिघांचा मृत्यू झाला आहे. तर एक जण गंभीररीत्या जखमी झाला असून त्याच्यावर उपचार सुरु आहेत. रविवारी मध्यरात्रीच्या सुमारास हा अपघात घडला होता. काम आटोपून घरी पतरणाऱ्या तिघांवर या अपघातात काळानं घाला घातला. भरधाव स्कॉर्पियो गाडी (Mahindra Scorpio) झाडावर आदळून हा भीषण अपघात घडला. सोलापूर-विजयपूर राष्ट्रीय महामार्गावरील औरादजवळच्या वकील वस्ती इथं हा भीषण अपघात घडला. या अपघातात स्कॉर्पिओ गाडीचा अक्षरशः चेंदामेंदा झाला आहे. यावरुन या अपघाताची तीव्रता किती भयंकर होती, याची कल्पना करता येऊ शकेल. दरम्यान, सोलापूर-विजयपूर महामार्गावर (Solapur-Vijaypur Highway) गेल्या काही दिवसांत वाढलेले अपघात हा चिंतेचा विषय ठरु लागला आहे.
काम आटोपून घरी निघाले होते, पण…
या अपघातात किशोर भोसले, नितीन भांगे, व्यंकटेश म्हेत्रे या तिघांचा मृत्यू झाला असून राकेश हच्चे हा गंभीर जखमी झाला आहे. राकेश यांच्यावर सोलापुरातील शासकीय रुग्णालयामध्ये उपचार सुरु आहेत. हे सर्व जण काम आटोपून घरी जायला निघाले होते. पण वाटेतच काळानं त्यांना गाठलं.
सोलापुरामध्ये मंडप आणि लायटींगचे क्रॉन्ट्रॅक्टर करायचं काम या अपघातात मृत्यू झालेले करत होते. औराद इथं ते कामासाठी गेले होते. काम आटपून करुन निघाले असता त्यांच्या गाडीचा भीषण अपघात झाला. या अपघातात त्यांची स्कॉपियो गाडी ही भरधाव वेगात असतानाच झाडावर आदळली. तेरामैल इथ MH 13 Z 9909 नंबरची स्कॉर्पियो कार अपघातग्रस्त झाली. दरम्यान, या अपघाताची माहिती मिळाल्यानंतर तातडीनं त्यांना रुग्णालयात उपचारासाठी दाखलही करण्यात आलं. पण तिथं त्यांना डॉक्टरांनी मृत घोषित केलं.
अपघातातील मृतांची नावं पुढीलप्रमाणे –
किशोर अण्णाराव भोसले (वय वर्षे 45) राहणार सळई मारुती उत्तर कसबा सोलापूर नितीन भगवान भांगे (वय 32) राहणार निराळे वस्ती सोलापूर व्यंकटेश राम म्हेत्रे (वय 45) राहणार मोदी सोलापूर
संबंधित बातम्या :
VIDEO | ड्रायव्हरचा ताबा सुटला, गाडी उलटून महिलेचा जागीच मृत्यू, चिमुरड्यांसह 11 प्रवासी गंभीर
