Thane: एकनाथ शिंदेच्या ठाणेकरांना आता मोठा दणका, पालिकेच्या निर्णयामुळे लोकांचे हाल होणार, नव्या कराचा बोजा बसणार

निवासी मालमत्तांच्या करात 12 टक्के वाढ केली आहे, तर बिगर निवासी (व्यावसायिक) मालमत्तांच्या करात 20 टक्के वाढ करण्यात आली आहे. घर किंवा मालमत्ता हस्तांतरण करताना जे शुल्क दिले जातात त्यात तब्बल तिप्पट वाढ करण्यात आली आहे. हस्तांतरण शुल्क आणि मालमत्ता करातील वाढीमुळे आता ठाण्यात घर खरेदी-विक्री करताना नागरिकांना विचार करावा लागणर आहे, कारण लाखो रुपयांचा अतिरिक्त कर भरावा लागणार आहे. वाहतूक कोंडीवर नियंत्रण मिळवण्यासाठी आणि बेशिस्त पार्किंगला आळा घालण्यासाठी पालिकेने आता एक मोठा निर्णय घेतला आहे. घोडबंदर भागातील रहिवाशांवर पार्किंग कर लादण्याचा निर्णय घेतला आहे. या निर्णयाचे पालिकेकडून  स्पष्ट शब्दात स्पष्टीकरण देण्यात आले आहे पण तरीही स्थानिक रहिवाशांमधून या निर्णयावर नाराजी व्यक्त होत आहे.

सध्याच्या महागाईच्या काळात महापालिकेने घेतलेल्या या निर्णयामुळे ठाणेकरांमध्ये प्रचंड नाराजी पसरली आहे. मूलभूत सुविधांची भीषण अवस्था आहे तरीही दुसरीकडे पालिकेकडून कररूपाने सामान्य जनतेची लूट सर्रास सुरु आहे असा आरोप जनतेनी केला आहे. मालमत्ता कर, पार्किंग कर आणि हस्तांतरण शुल्कातील या अवाजव वाढीमुळे ठाण्यातील रिअल इस्टेट क्षेत्रावरही याचा प्रतिकूल परिणाम होण्याची शक्यता नाकारता येत नाही.