उद्धव ठाकरे यांना ही भाषा शोभत नाही, रवी राणा यांनी सुनावलं

नागपूर : उद्धव ठाकरे किती वेळा बेळगावला गेले मला माहीत नाही. आदित्य ठाकरे यांच्या संरक्षणासाठी ते विदर्भात आले. विदर्भ संकटात होता तेव्हा कुणासाठी ते विदर्भात आले नाहीत, असा आरोप रवी राणा यांनी केला. बेळगावचा मराठी माणूस असो की, राज्यातला प्रत्येकाचं संरक्षण करण्यासाठी न्याय देण्यासाठी मुख्यमंत्री-उपमुख्यमंत्री सक्षम आहेत. केंद्र सरकारचं दोन्ही राज्यांकडं लक्ष आहे. केंद्राचे गृहमंत्री स्वतः लक्ष देऊन आहेत. बेळगावातील कुणावरही अन्याय होणार नाही. बेळगावला केंद्रशासित प्रदेश करावं, अशी भाषा उद्धव ठाकरे यांना शोभत नाही. उद्धव ठाकरे मुख्यमंत्री असताना महाराष्ट्र केंद्रशासित प्रदेश करावा, अशा परिस्थितीत आला होता, असं रवी राणा यांनी सुनावलं.

रवी राणा म्हणाले, सुशांतसिंग राजपूत आणि दिशा सालियन हत्या प्रकरणात रुग्णालयात कर्मचाऱ्यांनी दावा केलाय की, राजपुतची आत्महत्या नसून हत्या आहे. त्यांच्या मानेवरती व्रण पाहायला मिळाले. उद्धव ठाकरे मुख्यमंत्री असताना अनेकदा तो विषय नितेश राणे आणि नारायण राणे यांनी उचलला होता.

सुशांतचा पीएम रात्री झालाय. सुशांतचा पीएम रात्री करणं, व्हिडिओग्राफी न करणं फक्त फोटोग्राफी करणं. मुख्यमंत्री ठाकरे असल्यामुळं त्यावेळी या गोष्टीमधील राज अजून बाहेर आला नाही. यातील राज उघडल्यानंतर मोठा भूकंप महाराष्ट्रात होईल. तेव्हा उद्धव ठाकरे हे अडचणीत येतील, असा इशारा रवी राणा यांनी दिला.

कोल्हे प्रकरणात गुप्त विभागाकडं चौकशी लावण्यात आली आहे. त्यावेळी मुख्यमंत्री ठाकरे यांनी पोलीस अधिकारी आरती सिंग यांना फोन करून हत्याकांड दाबण्याचा प्रयत्न केला. त्यासंबंधीचे पुरावे गुप्त विभागाकडं देणार असल्याचं रवी राणा म्हणाले.