Khavdya Dongar Case : संभाजीनगरातल्या खवड्या डोंगराचं रहस्य काय? ‘खवड्या’ असं नाव का पडलं? वाचून धक्काच बसेल!
हा डोंगर ज्या परिसरात आहे, तो भाग खडकाळ आहे. दगड, मुरूम काढण्यासाठीही अनेकजण येथे अवैध पद्धतीने उत्खनन करतात. म्हणूनच हा डोंगर खडकाळ, खवखवित, खड्डे असलेला झाला.
Khavdya Dongar : छत्रपती संभाजीनगरात चांदगुडे कुटुंबासोबत धक्कादायक घटना घडली. घरातील अंतर्गत कलहामुळे मुलगा कुणाल चांदगुडे, मुरलीधर चांदगुडे, संगीता चांदगुडे यांचा मृत्यू झाला आहे. कुणालने वडील मुरलीधर चांदुगडे यांना घेऊन खवड्या डोंगरावरून उडी घेतली. तर मुलगा आणि पतीने उडी घेतल्याचे दिसताच संगीता चांदगुडे यांनीही याच खवड्या डोंगरावरून उडी घेत स्वत:ला संपवलं. या घटनेचा प्रसंग लोकांनी मोबाईल कॅमेऱ्यात कैद केला. अवघ्या तीन सेकंदांत तिघांचा मृत्यू झाल्यामुळे संपूर्ण महाराष्ट्र हादरला. सगळीकडे एकच खळबळ उडाली. अगोदर आयफोनच्या ईएमआयमुळे कुणाल आणि वडील मुरलीधर चांदगुडे यांच्यात वाद होता, असे बोलले जात होते. परंतु आता या मृत्यूकांडाला कुटुंबातील अंतर्गत वादाची किनार असल्याचे बोलले जात आहे. ही घटना समोर आल्यानंतर छत्रपती संभाजीनगराली खवड्या डोंगरही तेवढाच चर्चेत आला आहे. खवड्या डोंगरावर असं काय आहे? त्याचं नाव खवड्या डोंगर असं का पडलं असावं? असं विचारलं जातंय.
खवड्या डोंगर नेमका कुठे आहे?
मिळालेल्या माहितीनुसार खवड्या डोंगर हा छत्रपती संभाजीनगरातील बजाज नगर या परिसरात आहे. तिसगाव-वाळूज एमआयडीसी परिसरात हा डोंगर आहे. बांधकामासाठी दगड, विकासकामे यामुळे हा डोंगर बराच पोखरण्यात आला आहे. डोंगर पोखरताना त्याच्यावर खवले तयार झालेले आहेत. दुरूनच डोंगरातील दगडावर खवले दिसतात. त्यामुळे या डोंगराला खवल्या डोंगर असेही काहीजण म्हणतात. स्थानिक बोलीभाषेत या डोंगराला खवड्या डोंगर असे नाव पडले. म्हणूनच छत्रपती संभाजीनगरात हा डोंगर खवड्या डोंगर म्हणून प्रसिद्ध आहे. अवैध उत्खननामुळेही या योंगरावर सरळ कडे तयार झाले आहेत. या कड्यांवरून तोल गेला की थेट माणसाचा जीव जाऊ शकतो, एवढे भीषण कडे या डोंगराला तयार झालेले आहेत.
खवड्या डोंगर संभाजीनगरातील नवा डेथ पॉइंट
हा डोंगर ज्या परिसरात आहे, तो भाग खडकाळ आहे. दगड, मुरूम काढण्यासाठीही अनेकजण येथे अवैध पद्धतीने उत्खनन करतात. म्हणूनच हा डोंगर खडकाळ, खवखवित, खड्डे असलेला झाला. त्यामुळेच या डोंगराला खवड्या डोंगर असे नाव पडले असावे, असा अंदाज बांधला जातो. दरम्यान, हा खवड्या डोंगर संभाजीनगरातील नवा डेथ पॉइंट ठरला आहे. या डोंगरावरून आतापर्यंत 13 जणांची जीव संपवलेला आहे. म्हणूनच भविष्या अशा घटना घडू नयेत यासाठी खवड्या डोंगरावर उपायोजना करण्यात येणार आहेत.
