ग्राइंडरचे ब्लेड तुटून युट्यूबर गंभीर जखमी, ब्लेड जबडा फाडून मेंदूपर्यंत घुसले…

घरात दुरुस्तीचे काम सुरु असताना ग्राईंडरचे ब्लेड तुटून थेट चेहऱ्यावर आदळल्याने एक तरुण गंभीर जखमी झाल्याची घटना रत्नागिरीतील राजापूरात घडली आहे. राजापूरातील गुरववाडी येथे हा अपघात घडला असून यात महा कोकणचे युट्यूबर जगन्नाथ धोंडू गुरव हे गंभीर जखमी झाले आहेत. ग्राईंडरचे ब्लेड अचानक तुटून अत्यंत वेगाने उडाल्याने हे ब्लेड थेट जबडा फाडून मेंदूपर्यंत पोहचल्याची प्राथमिक माहिती समोर आली आहे.

घरातील कामे सुरु असताना ग्राईंडरचे ब्लेड अचानक तुटून त्याचे लोखंडी पाते अत्यंत वेगाने जगन्नाथ गुरव यांच्या चेहऱ्यात घुसल्याने ते गंभीर जखमी झाले. त्यांच्या जबड्यात हे पाते शिरुन ते थेट मेंदूपर्यंत गेल्याने त्यांना आधी राजापूरातील एका खासगी रुग्णालयातून कोल्हापूरातील जिल्हा रुग्णालयात हलवण्यात आले आहे. रुग्णाची प्रकृती चिंताजनक असल्याने त्यांच्यावर पुढील उपचार आता कोल्हापूरात सुरु आहे.

याबाबत मिळालेल्या माहितीनुसार, घरात काम सुरू असताना अचानक ग्राइंडरचे ब्लेड तुटले आणि अत्यंत वेगाने उडून जगन्नाथ गुरव यांच्या चेहऱ्यावर आदळले. या दुर्घटनेत त्यांच्या जबड्याला गंभीर दुखापत झाली असून हे ब्लेड त्यांचा जबडा फाडून मेंदूपर्यंत पोहोचल्याची प्राथमिक माहिती समोर आली आहे. या घटनेनंतर त्यांना तात्काळ राजापूर शहरातील एका खासगी रुग्णालयात उपचारासाठी दाखल करण्यात आले होते. तेथे प्रथमोपचार केल्यानंतर अधिक उपचारांची गरज असल्याने त्यांना कोल्हापूर जिल्हा रुग्णालयात हलवण्यात आले आहे. रुग्णाची प्रकृती लक्षात घेता त्यांनी विलंब न करता जगन्नाथ गुरव यांना पुढील उपचारांसाठी कोल्हापूर येथे हलवण्यात आले आहे. या तरुणाचा जबडा पूर्णपणे चिरला असून जखम खोल मेंदूपर्यंत गेल्याचे म्हटले जात आहे. त्यामुळे तरुणाला पुढील उपचारासाठी कोल्हापूरातील जिल्हा रुग्णालयात दाखल केले आहे.