मोठी बातमी! एसीचा मोठा स्फोट, धक्कादायक घटना, तब्बल 9 जणांचा मृत्यू तर..

दिल्लीतून धक्कादायक माहिती पुढे येत आहे. एसीचा स्फोट झाल्याने मोठी आग लागली. हेच नाही तर या आगीत तब्बल 9 जणांचा मृत्यू झाला. दिल्लीतील शाहदरा येथील विवेक विहार भागातील एका निवासी इमारतीला रविवारी पहाटे भीषण आग लागली. ही आग लागल्याने एकच खळबळ उडाली. आगीवर नियंत्रण मिळवण्याचे काम सुरू आहे. काही जण या आगीत गंभीर जखमी असल्याचीही माहिती मिळत आहे. पहाटेच्या सुमारास अग्निशमन नियंत्रण कक्षाला आगीची माहिती मिळाली. त्यानंतर अग्निशमन दलाची 14 वाहने घटनास्थळी दाखल झाली. सध्या बचावकार्य सुरू असल्याची माहिती मिळत आहे. अग्निशमन दलाच्या माहितीनुसार, बी-13 इमारतीच्या दुसऱ्या मजल्यावर आग लागली आणि ती हळूहळू संपूर्ण इमारतीत पसरली.

दिल्लीत धक्कादायक घटना थेट मोठी आग 

सुमारे अडीच तासांच्या प्रयत्नांनंतर सकाळी 6:25 वाजता आगीवर नियंत्रण मिळवण्यात आले. परंतु तोपर्यंत मोठे नुकसान झाले. एसीचा स्फोट झाल्याने ही आग पसरल्याची माहिती मिळत आहे. काही वेळातच आग पसरली. हा स्फोट इतका जास्त भीषण होता की, मोठा आवाज झाला आणि सर्वत्र आग काही क्षणात पसरली. ज्याने खळबळ उडाली.

एसीचा स्फोट झाल्याने भडकली आग 

मिळालेली अधिक माहिती अशी की, आतापर्यंत 9 जणांचे मृतदेह बाहेर काढण्यात आले आहेत. चार ते सहा जण गंभीररित्या भाजले आहेत. त्यांना जवळच्या रुग्णालयात दाखल करण्यात आले आहे. काही जखमींची प्रकृती चिंताजनक आहे. त्यांच्यावर सध्या उपचार सुरू आहेत. आगीत मोठे नुकसान झाल्याचीही माहिती मिळत आहे.

तब्बल इतक्या लोकांचा घटनेत मृत्यू

अग्निशमन दल आणि पोलिसांच्या पथकांनी संयुक्त बचावकार्य करून अंदाजे 14 ते 20 लोकांना सुखरूप बाहेर काढले. स्थानिकांच्या मते, मागच्या अपार्टमेंटमध्ये काही लोक अडकल्याचा संशय होता. पण पोलिसांनी सध्या आत कोणीही अडकल्याचे वृत्त फेटाळले आहे. मात्र, या आगीच्या घटनेने मोठा हाहाकार उडाला आहे. तीन ते चार दिवसांपूर्वीच दिल्लीमध्ये अशाचप्रकारची आगीची घटना घडली होती. ती घटना ताजी असतानाच आता पुन्हा एकदा मोठ्या आगीची घटना घडली आहे.