AI India Summit: फ्रान्स राष्ट्राध्यक्ष मॅक्रॉन यांनी केले भारताचे कौतुक, मुलांसाठी सोशल मीडियावर बंदीचे आवाहन
दिल्लीत आयोजित India AI Impact Summit 2026 मध्ये फ्रान्सचे राष्ट्राध्यक्ष मॅक्रॉन यांनी भारताच्या डिजिटल प्रगतीचे कौतुक केले. त्यांनी भारताला AI अभियंत्यांचे जागतिक केंद्र असल्याचे म्हटले. तर त्याचवेळी त्यांनी लहान मुलांसाठी सोशल मीडियावर बंदी घालण्याचे आवाहन केले.
AI India Summit: देशाची राजधानी दिल्लीतील भारत मंडपम येथे आयोजित India AI Impact Summit 2026 मध्ये जगभरातील अनेक दिग्गजांनी हजेरी लावली. अनेक देशांचे राष्ट्राध्यक्ष आणि प्रतिनिधींनी या मंचावर AI च्या भविष्यावर त्यांचे मत मांडले. कार्यक्रमात फ्रान्सचे राष्ट्राध्यक्ष इमॅन्युएल मॅक्रॉन यांनी भारत आणि पंतप्रधान नरेंद्र मोदी यांचे कौतुक केले. यासह त्यांनी एका महत्त्वाच्या मुद्दाकडे लक्ष वेधले. 15 वर्षांखालील लहान मुलांना सोशल मीडियावर रोख लावावी, प्रतिबंध घालावा असे आवाहन त्यांनी पंतप्रधान नरेंद्र मोदी यांच्याकडे केली.
India AI Impact Summit 2026 मध्ये फ्रान्सचे राष्ट्राध्यक्ष यांनी भाषणाची सुरुवात नमस्ते म्हणून केली. या शानदार शहरात, या शानदार शहरात माझे स्वागत करण्यासाठी त्यांनी पंतप्रधान नरेंद्र मोदी यांचे आभार मानले. या कृत्रिम बुद्धिमत्ता संमेलनात येऊन फार चांगलं वाटतं असल्याची प्रतिक्रिया त्यांनी दिली.
10 वर्षांत बरचं काही बदलले
फ्रान्सचे राष्ट्राध्यक्ष मॅक्रॉन म्हणाले की गेल्या 10 वर्षांत बरचं काही बदलले आहे. दहा वर्षांपूर्वी मुंबईत एक स्ट्रीट व्हेंडर साधं बँक खातं उघडू शकत नव्हता. त्याच्याकडे स्वतःचा पत्ता नव्हता. कोणतेही कागदपत्र नव्हते. पण आज येथील वातावरणच नाही तर व्यवस्था बदलली आहे. आज तोच विक्रेता त्याच्या मोबाईलवर पेमेंट स्वीकारू शकतो. हा मोठा बदल आहे. भारत प्रत्येक वर्षी लाखो AI अभियंत्यांना प्रशिक्षण देतो. 500,000 एआय अभियंत्यांसह भारत हा जगातील दुसरा सर्वात मोठा समुदाय असल्याचे मॅक्रॉन म्हणाले.
लहान मुलांसाठी सोशल मीडियावर बंदी घाला
इंडिया एआय समिट दरम्यान फ्रान्सचे राष्ट्राध्यक्ष इमॅन्युएल मॅक्रॉन यांनी पंतप्रधान मोदी यांना एक मोठे आवाहन केले आहे. त्यांनी 15 वर्षांहून कमी वयाच्या मुलांना सोशल मीडियावर बंदी घालण्याचे आवाहन केले. मॅक्रॉन यांनी सांगितले की फ्रान्समध्ये 15 वर्षांच्या मुलांसाठी सोशल मीडियावर बंदी आहे. त्यांना सोशल मीडिया वापरता येत नाही. आम्ही या रस्त्यावर पुढे निघालो आहोत. मला वाटते पंतप्रधान नरेंद्र मोदी हे सुद्धा याच रस्त्यावर पुढे जातील.
जगात भारताची वेगळी ओळख
भारताने जे काही केले आहे ते जगावेगळं आहे. इतर देश ते करू शकला नाही. 1.4 अब्ज लोकांसाठी एक डिजिटल ओळख इथंच तयार करण्यात आलेली आहे. एक पेमेंट सिस्टिम ज्यामुळे दर महिन्याला 20 अब्ज व्यवहार प्रक्रिया होते. एक आरोग्य व्यवस्था उभारली ज्यात 500 दशलक्ष डिजिटल हेल्थ ID देण्यात आले आहेत, असे इमॅन्युएल मॅक्रॉन म्हणाले.
