Bihar : शिक्षक होणार नितीशकुमार यांच्या दारुबंदीचे शिलेदार, गुप्तहेरांप्रमाणं कामगिरी पार पाडण्याची जबाबदारी

बिहारमधील (Bihar) मुख्यमंत्री नितीश कुमार (Nitish Kumar) यांच्या सरकारानं दारुबंदीची प्रभावी अंमलबजावणी करण्यासाठी शिक्षकांवर मोठी जबाबदारी दिलीय.

Bihar : शिक्षक होणार नितीशकुमार यांच्या दारुबंदीचे शिलेदार, गुप्तहेरांप्रमाणं कामगिरी पार पाडण्याची जबाबदारी
Bihar CM Nitish Kumar
Follow us
| Updated on: Jan 29, 2022 | 10:48 AM

नवी दिल्ली: महाराष्ट्रात एकीकडे राज्य सरकारनं सुपर मार्केटमध्ये वाईन विक्रीला परवानगी देण्याचा निर्णय घेतला आहे. दुसरीकडे बिहारमधील (Bihar) मुख्यमंत्री नितीश कुमार (Nitish Kumar) यांच्या सरकारानं दारुबंदीची प्रभावी अंमलबजावणी करण्यासाठी शिक्षकांवर मोठी जबाबदारी दिलीय. दारुबंदी यशस्वी करण्याचं काम आता शिक्षक (Teacher) करणार आहेत. बिहारचे शिक्षक त्यांच्या विभागात आता गुप्तहेरांप्रमाणं काम करणार आहेत. नितीशकुमार यांच्या सरकारनं एका आदेशात शिक्षकांनी दारु विकणाऱ्या आणि पिणाऱ्यांची माहिती सरकारला द्यावी असं म्हटलंय. माहिती देणाऱ्या शिक्षकांची नावं गोपनीय ठेवली जाणार आहेत. बिहारच्या शिक्षण विभागानं शुक्रवारी एक परिपत्रक जारी केलं आहे. बिहार सरकारनं घेतलेल्या या निर्णयामुळं राज्यातील दारुबंदीची मोहीम यशस्वी होणार का हे पाहावं लागणार आहे. दारुबंदीचा निर्णय बिहारचे मुख्यमंत्री नितीश कुमार यांच्यासाठी महत्त्वाचा निर्णय ठरला होता.

बिहारच्या शिक्षण विभागाचं परिपत्रक

बिहारच्या शिक्षण विभागानं शुक्रवारी एख परिपत्रक जारी करत माध्यमिक, प्राथमिक, आणि माध्यमिक सरकारी शाळांचे प्राचार्य आणि शिक्षकांना दारु पिणाऱ्यांबद्दल आणि अवैध दारुच्या व्यवसायात सहभागी असलेल्या लोकांची माहिती गोळा करण्याचे आदेश देण्यात आले आहेत. शिक्षण विभागाचे अतिरिक्त मुख्य सचिव संजय कुमार यांनी हे पत्र जारी केलं आहे. या आदेशात प्राचार्य आणि शिक्षक यांनी शाळा बंद झाल्यानंतर शाळांचा वापर दारु पिण्यासाठी तर होत नाही हे पाहावे, असं म्हटलंय.

सरकारला माहिती देतील त्यांची नावं गुप्त राहणार

दारू विकणारे आणि दारु पिणारे यांच्याबद्दल माहिती देणाऱ्या शिक्षकांची ओळख गुप्त ठेवली जाईल, असं शिक्षण विभागाकडून कळवण्यात आलं आहे. सरकारनं जारी केलेल्या क्रमांकात एक क्रमांक जारी करण्यात आला आहे. त्या टोल फ्री नंबरवर संपर्क करुन शिक्षक दारूचे अड्डे यासंबंधी तक्रार करु शकतात. दारु पिल्यामुळं केवळ दारु पिणाऱ्यांच्याच नाही तर त्यांच्या कुटुंबीयांच्या प्रकृतीवर देखील विपरीत परिणाम होतात हे दिसून आलंय, असं शिक्षण विभागाच्या परिपत्रकात म्हटलं आहे.

बिहार सरकारच्यावतीनं जारी करण्यात आलेल्या प्रसिद्धीपत्रकात शाळांच्या परिसराचा वापर दारु पिण्यासाठी आणि विक्रीसाठी होत असल्याचं दिसून आलंय. त्यामुळे प्राथमिक आणि माध्यमिक शाळांमध्ये शालेय समिती स्थापन करुन दारुमुक्तीसाठी आवश्यक माहिती दिली जावी, अशा सूचना देण्यात आल्या आहेतय

इतर बातम्या:

अनिल देशमुख पोलिसांच्या बदल्यांसाठी अनधिकृत यादी पाठवायचे, सिताराम कुंटेचा ईडीकडे जबाब, सूत्रांची माहिती

School Open| औरंगाबाद शहरात सोमवारपासून 8 वी ते 12 वीचे वर्ग भरणार, मनपा प्रशासकांची परवानगी

हेही पाहा

Bihar Nitish Kumar Government issue order to teachers gave information of liquor smuggler and drunker

Non Stop LIVE Update
'आरक्षणावरच चर्चा की दंगली..', पवार-शिंदेंच्या भेटीवरून जरांगेंची टीका
'आरक्षणावरच चर्चा की दंगली..', पवार-शिंदेंच्या भेटीवरून जरांगेंची टीका.
आम्ही राजीनामा देतो, तुम्ही राजकारणात या,भाजप नेत्याच जरांगेंना आव्हान
आम्ही राजीनामा देतो, तुम्ही राजकारणात या,भाजप नेत्याच जरांगेंना आव्हान.
तुपकरांची पक्षातून हकालपट्टी, स्वाभिमानी शेतकरी संघटनेची मोठी कारवाई
तुपकरांची पक्षातून हकालपट्टी, स्वाभिमानी शेतकरी संघटनेची मोठी कारवाई.
मराठा समाजातील विद्यार्थ्यांना दिलासा, मुख्यमंत्र्यांचा मोठा निर्णय
मराठा समाजातील विद्यार्थ्यांना दिलासा, मुख्यमंत्र्यांचा मोठा निर्णय.
डोंबिवलीजवळ एक्स्प्रेसच्या रांगा; मध्य रेल्वे विस्कळीत, नेमक काय झालं?
डोंबिवलीजवळ एक्स्प्रेसच्या रांगा; मध्य रेल्वे विस्कळीत, नेमक काय झालं?.
'ठाकरे महाराष्ट्राचे नवे मोहम्मद जिन्ना, ते मुस्लिमांच्या प्रेमात अन्'
'ठाकरे महाराष्ट्राचे नवे मोहम्मद जिन्ना, ते मुस्लिमांच्या प्रेमात अन्'.
मुंडेंनी घरी बोलवून मला धमकावलं आणि..., शरद पवार गटाच्या नेत्याचा आरोप
मुंडेंनी घरी बोलवून मला धमकावलं आणि..., शरद पवार गटाच्या नेत्याचा आरोप.
'लाडकी बहीण'वरून आदिती विरोधकांना प्रत्युत्तर, ही योजना विधानसभेची...
'लाडकी बहीण'वरून आदिती विरोधकांना प्रत्युत्तर, ही योजना विधानसभेची....
चंद्रपुरात अजूनही पूरस्थिती कायम, पात्र सोडून नदीचं पाणी थेट शेतात अन्
चंद्रपुरात अजूनही पूरस्थिती कायम, पात्र सोडून नदीचं पाणी थेट शेतात अन्.
रायगडात पुढील काही तासांत धुव्वाधार, 'या' नद्या इशारा पातळी ओलांडणार?
रायगडात पुढील काही तासांत धुव्वाधार, 'या' नद्या इशारा पातळी ओलांडणार?.