कधी पदराआड लपायचा तर कधी डोक्यावरुन हात फिरवायचां! रेल्वे प्लॅटफॉर्मवर आईच्या मृतदेहासोबत खेळत होत लहान मुल आणि येणारे जाणारे…
बिहारमधील भागलपूर रेल्वे स्थानकावर हे हृदय पिळवटून टाकणारे दृष्य पहायला मिळाले आहे. नीपचीत पडलेल्या आईच्या मृतदेशाही हे मुल खेळत होते. हे दृष्य पाहून अनेक्यांच्या डोळ्यातून अश्रू बाहरे पडले. या बाळावर आली तशी वेळ कुणावरच येऊ नये असे शब्द अनेकाच्या तोंडून बाहेर पडले.
बिहार : लहान मुलांचे सर्व विश्व हे त्यांच्या आई भोवती फिरत असते. लहान मुलं म्हणजे देवा घरची फुलं… अशी म्हण आहेत. मात्र, लहान मुलांची निरागसता दाखवणारी एक हृदयद्रावक घटना बिहारमध्ये(Bihar) घडली आहे. एक लहान मूल चक्क आपल्या आईच्या मृतदेहा सोबत खेळत होते(Child playing with mother’s dead). हे मुल कधी आईच्या पदाआड लपत होते. तर कधी आईला मिठी मारत होते. तर कधी तिच्या डोक्यावरून मायेने हात फिरवत होते. या बाळाला वाटतं होते त्याची झोपलेय यामुळे ते तिला उठवण्याचा प्रयत्न करत होते. या बाळाला आई जिवंत नाही हे काहीच समजेना. हा प्रकार पाहून स्टेशनवर उपस्थित असलेल्यांच्या डोळ्यात पाणी आले.
बिहारमधील भागलपूर रेल्वे स्थानकावर हे हृदय पिळवटून टाकणारे दृष्य पहायला मिळाले आहे. नीपचीत पडलेल्या आईच्या मृतदेशाही हे मुल खेळत होते. हे दृष्य पाहून अनेक्यांच्या डोळ्यातून अश्रू बाहरे पडले. या बाळावर आली तशी वेळ कुणावरच येऊ नये असे शब्द अनेकाच्या तोंडून बाहेर पडले.
सोमवारी भागलपूर जंक्शनवर एक महिला मृत अवस्थेत आढळली. या महिलेच्या मृतदेहा शेजारी तिचे लहान मुल तिच्यासह खेळत होते. हे मुल कधी आईच्या छातीला बिलगायचे. तर कधी तिच्या कुशीत लपायचे. कधी ते आईच्या चेहऱ्याला हात फिरवत तिच्या चेहरा मिठी घ्यायचे. तर कधी तिच्या डोक्यावर त्याच डोकं ठेवायचे. मात्र, आपल्या डोक्यावरुन आईच्या मायेचे छत्र हरपलेय याची कल्पनाच या मुलाला नव्हती.
काहीच हालचाल होत नसल्याने महिलेचा मृत्यू झाल्याचा संशय
या महिलेचा मृतदेह प्लॅटफॉर्म क्रमांक एक वर आढळून आला. या महिलेसह तिचा लहान मुलगा देखील होता. त्याला वाटलं आपली आई झोपली आहे. म्हणून तो तिला झोपेतून उठवत होता. तिच्याशी बोलत होता. बराच वेळ या महिलेची काहीच हालचाल दिसून आली नाही. यामुळे पोलिसांना संशय आला. त्यांनी जवळ जावून पाहिले असता महिलेचा मृत्यू झाल्याचे निर्शनास आले.
यानंतर रेल्वे पोलिसांनी महिलेचा मृतदेह ताब्यात घेत तो पोस्टमार्टमसाठी पाठवला. पोलिसांनी या लहान मुलाला चाइल्ड हेल्प लाइन टीमच्या ताब्यात दिले. यानंतर त्याची आरोग्य तपासणी करन त्याला बालगृहात पाठवण्यात आले आहे.
महिलेच्या मृतदेहाची ओळख पटलेली नाही
मृत महिलेच्या मृतदेहाची ओळख पटलेली नसल्याची माहिती भागलपूर जीआरपी पोलिस स्टेशनचे प्रभारी अरविंद कुमार यांनी दिली. तिच्या नातेवाईकांचा शोध घेतला जात आहे. त्यानंतर आता मृतदेह सुरक्षित ठेवण्यात आला आहे. मृत महिला ही स्टेशनवर भीक मागायची आणि मुलासह ती स्टेशनवरच राहत असल्याचे काही प्रत्यक्षदर्शींनी सांगीतले.
