Clashes’s Madhya Pradesh : मध्यप्रदेशातील नीमचमध्ये दोन समुदायांत संघर्ष; दिग्विजय सिंह म्हणाले- घटना घडलेल्या परिसरात भाजप आमदाराचे घर

माजी मुख्यमंत्री दिग्विजय सिंह यांनी सोशल मीडियावर सांगितले की, आम्हाला माहित आहे की नीमचचे भाजपचे आमदार त्याच परिसरात राहतात जिथे ही घटना घडली आहे.

Clashes's Madhya Pradesh : मध्यप्रदेशातील नीमचमध्ये दोन समुदायांत संघर्ष; दिग्विजय सिंह म्हणाले- घटना घडलेल्या परिसरात भाजप आमदाराचे घर
मध्य प्रदेशातील नीमचImage Credit source: tv9
Follow us
| Updated on: May 17, 2022 | 3:50 PM

नीमच : देशातील वातावरण सध्या धार्मिक गोष्टीत गुर्फटर चाललं आहे. देशाच्या अनेक भागात हनुमान चालिसा (Hanuman Chalisa) आणि मशीदीवरील भोंग्यावरून राजकारण चांगलेच तापत आहे. त्यातच आता बाबरीनंतर ज्ञानवापीमशीदीवरूनही देशातील वातावरण गरम होत आहे. हिंदू-मुस्लिम (Hindu-Muslim)असे पक्ष एकमेकांविरोधात उभे होताना दिसत आहेत. तर मागील काही दिवसांपासून देशाच्या राजधानी दिल्ली आणि शेजारील राज्यात बुल्डोजर मॉडेल धावत असल्यानेही धार्मिक कारवाया केल्या जात असल्याची ओरड होत आहे. दरम्यान दिल्लीतील जहांगिरपूरी भागात दंगल घडली होती. त्यानंतर तेथे बुल्डोजर रस्त्यावर आला. त्यानंतर आता पुन्हा धार्मिक तेढ निर्माण करणारी घटना मध्य प्रदेशातील नीमचमध्ये समोर आली आहे. नीमचमध्ये दर्ग्याजवळ हनुमानाची मूर्ती बसवण्यावरून वादाचे प्रकरण समोर आले आहे. जुनी कचरी परिसरातील दर्ग्याजवळ (Dargahs in Old Kachri area) हा वाद झाला. यानंतर परिसरात तणाव पसरला. हल्लेखोरांनी दगडफेक केल्यानंतर एक दुचाकीही जाळण्यात आल्याचे समोर आले आहे. त्यादरम्यान दिग्विजय सिंह यांनी ट्वीट केले आहे. ज्यात त्यांनी घटना घडलेल्या परिसरात भाजप आमदाराचे घर घर असल्याचे म्हटले आहे. त्यामुळे या वादाला आता नवा रंग लागण्याची शक्यता आहे.

9 जणांना अटक करण्यात आली असून 4 जणांवर गुन्हा दाखल

त्यानंतर पोलिसांनी दुकाने बंद करयाला लावली. तसेच, हल्लेखोरांना आटोक्यात आणण्यासाठी अश्रुधुराच्या नळकांड्या फोडण्यात आल्या. पोलिसांनी लाठ्या काठ्या घेऊन सध्या परिस्थिती नियंत्रणात आणली आहे. प्रशासनाने नीमच शहर परिसरात कलम 144 लागू केले आहे. दगडफेकीत नीमच सिटी टीआय जखमी झाले आहेत. त्यानंतर नीमचमध्ये बाजारपेठा पूर्णपणे खुल्या आहेत. आतापर्यंत 9 जणांना अटक करण्यात आली असून 4 जणांवर गुन्हा दाखल करण्यात आला आहे. माजी मुख्यमंत्री दिग्विजय सिंह यांनी सोशल मीडियावर सांगितले की, आम्हाला माहित आहे की नीमचचे भाजपचे आमदार त्याच परिसरात राहतात जिथे ही घटना घडली आहे.

हे सुद्धा वाचा

काय प्रकरण आहे

जुनी कचरी परिसरात सुमारे पाच हजार चौरस फूट जागेवर दर्गा आहे. ही जमीन सरकारी असल्याचे सांगितले जाते. सोमवारी सायंकाळी पाच वाजण्याच्या सुमारास या जमिनीलगतच्या जागेवर काही जणांना हनुमानाची मूर्ती बसवायची होती. त्यावर दर्ग्यात उपस्थित लोकांनी आक्षेप घेतला. दोघांमध्ये वाद सुरू झाला. रात्री आठच्या सुमारास वाद वाढत गेला. दोन्ही समाजाचे लोक जमले. त्यानंतर दगडफेक सुरू झाली. हल्लेखोरांनी एक दुचाकीही पेटवून दिली.

मूर्ती स्थापनेवरून वाद झाल्यानंतर पोलिसांनी दोन्ही पक्षांना समजावून सांगण्यासाठी पोलीस नियंत्रण कक्षाला फोन केला होता. दरम्यान, काही लोकांनी घटनास्थळी दगडफेक सुरू केली. माहिती मिळताच पोलिसांचा ताफाही घटनास्थळी दाखल झाला. एसपी सूरज वर्मा यांनी सांगितले की, माहिती मिळताच पोलिस फौजफाट्यासह पोहोचले. परिस्थिती नियंत्रणात आणण्यासाठी पोलिसांनी अश्रुधुराच्या नळकांड्या फोडल्या. जमावाला पांगवण्यासाठी लाठ्यांचाही वापर करण्यात आला. पोलिसांनी दुकाने बंद केली. सर्व दुकानदारांना घरी पाठवले. याठिकाणी अघोषित संचारबंदीसारखी परिस्थिती निर्माण झाली आहे. सध्या परिस्थिती नियंत्रणात आहे.

5 पोलीस ठाण्यांचा पोलीस बंदोबस्त

एसपी म्हणाले की, खबरदारीचा उपाय म्हणून 5 पोलिस ठाण्यांचे पोलिस दल या परिसरात तैनात करण्यात आले आहे. यासोबतच राखीव पोलीस दलही तैनात करण्यात आले आहे. वज्र वाहनही तैनात करण्यात आले आहे.

Non Stop LIVE Update
शिवसेनेत गोविंदाची एन्ट्री अन् दादांचं 15 दिवसांपूर्वी वक्तव्य चर्चेत
शिवसेनेत गोविंदाची एन्ट्री अन् दादांचं 15 दिवसांपूर्वी वक्तव्य चर्चेत.
तर भाजपात पहिली उडी मारणारे सुनील तटकरे असतील रोहित पवार यांची टीका
तर भाजपात पहिली उडी मारणारे सुनील तटकरे असतील रोहित पवार यांची टीका.
शिवसेनेची पहिली यादी जाहीर, सात विद्यमान खासदारांना पुन्हा संधी
शिवसेनेची पहिली यादी जाहीर, सात विद्यमान खासदारांना पुन्हा संधी.
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत.
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास.
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत.
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?.
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?.
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?.
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा.