Lockdown | नरेंद्र मोदींच्या निर्णयाला कॉंग्रेसचे दिग्गज नेते शशी थरुर-चिदंबरम यांचा पाठिंबा

Lockdown | नरेंद्र मोदींच्या निर्णयाला कॉंग्रेसचे दिग्गज नेते शशी थरुर-चिदंबरम यांचा पाठिंबा

लॉकडाऊन वाढवण्याची सक्ती आम्ही समजू शकतो. आम्ही या निर्णयाचे समर्थन करतो' असं ट्वीट माजी केंद्रीय मंत्री पी चिदंबरम यांनी केलं आहे. (Congress Leader Shashi Tharoor P Chidambaram supports Lockdown)

अनिश बेंद्रे

|

Apr 14, 2020 | 12:24 PM

नवी दिल्ली : ‘कोरोना’च्या वाढत्या प्रादुर्भावमुळे पंतप्रधान नरेंद्र मोदी यांनी भारतातील लॉकडाऊन आणखी 19 दिवसांनी वाढवला आहे. नरेंद्र मोदींच्या निर्णयाला कॉंग्रेसचे ज्येष्ठ नेते शशी थरुर आणि पी चिदंबरम यांनी ट्विटरवरुन पाठिंबा दर्शवला आहे. (Congress Leader Shashi Tharoor P Chidambaram supports Lockdown)

‘लॉकडाऊन विस्ताराच्या पंतप्रधान नरेंद्र मोदी यांच्या घोषणेचे मी समर्थन करतो. मात्र जे आपली दैनंदिन निकड भागवू शकत नाहीत, त्यांच्यासाठी मोदींनी दिलासादायक निर्णय जाहीर करायला पाहिजे होते. मनरेगाची देयके, जनधन खाती, राज्यांना जीएसटी थकबाकी आणि मदत दिली असती, तर सोन्याहून पिवळं झालं असतं’ असं ट्वीट कॉंग्रेसचे ज्येष्ठ नेते शशी थरुर यांनी केलं आहे.

‘आम्हीही पंतप्रधानांना नवीन वर्षाच्या शुभेच्छा देतो. लॉकडाऊन वाढवण्याची सक्ती आम्ही समजू शकतो. आम्ही या निर्णयाचे समर्थन करतो’ असं ट्वीट माजी केंद्रीय मंत्री पी चिदंबरम यांनी केलं आहे.

‘गरीबांना 21 + 19 दिवस स्वत:ची काळजी स्वतःच घेण्यासाठी वाऱ्यावर सोडले आहे. पैसा आहे, अन्न आहे, परंतु सरकार पैसे किंवा अन्न देत नाही.’ असं म्हणत चिदंबरम यांनी टीकाही केली आहे.

‘कोरोना’च्या वाढत्या प्रादुर्भावमुळे पंतप्रधान नरेंद्र मोदी यांनी भारतातील लॉकडाऊन आणखी 19 दिवसांनी वाढवला आहे. म्हणजेच 3 मेपर्यंत ‘लॉकडाऊन 2’ चा कालावधी असेल. नरेंद्र मोदी यांनी जाहीर केलेल्या 21 दिवसांच्या लॉकडाऊनचा आज शेवटचा दिवस होता. देशाला संबोधित करताना त्यांनी लॉकडाऊनमध्ये पाळलेल्या संयमाबद्दल देशवासियांचे आभार मानले. (Congress Leader Shashi Tharoor P Chidambaram supports Lockdown)

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें