आसामहून तेलंगणात सोने तस्करी, 24 किलो सोन्याच्या विटा जप्त, कोट्यावधींचं घबाड लपवण्याची शक्कल पाहून पोलीसही अवाक
आसामहून तेलंगणात होणाऱ्या सोने तस्करीवर हैदराबाद महसूल गुप्तचर संचलनालयाने (Directorate of Revenue Intelligence) मोठी कारवाई केलीय.
हैदराबाद : आसामहून तेलंगणात होणाऱ्या सोने तस्करीवर हैदराबाद महसूल गुप्तचर संचलनालयाने (Directorate of Revenue Intelligence) मोठी कारवाई केलीय. या कारवाईत आरोपींकडून परदेशी ब्रँडचे जवळपास 24 किलो सोने जप्त करण्यात आलेत. जप्त करण्यात आलेल्या या सोन्याची बाजारातील किंमत तब्बल 11 कोटी 63 लाख रुपये इतकी आहे. हैदराबादमध्ये ही कारवाई करण्यात आली. यावेळी पोलिसांनी 3 आरोपींना अटक केली आहे (DRI seized 24 kg of gold from Guwahati near Hyderabad 3 accused arrested).
महसूल गुप्तचर संचलनालयाने (DRI) दिलेल्या माहितीनुसार, अटक करण्यात आलेल्या तिन्ही आरोपींना न्यायालयीन कोठडी देण्यात आली आहे. गुप्त माहितीच्या आधारे महसूल गुप्तचर संचलनालयाने हैदराबादमधून जाणाऱ्या विजयवाडा-हैदराबाद महामार्गावर पाळत ठेवली. मंगळवारी महसूल विभागाने पांथंगी टोल नाक्यावर एक एसयूव्ही (SUV) गाडी पकडली. गाडीच्या तपासणीत सुरुवातीला काहीही मिळाले नाही. मात्र, कसून तपासणी केल्यानंतर 24 किलो सोन्याचं 11 कोटी 63 लाखांचं घबाड सापडलं.
Telangana: DRI, Hyderabad Zonal Unit has seized 25 kg smuggled gold worth Rs 11.63 crores from a car at Panthangi Toll Plaza around 55 km away from Hyderabad. Three persons travelling in the car and involved in the smuggling of gold were arrested and remanded to judicial custody pic.twitter.com/tkdgXthjly
— tv9gujarati (@tv9gujarati) March 24, 2021
कोट्यावधींचं घबाड लपवण्यासाठी अनोखी शक्कल, पोलीसही अवाक
सोनं तस्करीसाठी आरोपींनी आपल्या गाडीच्या डॅशबोर्डचा वापर केला होता. गाडीतील एअरबॅग काढल्यानंतर पोलिसांना त्याखाली सोन्याच्या विटा सापडल्या. ही गाडी आसाममधील आहे. गुवाहटीपासून तब्बल 2 हजार 500 किलोमीटर प्रवास करत ही गाडी हैदराबादमध्ये आली होती. यावेळी या गाडीने निवडणुकीचं वातावरण असलेल्या आसाम आणि पश्चिम बंगाल राज्यातून प्रवास केल्याचंही सांगण्यात आलं. प्राथामिक तपासात इतकंच समजलं आहे की हे सोनं हैदराबादमध्ये पोहच करण्याच्या सूचना आरोपींना देण्यात आल्या होत्या. याबाबतची इतर माहिती लवकरच समोर येईल, असा विश्वास महसूल विभागाने व्यक्त केलाय.
हेही वाचा :
चालू आर्थिक वर्षात सोन्याच्या आयातीत 3.3 टक्के घट, व्यापार तूट कमी करण्यास मदत
Bond Yield मध्ये तेजी, या आठवड्यात सोनं 45 हजारांवर, लग्नाआधी किंमतीत वाढ
Gold Price Today : आज पुन्हा घसरल्या सोन्याच्या किंमती, पटापट चेक करा ताजे दर
व्हिडीओ पाहा :
DRI seized 24 kg of gold from Guwahati near Hyderabad 3 accused arrested
