आसामचे माजी मुख्यमंत्री तरुण गोगोई यांची प्रकृती बिघडली, आयसीयूत दाखल

तरुण गोगोई यांच्या प्रकृतीची काळजी घेण्यासाठी रुग्णालय प्रशासनाकडून डॉक्टरांची एक विशेष टीम नियुक्त करण्यात आली आहे (Tarun Gogoi oxygen level drops).

आसामचे माजी मुख्यमंत्री तरुण गोगोई यांची प्रकृती बिघडली, आयसीयूत दाखल

गुवाहाटी : आसामचे माजी मुख्यमंत्री आणि काँग्रेसचे ज्येष्ठ नेते तरुण गोगोई यांच्यावर गेल्या काही दिवसांपासून गुवाहाटी रुग्णालयात उपचार सुरु आहेत. मात्र, त्यांची प्रकृती गुरुवारी (24 सप्टेंबर) अचानक जास्त बिघडली. त्यांच्या शरीरातील ऑक्सिजनची पातळी खालावली. त्यामुळे त्यांना तातडीने आयसीयूमध्ये दाखल करण्यात आलं (Tarun Gogoi oxygen level drops).

तरुण गोगोई यांना 26 ऑगस्ट रोजी गुवाहाटी रुग्णालयात दाखल करण्यात आलं होतं. त्यांच्या कोरोना चाचणीचा अहवाल पॉझिटिव्ह आला होता. त्यानंतर उपचारानंतर काही दिवसांनी त्यांचा कोरोना चाचणीचा अहवाल निगेटिव्ह आला. त्यानंतरही गुवाहाटीच्या सरकारी रुग्णालयात त्यांच्यावर उपचार सुरु आहेत (Tarun Gogoi oxygen level drops).

तरुण गोगोई यांच्या प्रकृतीची काळजी घेण्यासाठी रुग्णालय प्रशासनाकडून डॉक्टरांची एक विशेष टीम नियुक्त करण्यात आली आहे. या टीमच्या निगराणीखाली गोगोई यांच्यावर उपचार सुरु आहेत. दरम्यान, काँग्रेस कमिटीचे अध्यक्ष रिपुन बोरा यांनी गुवाहाटी रुग्णालयात जाऊन गोगोई यांच्या प्रकृतीची विचारपूस केली.

तरुण गोगोई आसाम राज्याचे 2001 ते 2016 असे सलग 16 वर्ष मुख्यमंत्री राहिले आहेत. त्यांना 26 ऑगस्ट रोजी कोरोनाची लागण झाल्याची माहिती समोर आली होती. त्यानंतर 31 ऑगस्ट रोजी त्यांच्या शरीरातील ऑक्सिनची पातळी घसरली होती. त्यानंतर ऑक्सिजनची पातळी सुधारली होती. गेल्या आठवड्यात त्यांच्या कोरोना चाचणीचा अहवाल निगेटिव्ह आला होता.

हेही वाचा : प्रसिद्ध गायक बालासुब्रमण्यम यांची प्रकृती चिंताजनक

कमेंट करा

कमेंट करा

Your email address will not be published. Required fields are marked *