Mohan Bhagwat : संघाने आधी सोशल मीडियावरील डीपी बदलला; आता प्रत्येक घरावर तिरंगा फडकवण्याचे सरसंघचालकांकडून आवाहन
RSS आरएसएसने आपल्या प्रत्येक सोशल मीडिया अकाऊंटचा डीपी बदलून त्याजागी तिरंगा लावला आहे. एवढेच नव्हे तर प्रत्येक घरावर तिरंगा फडकवा असा संदेश सरसंघचालक मोहन भागवत यांनी दिला आहे.
नवी दिल्ली : देशाला स्वातंत्र्य मिळून 75 वर्ष पूर्ण झाले आहेत. देशाचा स्वातंत्र्यदिन (independence day) अवघ्या दोन दिवसांवर आला आहे. देशभरात स्वातंत्र्याच्या अमृत महोत्सवाचा उत्साह दिसून येत आहे. स्वातंत्र्याच्या अमृत महोत्सवानिमित्त भाजपाच्या वतीने ‘हर घर तिरंगा’ (Har Ghar Triranga) अभियान देशपातळीवर राबवले जात आहे. या अभियानाला देशभरातून मोठा प्रतिसाद मिळत आहे. पंतप्रधान मोदींसह (pm modi) भाजपाच्या जवळपास सर्वच नेत्यांनी तसेच विरोधकांनी देखील आपल्या सोशल मीडिया अकाऊंटचा डीपी बदलून तिरंगा ठेवला आहे. त्याचप्रमाणे देशातील कोट्यवधी नागरिकांनी देखील पंतप्रधान नरेंद्र मोदी यांच्या आवाहनाला प्रतिसाद देत आपल्या सोशल मीडिया अकाऊंटचा डीपी बदलला आहे. मात्र दुसरीकडे राष्ट्रीय स्वयंसेवक संघाच्या सर्व सोशल मीडिया अकाऊंटवर भगवा ध्वजच ठेवण्यात आला होता.यावरून विरोधकांनी संघावर जोरदार टीका केली. त्यानंतर आता आरएसएसने आपल्या सर्व सोशल मीडिया अकाउंटचा डीपी बदलून तिरंगा ठेवला आहे. एवढेच नव्हे तर राष्ट्रीय स्वयंसेवक संघाचे सरसंघचालक मोहन भागवत यांनी प्रत्येक घरावर तिरंगा फडकवण्याचे आवाहन केले आहे.
मोहन भागवत यांचा संदेश
राष्ट्रीय स्वयंसेवक संघाच्या ट्विटर अकाऊंटवरून एक ट्विट करण्यात आले आहे. या ट्विटच्या माध्यमातून एक व्हिडीओ पोस्ट करण्यात आला आहे. या व्हिडीओमध्ये मोहन भागवत हे झेंडावंदन करतान दिसत आहेत.’स्वाधीनता का अमृत महोत्सव मनाएँ. हर घर तिरंगा फहराएँ.राष्ट्रीय स्वाभिमान जगाएँ’. असं कॅप्शन या व्हिडीओला देण्यात आले आहे. स्वातंत्र्याच्या अमृत महोत्सव उत्साहात साजरा करूया, प्रत्येक घरावर तिरंगा फडकवून राष्ट्रीय स्वाभिमान जागृत करू अशा अशयाचं ट्विट आरएसएसच्या ट्विटर अकाऊंटवरून करण्यात आले आहे. एवढेच नव्हे तर आरएसएसच्या प्रत्येक सोशल मीडिया अकाऊंटचा डीपी बदलून त्या ठिकाणी तिंरगा लावण्यात आला आहे.
स्वाधीनता का अमृत महोत्सव मनाएँ. हर घर तिरंगा फहराएँ. राष्ट्रीय स्वाभिमान जगाएँ. pic.twitter.com/li2by2b0dK
— RSS (@RSSorg) August 13, 2022
विरोधकांची टीका
स्वातंत्र्याच्या अमृत महोत्सवानिमित्त भाजपा आणि पंतप्रधान नरेंद्र मोदी यांच्या वतीने देशपातळीवर ‘हर घर तिरंगा’ अभियान राबवण्यात आले आहे. मात्र भाजपाच्या वतीने हे अभियान राबवून देखील राष्ट्रीय स्वयंसेवक संघाच्या सर्व सोशल मीडिया अकाऊंटवर भगवा ध्वजच ठेवण्यात आला होता.यावरून विरोधकांनी संघावर जोरदार टीका केली होती. आता आपल्या सोशल मीडिया अकाऊंटच्या प्रोफाईलचा फोटो बदलून संघाने विरोधकांना उत्तर दिल्याचे बोलले जात आहे.एवढंच नव्हे तर प्रत्येक घरावर तिरंगा फडकवून राष्ट्रीय स्वाभिमान जागृत करण्याचा संदेश मोहन भागवत यांनी दिला आहे.
