ऑनलाईन रेल्वे तिकिटाची वैधता किती काळासाठी असते? जाणून घ्या

ऑनलाइन रेल्वे तिकिटाची वैधता प्रवासाच्या प्रकारानुसार ठरते. तिकिटावर दिलेल्या तपशीलांनुसार वैधतेची मुदत वेगवेगळी असू शकते. प्रवाशांनी प्रवासाआधी ही माहिती काळजीपूर्वक वाचून समजून घ्यावी, जेणेकरून गैरसमज किंवा अडचणी टाळता येतील.

स्नेहल. चं. मेंगळ | Edited By: Atul Kamble | Updated on: Jun 03, 2025 | 7:53 PM

ट्रेनने प्रवास करताना जनरल तिकीट घेणं आता सोपं झालंय, कारण तुम्ही UTS एपवरून ऑनलाइन तिकीट बुक करू शकता. पण तुम्हाला माहीत आहे का, हे तिकीट किती वेळात अवैध होतं? जर तुम्ही वेळेत प्रवास केला नाही, तर काय होऊ शकतं? चला, या सगळ्याची सविस्तर माहिती घेऊया आणि जाणून घेऊया ऑनलाईन जनरल तिकीट बुक करताना कोणती काळजी घ्यावी!

जनरल तिकीट किती वेळ वैध?

UTS अ‍ॅपवरून तिकीट बुक केल्यावर ते बुकिंगच्या वेळेपासून केवळ 3 तासांपर्यंत वैध असतं. या कालावधीतच प्रवास सुरू करणं अनिवार्य आहे. जर या तीन तासांच्या आत प्रवास सुरू केला नाही, तर तिकीट कालबाह्य ठरतं आणि प्रवासी बिनतिकीट समजला जातो.

रेल्वेच्या नियमानुसार, जर एखादा प्रवासी वैध तिकीट नसताना पकडला गेला, तर त्याच्याकडून 250 रुपयांचा दंड वसूल केला जातो, तसेच सुरुवातीच्या स्थानकापासून गंतव्य स्थानकापर्यंतचं भाडंही आकारलं जातं. त्यामुळे UTS अ‍ॅपवरून तिकीट बुक करताना वेळेचं भान ठेवणं अत्यंत आवश्यक आहे.