पाकिस्तानशी बोलणी झालीच, तर फक्त पाकव्याप्त काश्मीरच्या मुद्द्यावर : राजनाथ सिंह

कालका (हरियाणा) : पाकिस्तान (Pakistan) दहशतवादाला खतपाणी घालणं थांबवत नाही, तोपर्यंत त्यांच्याशी कोणतीही बोलणी होणार नाही. आता चर्चा व्हायची असेल, तर ती फक्त आणि फक्त पाकव्याप्त काश्मीर (PoK) या एकाच विषयावर होईल, अशा शब्दात संरक्षण मंत्री राजनाथ सिंह (Rajnath Singh) यांनी पाकिस्तानला दरडावलं आहे.

हरियाणा विधानसभा निवडणुकांच्या तोंडावर काल्कामध्ये भाजपच्या जन आशीर्वाद यात्रेचं आयोजन करण्यात आलं आहे, त्यावेळी राजनाथ सिंह बोलत होते.

‘कलम 370 (Article 370) आणि 35 ए (Article 35A) हटवल्यानंतर आमचा एक शेजारी बिथरला आहे. जगभरातील सर्व देशांचे दरवाजे तो ठोठावत आहे. पाकिस्तानसोबत चर्चा व्हावी, असं काही जणांचं मत आहे. मात्र जोपर्यंत पाकिस्तान दहशतवादाला थारा देणं थांबवत नाही, तोपर्यंत कोणत्याही स्वरुपाची चर्चा होऊ शकत नाही’ असं राजनाथ सिंह यांनी ठणकावून सांगितलं.

धारा 370 और 35A हटने से हमारा एक पड़ोसी बौखला गया है और दुनिया के तमाम देशों का दरवाजा खटखटा रहा है।

कुछ लोग यह मानते और कहते है कि पाकिस्तान से बात होनी चाहिए मगर जब तक पाकिस्तान आतंकवाद को समर्थन देना बंद नहीं करता कोई बात नहीं होगी।अगर पाकिस्तान से बात भी होगी तो POK पर होगी।

— Rajnath Singh (@rajnathsingh) August 18, 2019

‘भाजप केवळ सरकार बनवण्यासाठी नाही, तर देश बनवण्यासाठी राजकारण करत आहे. मोदींच्या नेतृत्वात कलम 370 आणि 35 ए हटवल्यानंतर जम्मू काश्मीर आणि लडाखच्या विकासासाठी, तसंच स्थानिक युवकांच्या भविष्याचा विचार करता त्यांना मुख्य प्रवाहात आणण्यात येत आहे’ असं राजनाथ यांनी ट्विटरवर लिहिलं आहे.

भारतीय जनता पार्टी केवल सरकार बनाने के लिए नहीं बल्कि देश बनाने के लिए राजनीति करती है।

मोदीजी के नेतृत्व में धारा 370 और 35A को खत्म कर जम्मू-कश्मीर और लद्दाख के विकास और वहां के युवाओं के भविष्य को ध्यान में रखते हुए उन्हें विकास की मुख्यधारा में शामिल किया गया है।

— Rajnath Singh (@rajnathsingh) August 18, 2019

‘भारत बालाकोटपेक्षाही मोठा हल्ला करण्याच्या तयारीत असल्याचं पाकिस्तानचे पंतप्रधान काही दिवसांपूर्वी म्हणाले होते. याचा अर्थ भारताने बालाकोटमध्ये हल्ला केला होता, हे पाकिस्तानला मान्य आहे’ असं म्हणत राजनाथ यांनी बालाकोट एअरस्ट्राईकचा उल्लेख केला.