Swami Prasad Maurya : उत्तर प्रदेशात तणाव; सपाचे उमेदवार स्वामी प्रसाद मौर्य यांच्या कारवर दगडफेक
स्वामी प्रसाद मौर्य हे उत्तर प्रदेशमधील योगी आदित्यनाथ यांच्या नेतृत्वाखालील भाजपच्या सरकारमध्ये कॅबिनेट मंत्री होते. राज्यातील विधानसभा निवडणूक सुरू होण्याआधी त्यांनी भाजपला रामराम ठोकून समाजवादी पार्टीमध्ये प्रवेश केला होता. त्याच रागातून भाजपकडून हा हल्ला करण्यात आला असावा, असा आरोप मौर्य यांनी केला आहे.
लखनौ : उत्तर प्रदेशमध्ये विधानसभा निवडणुकीचे राजकारण दिवसेंदिवस चांगलेच तापत आहे. मंगळवारी कुशीनगर जिल्ह्यात प्रचार करणारे माजी केंद्रीय मंत्री आणि समाजवादी पक्षाचे नेते स्वामी प्रसाद मौर्य (Swami Prasad Maurya) यांच्या ताफ्यावर दगडफेक (Stone throwing) करण्यात आली. या दगडफेकीत मौर्य यांच्या कारच्या खिडक्यांच्या काचा फुटल्या. हा हल्ला भाजपने घडवून आणल्याचा आरोप स्वामी प्रसाद मौर्य यांनी केला आहे. या घटनेमुळे कुशीनगर जिल्ह्यात तणावाचे वातावरण निर्माण झाले असून भाजप विरुद्ध समाजवादी पार्टी यांच्यातील संघर्ष आणखी शिगेला पोहोचला आहे. (In Uttar Pradesh, SP candidate Swami Prasad Maurya’s car was stoned)
निवडणुकीआधी स्वामी प्रसाद मौर्य यांनी दिला होता भाजपचा राजीनामा
स्वामी प्रसाद मौर्य हे उत्तर प्रदेशमधील योगी आदित्यनाथ यांच्या नेतृत्वाखालील भाजपच्या सरकारमध्ये कॅबिनेट मंत्री होते. राज्यातील विधानसभा निवडणूक सुरू होण्याआधी त्यांनी भाजपला रामराम ठोकून समाजवादी पार्टीमध्ये प्रवेश केला होता. त्याच रागातून भाजपकडून हा हल्ला करण्यात आला असावा, असा आरोप मौर्य यांनी केला आहे. त्यांनी भाजप कार्यकर्त्यांवर हल्ल्याचा आरोप केला आहे. दगडफेकीमुळे अनेक वाहनांच्या खिडक्यांच्या काचा फुटल्याचे मौर्य यांनी सांगितले. स्वामी प्रसाद मौर्य त्यांच्या समर्थकांच्या प्रचारासाठी जात असताना खलवा पट्टी गावात ही दगडफेकीची घटना घडली.
समाजवादी पार्टीच्या कार्यकर्त्यांनी केला रास्ता रोको
या घटनेवर समाजवादी पार्टीमधून तीव्र संताप व्यक्त केला आहे. दगडफेकीच्या निषेधार्थ स्वामी प्रसाद मौर्य यांच्या समर्थकांनी रास्ता रोको केला. यादरम्यान सपा उमेदवार स्वामी प्रसाद यांच्याशिवाय त्यांची मुलगी आणि भाजप खासदार संघमित्रा मौर्यही घटनास्थळी पोहोचले. भाजप खासदार संघमित्रा मौर्य यांनी त्यांच्याच पक्षाच्या (भाजप) कार्यकर्त्यांवर हल्ल्याचा आरोप केला आहे. स्वामी प्रसाद हे कुशीनगरच्या फाजिलनगर मतदारसंघातून समाजवादी पक्षाचे उमेदवार म्हणून रिंगणात उतरले आहेत.
उत्तर प्रदेशमध्ये एकूण सात टप्प्यांत विधानसभेसाठी मतदान होत असून 10 मार्चला या निवडणुकीचा निकाल जाहीर होणार आहे. यावेळी निवडणुकीच्या रिंगणात सत्ताधारी भाजपशिवाय समाजवादी पक्ष, काँग्रेस, बहुजन समाज पक्ष, आम आदमी पक्षही रिंगणात उतरला आहे. अनेक पक्ष रिंगणात उतरले असले तरी मुख्य लढत भाजप आणि समाजवादी पक्ष यांच्यातच होण्याची शक्यता आहे. (In Uttar Pradesh, SP candidate Swami Prasad Maurya’s car was stoned)
इतर बातम्या
Latur Crime : लातूरमध्ये डॉक्टर आणि ट्रॅफिक पोलिसांमध्ये हाणामारी, सिग्नलवरुन झाला वाद
