उत्तराखंडमध्ये मुख्यमंत्री बदलाच्या हालचाली, त्रिवेंद्र सिंह रावतांच्या जागी कुणाला संधी ?
भाजपच्या कोअर ग्रुपच्या बैठकीत नेतृत्वबदलाबाबत चर्चा झाली नसल्याचं सांगितलं जात असलं तरी उत्तराखंडमध्ये मुख्यमंत्री त्रिवेंद्र सिंह रावत यांच्या जागी नवा चेहरा दिला जाण्याची शक्यता वर्तवली जात आहे.
नवी दिल्ली : उत्तराखंडच्या राजकारणात मोठ्या हालचाली पाहायला मिळत आहेत. रोज नव्या घडामोडी घडत असल्यामुळे राज्य सरकारच्या स्थिरतेबाबत अनेक प्रश्न उपस्थित केले जात आहेत. अशावेळी सोमवारी अचानक भाजपच्या कोअर ग्रुपची बैठक पार पडली. त्यामुळे अनेक शक्यतांना आता तोंड फुटलं आहे. या बैठकीत केंद्रीय पर्यवेक्षकाच्या रुपात पक्षाचे उपाध्यक्ष आणि उत्तराखंडचे प्रभारी दुष्यंत गौतम उपस्थित होते. दरम्यान, या बैठकीत नेतृत्व बदलाच्या विषयावर कुठलीही चर्चा झाली नसल्याचं सांगितलं जात आहे.(Trivendra Singh Rawat is likely to be removed from the post of Chief Minister)
भाजपच्या कोअर ग्रुपच्या बैठकीत नेतृत्वबदलाबाबत चर्चा झाली नसल्याचं सांगितलं जात असलं तरी उत्तराखंडमध्ये मुख्यमंत्री त्रिवेंद्र सिंह रावत यांच्या जागी नवा चेहरा दिला जाण्याची शक्यता वर्तवली जात आहे. अशास्थितीत मंगळवारी सकाळीच त्रिवेंद्र सिंह रावत दिल्लीसाठी रवाना झाले आहेत. दिल्ली दौऱ्यात ते पक्षाचे अध्यक्ष जे. पी. नड्डा यांच्याशी चर्चा करण्याची शक्यता वर्तवण्यात येत आहे.
Uttarakhand Chief Minister Trivendra Singh Rawat leaves from Dehradun for New Delhi.
“He will meet Central BJP leaders in Delhi,” according to the chief minister’s office.
(file photo) pic.twitter.com/3Vj1jmbFKZ
— ANI (@ANI) March 8, 2021
त्रिवेंद्र सिंहांनाही बैठकीची कल्पना नाही!
उत्तराखंड कोअर कमिटीची झालेली बैठक ही पूर्व नियोजित नव्हती. अशावेळी अचानकपणे झालेली ही बैठक राज्यातील राजकारण तापवणारी ठरली आहे. भाजपची ही बैठक राजधानी गॅरसॅन इथं पार पडली. मुख्यमंत्री रावत यांनाही या बैठकीबाबत कल्पना नव्हती, असं सांगण्यात येत आहे.
त्रिवेंद्र सिंह रावतांच्या जागी कुणाला संधी ?
सूत्रांनी दिलेल्या माहितीनुसार उत्तराखंडमध्ये नेतृत्व बदलाच्या वेगवान हालचाली घडत आहेत. अशावेळी रावत यांच्या जागी धन सिंह रावत किंवा सतपाल महाराज यांच्या नावाची चर्चा सुरु असल्याचं कळतंय. या दोन नावांबाबत सर्व आमदारांच्या सहमतीवर काम सुरु आहे. जर या दोन्ही नावांवर एकमत झालं नाही तर केद्र सरकारकडून नैनीतालचे लोकसभा खासदार अजय भट्ट आणि राज्यसभा खासदार अनिल बलूनी यांचं नाव पुढे केलं जाण्याचीही शक्यता वर्तवली जात आहे.
इतर बातम्या :
आरक्षणाची मर्यादा 50 टक्क्यांपेक्षा वाढवता येईल का?; मराठा आरक्षणप्रश्नी सर्व राज्यांना नोटीस
‘या’ कारणामुळे नव्या कार खरेदीवर मिळणार 5 टक्के डिस्काऊंट; नितीन गडकरींची मोठी घोषणा
Trivendra Singh Rawat is likely to be removed from the post of Chief Minister
