चीनला शह देत भारताची फिलिपीन्सशी जवळीक, संबंध सुधारण्यासाठी रडार सिस्टमचीही ऑफर

भारताने चीनसोबतच्या तणावपूर्ण संबंधांनंतर नवी रणनीती आखली आहे. यानुसार चीनला शह देण्यासाठी आता आपल्या इतर राष्ट्रांशी जवळीक करण्यास सुरुवात केली आहे.

  • टीव्ही 9 मराठी डिजीटल टीम
  • Published On - 22:40 PM, 9 Nov 2020

नवी दिल्ली : भारताने चीनसोबतच्या तणावपूर्ण संबंधांनंतर नवी रणनीती आखली आहे. यानुसार चीनला शह देण्यासाठी आता आपल्या इतर राष्ट्रांशी जवळीक करण्यास सुरुवात केली आहे. यानुसारच भारताने चीनच्या जवळ जाणाऱ्या फिलिपीन्ससोबत संबंध सुधारण्यास सुरुवात केली आहे. त्यासाठी भारताने फिलिपीन्सला समुद्र सुरक्षेसाठी आणि देखरेखीसाठी आवश्यक असलेल्या रडार सिस्टमची ऑफर दिली आहे. नुकताच फिलिपीन्सने दक्षिण चीन महासागरात ऑईल एक्सप्लोरेशनवरील बंदी हटवली आहे. त्यामुळे येथे चीनचा शिरकाव होण्याची शक्यता आहे. याच पार्श्वभूमीवर भारताने हालचाली करण्यास सुरुवात केल्याचं बोललं जात आहे (India increasing ties with philippines standoff with China offers to provide radar system).

फिलिपीन्सने दक्षिण चीन महासागरातील खनिजतेल शोधमोहिमेवरील बंदी हटवल्याने या ठिकाणी चीनच्या शिरकावाचे रस्ते खुले झाले आहेत. त्याला शह देण्यासाठी भारताने फिलिपीन्सला समुद्री डोमेन जागरुकता (एमडीए) कार्यक्रमांतर्गत समुद्रातील देखरेख करण्यास आवश्यक रडार सिस्टम देण्याची तयारी दर्शवली आहे. शुक्रवारी (6 नोव्हेंबर) भारत आणि फिलिपीन्सच्या परराष्ट्र मंत्र्यांमध्ये एक व्हर्च्युअल बैठकही झाली. यात भारताचे परराष्ट्र मंत्री एस. जयशंकर आणि तियोदोरो लोक्सिन ज्युनिअर यांनी एका संयुक्त आयोगाची पुन्हा सुरुवात केली. या आयोगाची 5 वर्षांपूर्वी बैठक झाली होती.

भारताच्या परराष्ट्र मंत्रालयाने म्हटलं, “दोन्ही देशांनी संरक्षण आणि समुद्र सहकार्याला अधिक मजबूत करण्यावर सहमती दर्शवली आहे. विशेषपणे सैन्य प्रशिक्षण आणि शिक्षण, कौशल्यविकास, नियमित सद्भावना यात्रा आणि संरक्षण उपकरणांची खरेदीवर भर दिला जाणार आहे. याशिवाय संबंधित संस्थांमध्ये माहितीची देवाणघेवाण आणि विशेष प्रशिक्षणासह दहशतवादविरोधी क्षेत्रातही सहकार्य वाढवलं जाण्यावर सहमती झाली.”

चीन आणि फिलिपीन्स जवळ येण्याची शक्यता

ऑक्टोबरमध्ये फिलिपीन्सचे अध्यक्ष रोड्रिगो दुतेर्ते यांच्या सरकारने दक्षिण चीन सागरमध्ये खनिजतेल मोहिमेवरील बंदी हटवली आहे. त्यामुळे चीनच्या खनिजतेल शोधणाऱ्या कंपन्यांचा फिलिपीन्समध्ये शिरकाव करण्याचा मार्ग खुला झालाय.

हेही वाचा :

भारत चीनची आर्थिक नाकेबंदी करणार, चिनी कंपन्यांना रोखण्यासाठी नवा प्लॅन

भारत चीन सीमेवरील तणाव, शरद पवारांची माजी हवाईदल प्रमुख आणि माजी परराष्ट्र सचिवांशी चर्चा

भारत चीनमधील वाढता तणाव, अमेरिकेचे दोन मंत्री भारत दौऱ्यावर

India increasing ties with philippines standoff with China offers to provide radar system