तर अवघ्या एका मिनिटात 161 प्रेतांचा खच पडला असता… विमानाचं एमर्जन्सी लँडिंग; एअरपोर्टवर नेमकं काय घडलं?
पुन्हा एकदा विमान अपघात होता होता वाचला आहे. 161 प्रवासी असलेल्या विमानाच्या इंजिनमध्ये अचानक बिघाड होण्याची शक्यता निर्माण झाली होती.
गेल्या काही दिवसांपासून विमान अपघाताचे प्रमाण वाढले आहे. सतत विमानात बिघाड होणे, एमर्जन्सी लँडिग अशा अनेक गोष्टी आपण ऐकत असतो. शनिवारी सकाळी देखील अशीच एक धक्कादायक घटना कानावर आली आहे. एका विमानाचे एमर्जन्सी लँडिग करण्यात आले. वैमानिकाच्या कुशलतेमुळे 161 प्रवाशांचा जीव थोडक्यात वाचला आहे. आता नेमकं काय घडलं? जाणून घ्या…
नेमकं काय घडलं?
शनिवारी सकाळी दिल्लीच्या इंदिरा गांधी आंतरराष्ट्रीय (IGI) विमानतळावर एका इंडिगो विमानात इंजिन फेल होण्याची शंक्यता निर्माण झाली. त्यामुळे विमानाचे फुल इमरजेंसी लँडिग करण्यात आले होते. मात्र, वैमानिकाच्या कुशलतेमुळे आणि विमानतळ प्रशासनाच्या तत्परतेमुळे मोठा अपघात टळला. विशाखापट्टणमहून दिल्लीकडे येत असलेल्या इंडिगो फ्लाइट ६E ५७९ मध्ये तांत्रिक बिघाड झाल्याची माहिती मिळताच सकाळी १०:३९ वाजता रनवे २८ वर फुल इमरजेंसी घोषित करण्यात आली. विमानात एकूण १६० ते १६१ प्रवासी सवार होते.
सुरक्षित लँडिंग
विमानाने सकाळी सुमारे १०:५४ ते १०:५९ दरम्यान रनवे २८ वर सुरक्षित लँडिंग केले. लँडिंगच्या वेळी रनवेवर अग्निशमन वाहने आणि अँम्बुलन्स तैनात करण्यात आल्या होत्या. सर्व प्रवाशांना विमानातून सुरक्षित बाहेर काढण्यात आले. त्यांची तपासणी केल्यानंतर त्यांना पुढील प्रवासासाठी रवाना करण्यात आले. या घटनेत कोणतीही जीवितहानी झाली नाही. प्रारंभिक माहितीनुसार, विमान मिड-एअरमध्ये इंजिन फेल होण्यासारखी स्थिती निर्माण झाली होती. दिल्ली पोलिस आणि विमानतळ अधिकाऱ्यांनी तातडीने आपत्कालीन प्रोटोकॉल सक्रिय केले. इंडिगो कंपनीची तांत्रिक टीम सध्या विमानाची सखोल तपासणी करत आहे.
ही घटना अलीकडेच संसदेच्या स्थायी समितीच्या अहवालानंतर समोर आली आहे. त्या अहवालात भारतीय विमानांच्या तांत्रिक देखभालीबाबत गंभीर चिंता व्यक्त करण्यात आली होती. अहवालानुसार, तपासलेल्या अनेक विमानांमध्ये सातत्याने तांत्रिक दोष आढळले होते. सर्व प्रवासी आणि क्रू मेंबर्स सुरक्षित असल्याचे सांगण्यात आले आहे. इंडिगो कंपनी या बिघाडाच्या नेमक्या कारणांचा तपास करत आहे.
