लोकसभा अध्यक्ष ओम बिर्ला कोरोना पॉझिटिव्ह, एम्स रुग्णालयात दाखल

नवी दिल्ली : देशात कोरोनाचा प्रादुर्भाव पुन्हा एकदा मोठ्या प्रमाणात वाढत आहे. कोरोना रुग्णांची संख्याही मोठ्या प्रमाणात वाढतेय. लोकसभा अध्यक्ष ओम बिर्ला यांनाही कोरोनाची लागण झाली आहे. लोकसभेच्या मीडिया सेलने ओम बिर्ला यांना कोरोनाची लागण झाल्याची माहिती दिली आहे. गेल्या काही दिवसांत आपल्या संपर्कात आलेल्या लोकांनी कोरोना चाचणी करुन घेण्याचं आवाहन त्यांनी केलं आहे. दरम्यान, कोरोना पॉझिटिव्ह आल्यानंतर ओम बिर्ला यांनी दिल्लीतील एम्स रुग्णालयात दाखल करण्यात आलं आहे.(Lok Sabha Speaker Om Birla Corona Positive, started treatment at AIIMS Hospital in Delhi)

मिळालेल्या माहितीनुसार, लोकसभा अध्यक्ष ओम बिर्ला यांच्या प्रकृती गेल्या काही दिवसांपासून बरी नव्हती. त्यामुळे त्यांची कोरोना चाचणी करण्यात आली. या चाचणीचा अहवाल आल्यानंतर बिर्ला यांना कोरोनाची लागण झाल्याचं स्पष्ट झालं. कोरोना चाचणीचा अहवाल आल्यानंतर त्यांना 20 मार्च रोजी एम्स रुग्णालयात उपचारासाठी दाखल करण्यात आलं आहे. त्यांची प्रकृती स्थिर असल्याची माहिती देण्यात आली आहे.

Lok Sabha Speaker Om Birla tested positive for COVID19 on March 19. He was admitted to AIIMS COVID Centre for observation on March 20. He is stable: AIIMS, Delhi pic.twitter.com/nhook5tr83

— ANI (@ANI) March 21, 2021

भारतातील कोरोनाची स्थिती

भारतात गेल्या 24 तासात 43 हजार 846 नवे कोरोना रुग्ण आढळून आले आहेत. 2021 मध्ये एका दिवसात आढळून आलेल्या रुग्णांचा हा सर्वाधिक आकडा आहे. केंद्रीय आरोग्य मंत्रालयाने दिलेल्या माहितीनुसार, नव्या रुग्णांसह देशातील कोरोना रुग्णांची संख्या 1 कोटी 15 लाख 99 हजार 130 वर पोहोचली आहे. तर देशात सध्या 3 लाख 9 हजार 87 अॅक्टिव्ह रुग्णांवर उपचार सुरु आहेत.

महाराष्ट्राचे पर्यावरण मंत्री आदित्य ठाकरे कोरोना पॉझिटिव्ह

राज्याचे पर्यावरण मंत्री आदित्य ठाकरे यांना कोरोनाची लागण झाली आहे. आदित्य यांनी स्वत: ट्विटरवर याबाबत माहिती दिली आहे. राज्यात पुन्हा कोरोनाने डोकं वर काढलं आहे. संपूर्ण महाराष्ट्रात कोरोना फोफावत आहे. आता तर हा कोरोना थेट मुख्यमंत्र्यांच्या कुटुंबात शिरला आहे. मुख्यमंत्री उद्धव ठाकरे यांचे पुत्र आदित्य ठाकरे यांना कोरोनाची लागण झाल्याने चिंता वाढली आहे.

आदित्य ठाकरे नेमकं काय म्हणाले?

“माझी कोविड चाचणी पॉझिटिव्ह आली आहे. माझ्या संपर्कात आलेल्या सर्वांनी काळजी घ्यावी आणि चाचणी करून घ्यावी. माझी सर्वांना विनंती आहे की कायम मास्क घाला आणि आपली व आपल्या परिवाराची काळजी घ्या”, असं आदित्य ठाकरे म्हणाले आहेत.

माझी कोविड चाचणी पॉझिटिव्ह आली आहे. माझ्या संपर्कात आलेल्या सर्वांनी काळजी घ्यावी व चाचणी करून घ्यावी. माझी सर्वांना विनंती आहे की कायम मास्क घाला आणि आपली व आपल्या परिवाराची काळजी घ्या.

— Aaditya Thackeray (@AUThackeray) March 20, 2021

संबंधित बातम्या :

IPS अधिकाऱ्यांनाही प्रश्न पडला, कोव्हिशिल्ड की कोवॅक्सीन, कोणती लस चांगली?

Corona Update : भारतातील 8 राज्यांनी चिंता वाढवली, महाराष्ट्रासह कोणत्या राज्यांचा समावेश?

Lok Sabha Speaker Om Birla Corona Positive, started treatment at AIIMS Hospital in Delhi