दिल्लीच्या अक्षरधाम मंदिरात विश्वशांतीसाठी महायज्ञ, वसुधैव कुटुंबकम या भावनेला उजाळा
विजयादशमीला आयोजित केलेल्या या महायज्ञाला एका मोठ्या उत्सवाचे वैभव प्राप्त झाले होते. यज्ञासाठी 111 यज्ञ तयार करण्यात आले. यासाठी वेगवेगळे यजमानही बसले होते. महायज्ञासाठी सकाळपासूनच लोक मंदिरात पोहोचू लागले होते.
नवी दिल्ली : राजधानी दिल्लीतीव जगप्रसिद्ध अक्षरधाम मंदिराच्या प्रांगणात विशाल विश्वशांती यज्ञ संपन्न झाला. या विश्वशांती यज्ञात 111 यज्ञकुंडांवर सुमारे 1400 धार्मिक भक्त यज्ञमान म्हणून उपस्थित होते. याशिवाय या उत्सवात भाविक समाजही मोठ्या संख्येने उपस्थित होते. मंदिर व्यवस्थापनाने जारी केलेल्या प्रसिद्धीपत्रकात असे सांगण्यात आले आहे की, दिल्लीतील स्वामीनारायण अक्षरधाम हे जगप्रसिद्ध मंदिर आहे, जे 2005 मध्ये प्रमुख स्वामी महाराजांनी बांधले होते. गिनीज वर्ल्ड रेकॉर्डमध्ये, हे संपूर्ण जगातील सर्वात विस्तृत हिंदू मंदिर म्हणून गणले गेले आहे. अध्यात्मिक वैभवाव्यतिरिक्त, हे ठिकाण त्याच्या वास्तुकला, चित्रकला, शिल्पकला, अत्याधुनिक तंत्रज्ञान, भारतीय संस्कृतीचे उत्कृष्ट सादरीकरण आणि रंगीत जलीय प्रदर्शनासाठी प्रसिद्ध आहे.
अक्षरधाम मंदिराच्या अनेक अध्यात्मिक कार्यक्रमांच्या शृंखलेत मंगळवारी भव्य ‘विश्वशांती महायज्ञ’चे आयोजन करण्यात आले होते. मंदिराचे संत भक्तवत्सल स्वामी म्हणाले की, उपनिषदानुसार यज्ञ ही एक विशेष भक्ती प्रक्रिया आहे जी समर्पणाचे प्रतीक आहे. मंत्रांसह यज्ञाच्या अग्नीत अर्पण केलेली वस्तू इतर देवतांपर्यंत पोहोचते.
1400 भाविकांसाठी 111 यज्ञकुंड
विजयादशमीला आयोजित केलेल्या या महायज्ञाला एका मोठ्या उत्सवाचे वैभव प्राप्त झाले होते. सर्वजण पहाटे ५ वाजता यज्ञस्थळी पोहोचले. 1400 धार्मिक भक्तांसाठी, 111 यज्ञकुंड स्वस्तिकाच्या आकारात बांधले गेले होते. भारताच्या ‘वसुधैव कुटुंबकम’ या भावनेला उजाळा देणाऱ्या या महायज्ञाची सांगता संपूर्ण जगात अखंड शांततेच्या प्रार्थनेने झाली.
