Nepal Flood: नेपाळमध्ये निसर्ग कोपला, महाराष्ट्रातील नागरिकांसाठी हेल्पलाईन नंबर जाहीर, ही माहिती तयार ठेवा
Nepal Flash Flood: नेपाळमध्ये महापूराने होत्याचे नव्हते केले. भारतातून गेलेले भाविक आणि पर्यटक नेपाळमध्ये अडकलेले आहेत. महाराष्ट्रातील नागरिकांसाठी टोल फ्री क्रमांक जाहीर करण्यात आले आहे. मंत्रालयात 24 तास हा कक्ष सुरू आहे. त्यासाठी हेल्पलाईन क्रमांक जाहीर करण्यात आला आहे.
नेपाळमधील रसुवा जिल्ह्यातील भोटेकाशी नदीत आलेल्या महापूराने परिस्थिती गंभीर झाली आहे. या नैसर्गित संकटात देशातील एकूण 133 नागरिक अडकल्याची भीती व्यक्त होत आहे. यामध्ये महाराष्ट्रातील काही जणांचा समावेश आहे. बेपत्ता भारतीयांची संख्या वाढण्याची शक्यता आहे. अद्यापही त्यांच्याविषयीची माहिती समोर आलेली नाही. दरम्यान महाराष्ट्र सरकारने नागरिकांसाठी टोल फ्री क्रमांक जाहीर करण्यात आले आहे. मंत्रालयात 24 तास हा कक्ष सुरू आहे. त्यासाठी हेल्पलाईन क्रमांक जाहीर करण्यात आला आहे. नेपाळमध्ये अडकलेल्या नागरिकांची माहिती गोळा करण्यासाठी आणि मदत पोहचवण्यासाठी महाराष्ट्र राज्य आपत्ती व्यवस्थापन प्राधिकरणाने एक ऑनलाईन लिंक जाहीर केली आहे. मंत्रालयातील राज्य नियंत्रण कक्ष चोवीस तास कार्यरत असेल.
उत्तर नेपाळला सर्वाधिक फटका
नेपाळमध्ये बुधवारी, 26 ऑगस्ट रोजी दुपारी अचानक आलेल्या महापूराने अनेक शहरं उद्धवस्त झाली. गावचं गावं वाहून गेली. हॉटेल्स, शाळांना मोठा फटका बसला. पूल, रस्ते वाहून गेले. नेपाळमधील पर्यटन बोर्डाच्या आकडेवारीनुसार, या नैसर्गिक आपत्तीत एकूण 403 नेपाळी आणि अनेक परदेशी नागरिकांशी कोणताही संपर्क झाला नसल्याचे स्पष्ट केले आहे. यामध्ये सर्वाधिक 133 भारतीय पर्यटकांचा समावेश आहे. संपर्क न होऊ शकलेल्यांमध्ये 62 नेपाळी, 47 अमेरिकन, 34 ऑस्ट्रेलियन, 33 ब्रिटिश आणि 24 कॅनेडियन नागरिकांचा समावेश आहे. याशिवाय मलेशिया, यूक्रेन, सिंगापुर, दक्षिण अफ्रिका, न्यूझीलंड, जपान, जर्मनी, फ्रान्स, आयर्लंड, नेदरलँड, रशिया, स्पेन, बेलारूस, फिनलँड, हंगेरी, इस्त्रायल, लिथुआनिया, पोर्तुगाल आणि फिलिपाईन्समधील नागरिकांचा यामध्ये समावेश आहे. त्यातील अनेक जण हे नॉटरिचेबल आहेत.
या टोल फ्री क्रमांकावर साधा संपर्क
महाराष्ट्र राज्य नियंत्रण कक्षाकडून एक विशेष टोल फ्री हेल्पलाईन क्रमांक 1070 आणि नियंत्रण कक्ष 91-9321587143 क्रमांक जाहीर करण्यात आला आहे. राज्यातील नागरिकांनी, त्यांचे मित्र, नातेवाईक जर नेपाळमध्ये अडकले असतील तर त्यांची माहिती देण्याचे आवाहन करण्यात आले आहे. नेपाळमध्ये अडकलेल्या नातेवाईकांचे नाव, त्यांचा मोबाईल क्रमांक, नेपाळमध्ये ते सध्या कुठे अडकले आहेत. हॉटेल, ठिकाणाचे नाव, त्यांच्या यात्रेसंबंधीची माहिती आणि कुटुंबियांच्या संपर्काविषयीची माहिती उपलब्ध करून देण्याचे आवाहन करण्यात आले आहे.
नेपाळमध्ये निर्माण झालेल्या पूरस्थितीमुळे महाराष्ट्रातील नागरिकांसाठी हेल्पलाईन नंबर्स जारी करण्यात येत आहेत. मंत्रालयातील नियंत्रण कक्षात 24 तास हा कक्ष कार्यरत असून ज्यांना कुठल्याही प्रकारच्या मदतीची गरज आहे, त्यांनी खालील क्रमांकावर संपर्क साधावा, असे आवाहन करण्यात येत आहे.…
— CMO Maharashtra (@CMOMaharashtra) August 26, 2026
नेपाळमध्ये उद्भवलेल्या पूर परिस्थितीच्या पार्श्वभूमीवर जिल्हा प्रशासनाने आवाहन केले आहे. कुटुंबीयांचा संपर्क होत नसल्यास विशेष लिंकवर तातडीने माहिती नोंदवण्याचे धाराशिव चे जिल्हाधिकारी कीर्ती किरण पुजार यांनी आवाहन केले आहे. नाव, मोबाईल क्रमांक, नेपाळमधील ठिकाण/हॉटेल, प्रवासाचा तपशील आणि कुटुंबीयांचा संपर्क क्रमांक द्यावा. टोल फ्री 1077 या क्रमांकावर संपर्क साधण्याचे आवाहन करण्यात आले आहे.
