AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

एक तृतीयपंथी, दुसरा पानवाला, एक कोटींचा मामला, लागला असा चुना…

कोरोनामुळे देशात लॉकडाऊन सुरु झाले आणि पवनचा धंदा बसला. धंद्यात नुकसान झाले. कर्ज वाढले. हे कर्ज फेडण्यासाठी काय करावे या विचारात तो गढला. अखेर त्याने नको ते पाऊल उचललं.

एक तृतीयपंथी, दुसरा पानवाला, एक कोटींचा मामला, लागला असा चुना...
TRANSGENDER AND PAN TAPRIImage Credit source: TV9 NEWS NETWORK
Mahesh Pawar
Mahesh Pawar | Updated on: Jun 03, 2023 | 4:46 PM
Share

नवी दिल्ली : नवी दिल्लीच्या लक्ष्मी नगर येथील एका तृतीयपंथीचं आलिशान घर होतं. घरात सोन्याचे दागदागिने, रोख रक्कम, चांदीच्या महागड्या वस्तू आदी ऐवज होता. या ऐवजाची किंमत कोटींच्या घरात होती. या घरावर काही जण पाळत ठेवून होते. याच घराशेजारी पवन जयस्वाल हा अनेक वर्षांपासून पानाचा धंदा करत होता. त्याचाही त्याचाही धंद्यात बऱ्यापैकी जम बसला होता. पण, कोरोनामुळे देशात लॉकडाऊन सुरु झाले आणि पवनचा धंदा बसला. धंद्यात नुकसान झाले. कर्ज वाढले. हे कर्ज फेडण्यासाठी काय करावे या विचारात तो गढला. अखेर त्याने नको ते पाऊल उचललं.

पवन याचे लॉकडाऊन काळात व्यवसायात खूप नुकसान झाले. लाखोंचे कर्ज झाले होते. ते कसे फेडावे याचा विचार करता होता. त्याचवेळी त्याला तो तृतीयपंथी खूप श्रीमंत असून त्याच्या घरात कोट्यवधींची संपत्ती असल्याची माहिती मिळाली. त्यानंतर त्याने त्या दरोडा घालण्याचा कट रचला. पवन याने मित्र सनी उर्फ ​​अरमान याला गाठले. त्याला आपल्या कटात सामील करून घेतले. अरमान याने आपल्या काही साथीदारांना सोबत घेतले. ते सर्व दरोड्याची तयारी करू लागले.

अरमान याने तृतीयपंथी याच्या घरी दरोडा घालण्यापूर्वी लक्ष्मीनगरला पवन याची भेट घेतली. त्यानंतर आपल्या साथीदारांसह दरोडा टाकून तो पळून गेला. दरोडा पडल्याची माहिती पोलिसांना मिळाली. पोलिसांनी दरोडा पडलेलले घर गाठले. त्यावेळी त्यांना मुखवटा घातलेल्या चार जणांनी आपल्याला ओलीस ठेवले आणि संपूर्ण घर लुटून पळून गेल्याची तक्रार पीडितेने केली.

भरदिवसा घालण्यात आलेल्या या दरोड्याच्या घटनेचा दिल्ली पोलिसांनी एफआयआर नोंदवून तपास सुरू केला. पोलिसांनी प्रथम घटनास्थळाच्या आसपासचे सीसीटीव्ही फुटेज तपासले. त्यात त्यांना काही संशयास्पद हालचाली दिसल्या. त्यावरून त्यांनी लक्ष्मी नगर ते नोएडाच्या नया बन्सपर्यंत असलेली सुमारे ३०० सीसीटीव्ही कॅमेऱ्यांचे फुटेज तपासले. त्यातील एका सीसीटीव्हीमध्ये आरोपी दिसले. पोलिसांनी त्याआधारे तपास सुरु केला.

लक्ष्मी नगरमधील एका फुटेजमध्ये पोलिसांना संशयित तरुण एका व्यक्तीसोबत बोलताना दिसला. त्याची ओळख पटली तो पवन जैस्वाल निघाला. पोलिसांनी पवनला चौकशीसाठी ताब्यात घेतले. पवनने सुरुवातीला पोलिसांची दिशाभूल करण्याचा प्रयत्न केला पण जेव्हा पोलिसांनी त्याला सीसीटीव्ही फुटेज दाखवले तेव्हा त्याने पोलिसांना दरोड्याच्या संपूर्ण कटाची माहिती दिली. लॉकडाऊनमध्ये व्यवसायात मोठे नुकसान झाल्यामुळे हा कट रचल्याचे कबुली दिली.

पवन याने दिलेल्या माहितीच्या आधारे दिल्ली पोलिसांनी दिल्ली आणि पंजाबमधून तीन जणांना अटक केली. या आरोपींकडून पोलिसांनी 70 लाख रुपयांचे सोन्याचे दागिने, 6.5 लाख रोख, 2 किलो चांदीचे दागिने, 5 खेळण्यांच्या बंदुका, एक पिस्तूल आणि लुटीच्या पैशाने खरेदी केलेला आयफोनही जप्त केला आहे. पोलीस या प्रकरणी अधिक तपास करत आहेत.

Follow Us
बिनविरोध निवडीचा मान कायम! जय शाह पुन्हा सांभाळणार आयसीसीची धुरा
Jay Shah : बिनविरोध निवडीचा मान कायम! जय शाह पुन्हा सांभाळणार आयसीसीची धुरा
अमिताभ बच्चन यांच्या ‘जलसा’ बंगल्याबाहेर गोळीबाराचा कट उधळला; बिश्नोई
अमिताभ बच्चन यांच्या ‘जलसा’ बंगल्याबाहेर गोळीबाराचा कट उधळला; बिश्नोई गँगशी कनेक्शन उघड
पुण्यात दिवंगत नेते अजित पवारांच्या पुतळ्याचे अनावरण; अमित शाहांसह...
पुण्यात दिवंगत नेते अजित पवारांच्या पुतळ्याचे अनावरण; अमित शाहांसह अनेक नेत्यांची उपस्थिती!
जिल्हा बँक निवडणुकीच्या 15 पैकी 4 जागांचा निकाल जाहीर
Latur Bank Election : जिल्हा बँक निवडणुकीच्या 15 पैकी 4 जागांचा निकाल जाहीर
डिलिमिटेशन विधेयकावर नताशा आव्हाड आक्रमक; स्वतःच्याच पक्षाच्या विरुद्ध
मोठी बातमी! डिलिमिटेशन विधेयकावर नताशा आव्हाड आक्रमक; स्वतःच्याच पक्षाच्या विरुद्ध...
मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान...
Sanjay Raut : मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान, राऊतांच्या दाव्याने खळबळ
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजप...
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजपलाही टाकलं मागे!
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे...
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे महाराष्ट्राचे लक्ष!
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!